Në një takim me 81 kryebashkiakët e tij, kryeministri turk
Rexhep Taib Erdogan, i ftoi kryebashkiakët e tij të vënë në zbatim
modelin omerian (Omer ibn Hatabit), duke u kërkuar të unifikohen me
problemet e njerëzve dhe të sillen me maksimumin e thjeshtësisë në
trajtimin e tyre.Në takimin e organizuar kohët e fundit Erdoani foli për modelin që
duhet të përfaqësojnë kryebashkiakët duke e filluar bisedën e tij me
kritika ndaj tyre: “Kryebashkiaku ynë nuk duhet të rrijë në makinën e
tij zyrtare apo në zyrën e tij bashkiake duke administruar punët e tij
në letër, por duhet të zbresë tek njerëzit, të kapi shatin e kazmën e
të punojë bashkë me njerëzit dhe t’i ndjek punët nga afër kur është e
nevojshme.
Kryebashkiaku i vërtetë nuk duhet të rrijë larg popullit, qytetit
dhe problemeve të tyre, por është gjithmonë mes popullit, përzihet me
ta dhe i përjeton problemet e tyre. Ky është kryebashkiaku i vërtetë që
duam ta shohim në vatanin tonë. Duam që kryebashkiaku të jetë në
dijeni reale për familjet e qytetit të tij dhe të fshatrave që e
rrethojnë. Ai madje duhet të identifikojë ato oxhaqe që nuk nxjerrin
tym në këtë dimër të ashpër e acar.”
Duke iu drejtuar të gjithë valinjve para tij u tha: “Sakaq duhet të
dalësh ti vetë e ti identifikosh këto shtëpi. Dua që valiu të ndjejë
dhimbje kur shikon fëmijën, tek del në mëngjesin e ftohtë, me këpucë të
grisura që nuk e mbrojnë nga i ftohti i rrugës. Dua që të kontrollojë
shtëpitë e të moshuarve dhe të hyjë në to për të marrë bereqetin e
duasë së tyre dhe të vizitojë shtëpitë e të varfërve e t’ju çojë
sheqerin, çajin e lëndë të tjera ushqimore për të përballuar
vështirësitë e jetës. E nëse nuk ka mundësi t’ua përgatisë çajin me
duart e veta, le të shkojë me gruan e tij tek këta fukarenj për t’ua
përgatitur çajin me duart e saj dhe më pas ta pinë një gotë çaj së
bashku. Ne duhet t’i thyejmë dyert e mbyllura mes popullit dhe
burokratëve.”
Braktisni vilat tuaja luksoze!Sa më sipër, Ergoani u ka thënë valinjve të tij disa ditë pasi u ka
kërkuar që të braktisin vilat e tyre luksoze në bregdet e të kalojnë
për të jetuar në banesa brenda bashkive të tyre.
Disa vali iu përgjigjën kërkesës së tij. Njëri prej tyre është
kryebashkiaku i lagjes “Fati” të Stambollit, Mustafa Demir, i cili u
transferua brenda lagjes “Fati” pasi banonte në Beshiktash (në
ngushticën e Bosforit) për arsye të shkollës së fëmijëve.
Që herët Erdoani u ka bërë thirrje kryebashkiakëve të tij: “Banoni
në ato lagje që i keni nën administrim tuaj dhe jetoni në mesin e
njerëzve që të njiheni me problemet e tyre, qofshin këto të hasura në
rrugë, dyqane, arsimim etj.” Ndërkohë që disa kryetarë të njësive
bashkiake ishin transferuar për të banuar në vila luksoze në kopshtin
“Ataturtk”, të Stambollit, me pamje nga deti.
Dihet se Erdoani nuk e ndërroi banesën e tij në lagjen Uskudar të
Stambollit edhe pasi u bë Kryebashkiaku i Stambollit më 1994, vetëm kur
u transferua në Ankara, pasi u bë kryeministër më 2002.
Stambolli akoma i ka të freskëta arritjet e ishkryebashkiakut të tij
në zgjidhjen e shumë prej problemeve të saj të vështira veçanërisht
ato të korrupsionit, anarshisë, papastërtisë dhe borxheve. Erdoani
arriti të shlyejë një miliard dollar borxhe të bashkisë, e ngriti
rritjen ekonomike deri në 7%. Këto arritje, ekspertët dhe njohësit e
tij ia atribuojnë duarve të tij të pastra dhe afërsisë së tij me
njerëzit, veçanërisht me punëtorët, të cilëve ua rriti pagat dhe u
ofroi shërbimet e domosdoshme shoqërore dhe shëndetësore.
Partia për Drejtësi dhe Zhvillim përgatitet për zgjedhjet e vështira
dhe të ashpra të vitit 2011 dhe pavarësisht se sondazhet dhe
parashikimet nxjerrin në pah se kjo parti do të fitojë për herën e
tretë rresht, konkurrenca nuk do të jetë e lehtë, veçanërisht duke
pasur parasysh korrigjimet ideologjike brenda “partisë republikane”
shekullariste opozitare, e cila synon t’u afrohet njerëzve duke hequr
dorë nga ekstremizmi i saj shekullarist. /FRI/
Thu 23 Mar 2023 - 2:31 nga 
