Së
paku pse gra janë arrestuar në Arabinë Saudite, pasi janë akuzuar se
kanë sfiduar ligjin i cili lejon vetëm meshkujt të ngasin veturën,
njoftoi një aktiviste sauudiane.
Sipas fjalëve të aktivistes Emane Al-Nafjan, të martën është
arrestuar një grua e cila voziste veturën e saj në Xhide, qytetin
bregdetar të Detit të Kuq. Ndërsa katër gra tjera janë arrestuar më vonë
në të njëjtin qytet, njoftojnë agjencitë.
Al-Nafjane i ka thënë AP –së se nuk ka pasur informata rreth
statusit të pesë grave që janë ndaluar të martën derisa kanë vozitur në
qytetin Xhide.
Arrestimi shënon shtypjen e parë të fushatës nga autoritetet saudite
që prej se ka nisur ajo, dy javë më parë. Mbi 10 gra që prej asaj kohe
kanë vozitur nëpër Riad dhe qytete të tjera.
Autoritetet saudiane me 30 maj liruan me kusht Masal Al-Sherif (32)
aktivisten e parë që sfidoi ligjin kundër ngasjes së veturës, duke
vendosur në internet një klip ku shihet se vozit.
Arabia Saudite është i vetmi vend në botë ku gratë nuk kanë të drejtë të ngasin veturën.
(Breziiri) 
Thu 23 Mar 2023 - 2:31 nga 
