Partia
në pushtet në Turqi, AKP, e kryesuar nga kryeministri i Turqisë,
Rejjep Tayib Erdogan, do të ngadhënjejë për të tretën herë me radhë në
zgjedhjet e ardhshme parlamentare, kanë dëshmuar anketat e opinionit
publik.
Sipas anketës, të bërë nga firma Metropol, AKP do të fitojë së paku
47 për qind të votave, pothuajse po aq vota, sa pat fituar edhe në
zgjedhjet e kaluara.
Sipas kësaj ankete, edhe dy parti tjera do ta kalojnë pragun
zgjedhor, më saktësisht partia sekulare, Partia Popullore Republikane,
më 27 për qind të votave dhe Lëvizja Nacionaliste, më 13 për qind të
votave.
Partia më e madhe pro-kurde, Partia e Paqes dhe Demokracisë, sipas
kësaj ankete do të fitojë pak më tepër se 5 për qind të votave, pra nuk
do të jetë në gjendje të hyjë në parlament.
Zgjedhjet parlamentare në Turqi do të zhvillohen më 12 qershor dhe për 550 ulëset në parlament do të garojnë 15 parti.
Thu 23 Mar 2023 - 2:31 nga 
