Islami nuk është
fe e ekstremizmit
|
All-llahu thotë:
|
“…Kush mbyt një njeri (pa të drejtë), pa pasë mbytur ai ndonjë
tjetër dhe pa pasë bërë ai ndonjë shkatërrim në tokë, atëherë (krimi i tij)
është si t’i kishte mbytur gjithë njerëzit…”Kur’an 5:32
|
Islami... fe
ekstreme?
|
"Terroristë islamik!" "Fundamentalistë
muslimanë!" "Ekstremistët!" "Radikalë islamik!" Këta
janë vetëm disa nga emërtimet që u janë mveshur gabimisht muslimanëve në këto
vitet e fundit.
|
Portretimi i Islamit nga mediat shpesh mashtron ata
që kanë njohuri të kufizuar për këtë
fe, dhe i shtyen që të bëjnë supozime negative në lidhje me këtë mënyrë shumë
të qetë dhe tolerante të jetës.
|
Peter Manning, gazetar australian prej 30 vitesh,
deklaron në librin e tij, "Ne dhe Ata": "Përvoja ime tregon se
ka një dallim të madh në mes të realiteteve të jetës së përditshme të arabëve
dhe muslimanëve australianë dhe si ata paraqiten në mediat tona
[australiane].
|
Në më shumë se 60 përqind të rasteve [nga shkrimet e
2 gazetave kryesore(në perëndim)], fjalët 'dhunë', 'vdekje', 'sulm',
'vrasje', 'vetëvrasje' ose 'të armatosur’ ishin në afërsi të fjalëve
"arab', 'palestinez', ' musliman' apo 'Islam'."
|
A është atëherë ndonjë çudi, që shumica e njerëzve
Islamin e shoqërojnë me terrorizëm?
|
Problemi i injorancës është vënë në pah nga një
studim (në Australi) i cili tregoi se më shumë se një në tre australianë
pranojnë se nuk dinë asgjë për Islamin dhe pasuesit e tij.
|
"Ata me më së paku njohuri dhe kontakte
personale me muslimanët kishte shumë të ngjarë që të ndihen të kërcënuar nga
Islami," -tha Dr. Dunn, i cili është autorizuar nga Instituti
Australi-Indonezi për kryerjen e studimit.
|
Përhapja e paragjykimeve dhe injorancës nga mediat
lidhur me Islamin mund të kundërshtohet nga kuptimi i Islamit përmes mësimeve
të tij të duhura. Kjo do të thotë duke iu referuar Kur'anit (që muslimanët
besojnë se është fjala e Zotit) dhe thënieve autentike të profetit Muhammed
(paqja qoftë mbi të). Përmes të kuptuarit të duhur të këtyre mësimeve, do të
zbuloni se Islami është plotësisht kundër çdo forme të ekstremizmit.
|
Si mund të
keqkuptohet Kur’ani
|
Kur lexon Kur'anin, ose thëniet e Pejgamberit (paqja
qoftë mbi të), njeriu duhet kuptuar kontekstin në të cilin formulimi vlen.
Ajeti vijues i Kur'anit është favoriti në mesin e atyre që kërkojnë të
largojnë njerëzit nga Islami:
|
“Dhe luftoni ata kudo që t’i zini, dëboni prej vendit ata
sikurse ju përzuan ata juve. Provokimi (fitneja) është më e rëndë se vrasja.
Mos i luftoni ata pranë xhamisë së shenjtë (Mesxhidul-Haram) deri që ata t’ju
luftojnë juve aty, e nëse ju sulmojnë, atëherë sulmoni edhe ju ata. I këtillë
është ndëshkimi ndaj pabesimtarëve.”Kur’an 2:191
|
Në raste të caktuara, ky ajet shkurtohet
rrezikshmërisht dhe paraqitet në këtë mënyrë:
|
“Dhe luftoni ata kudo që t’i zini…”Kur’an 2:191
|
Pyetja është e qartë , "Cilët ti vrasin?".
Për t'iu përgjigjur kësaj pyetjeje, duhet të lexohen ajetet paraprake dhe
pasuese të ajetit 2:191.
|
“Dhe luftoni në rrugën e All-llahut kundër atyre që ju
sulmojnë e mos e teproni se All-llahu nuk i do ata që e teprojnë (e fillojnë
luftën).” Kur’an 2:190
|
Ajeti i mësipërm përmend luftën si një mjet i
vetëmbrojtjes (d.m.th. me ata që ju
luftuan). Ajeti pas 2:191 është:
|
“E nëse heqin dorë (nga provokimi),
All-llahu është Ai që fal dhe që mëshiron.” Kur’an
2:192
|
Këto ajete u zbritën në një kohë kur muslimanët ishin
dëbuar nga shtëpitë e tyre për shkak të besimit të tyre. Ata duruan më shumë
se dhjetë vjet persekutimi dhe përfundimisht u është dashur që të largoheshin
në një vend të sigurt.
|
Ajetet e mësipërme u referohen idhujtarëve arab të
Mekës gjatë kohës së Pejgamberit (paqja qoftë mbi të), të cilët i maltretonin
muslimanët dhe planifikuan për t’i sulmuar ata në vendin ku ata kërkuan strehim.
|
Prandaj, ajeti i mësipërm mund të aplikohet vetëm në
rrethana të tilla.
|
Ky shembull demonstron se ajetet në Kur'an duhet të
kuptohen në kontekstin e tyre të duhur sepse këto ajete janë shpallur në lidhje me situata të veçanta, për një
periudhë prej 23 vjetësh. Është gjithashtu e rëndësishme të theksohet se
Kur'ani është shpallur në arabisht. Prandaj, përkthimet në gjuhë të ndryshme
mund të jenë çorientuese dhe / ose të pasakta.
|
Lufta e lejueshme
|
Nuk mund të ketë dyshim se muslimanët (si kushdo
tjetër) kanë të drejtën legjitime për të luftuar kundër agresionit, ose kur janë
të shtypur.
|
Islami na mëson se lufta është e lejuar me qëllim të
ruajtjes së mirëqenies së komunitetit ose për të parandaluar përhapjen e
shtypjes - kjo mund të jetë në kontekstin e luftës mbrojtëse ose sulmuese në
varësi të situatës të veçantë. Islami, ashtu si çdo ‘mënyrë e jetës ‘ që
dëshiron të sigurojë mbijetesën e saj, ka të drejtë të mbrojë veten kur
deklarohet luftë kundër saj. Në Kur'an (22:39), ne lexojmë:
|
"Atyre
të cilët luftohen nga ndokush, u është dhënë leje të luftojnë, për shkak se u
është bërë e padrejtë."
|
Megjithatë, kur armiku pushon armiqësinë e tij,
muslimanët janë të urdhëruar të pushojnë luftimet.
|
“Në qoftë se ata, anojnë kah paqja ano edhe ti kah ajo, e
mbështetu në All-llahun. Ai është që dëgjon dhe di.”Kur’an 8:61
|
Ebu Bekri (All-llahu qoftë i kënaqur me atë), mik i
afërt i Profetit Muhamed dhe pasardhësi i tij (në krye të shtetit islam),
foli për qasjen islamike ndaj luftës duke theksuar në vijim.
|
Në fushëbetejë, nuk duhet të:
|
• tradhëtosh
• masakrosh të vdekurit
• devijosh
nga rruga e drejtë
• vrasësh
gra, fëmijë apo njerëz të moshuar
• dëmtosh
ose djegësh pemët, veçanërisht ato të frytshmet
• të therrësh bagëtinë e armikut, veç se për
ushqim
• dëmtosh
prijësit e tyre fetarë
|
Ndërsa lexojmë në ajetin 2:190, All-llahu nuk
urdhëron myslimanët që të shkojnë në ekstreme duke thënë, "Mos e
teproni." Lufta nuk është justifikim për të kaluar kufijtë (për ta
tepruar). Islami na mëson distancimin nga hakmarrja e verbër.
|
“Dhe
të mos u shtyjë urrejtja ndaj një populli e t’i shmangeni
drejtësisë; bëhuni të drejtë se ajo është më afër
devotshmërisë.” Kur’an 5:8
|
Terrorizmi në
perspektivë
|
Problemi me vënien e terrorizmit në perspektivë është
se nuk ka asnjë përkufizim të caktuar mbi atë që përbën
"terrorizmi". Gjithashtu, terrorizmi merr shumë forma, siç e
tregojnë shembujt e mëposhtëm.
|
Robert Fisk, nga ‘The Independent’, shkruan:
"Izraeli dhe aleatët Izraelitë (më 16 shtator 1982) filluan shfrenimin e
tyre tre-ditorë të përdhunimeve, therrjeve dhe vrasjeve në kampet palestineze
të refugjatëve Sabra dhe Shatila që u kushtoi jetën 1.800 palestinezëve. Më
pas vijoi pushtimi Izraelit i Libanit i dizajnuar për të përzënë PLO
(Organizatën Çlirimtare të Palestinës) nga vendi dhe duke pasur parasysh [miratimin nga
Shtetet e Bashkuara] që u kushtoi jetën 17.500 libanezëve dhe palestinezëve,
shumica prej tyre civilë. "
|
Sipas Profesor Noam Çomski, "Është e padiskutueshme se Shtetet e Bashkuara
janë një shtet udhëheqës terrorist. Në fakt, është shteti i vetëm që ishte i
dënuar për terrorizëm ndërkombëtar nga ana e organeve më të larta: Gjykata
Ndërkombëtare e Drejtësisë në 1986.”
|
Në mënyrë të ngjashme, "Masakra e tmerrshme e
8000 muslimanëve – disa të paarmatosur - në Srebrenicë në vitin 1995 kurrë
nuk çoi në përfundimin se krishterimi është i dhunshëm dhe ka tendenca
represive." - William Dalrymple, The Independent UK.
|
"Kërditë e shkaktuara nga perëndimorët, gjoja të
krishterë dhe krerët e tyre gjatë gjashtë dekadave të fundit janë një luftë
botërore dhe një luftë e ftohtë, një Holokaust, dy bomba atomike, shtypja e
luftrave për pavarësi, nxitja e
luftërave, si dhe përkrahja e diktatorëve dhe terroristëve shtetërorë dhe jo-shtetërorë - e bënë të pamundshëm shikimin e Islamit
si një fe ose qytetërim më i dhunshëm se kaq. "- Rama Mani (Qendra e
Gjenevës për Politikën e Sigurisë)
|
Ka shumë shembuj të tjerë hebraik dhe të krishterë të
terrorizmit, megjithatë, ne kurrë nuk duhet të flasim në përgjithësi dhe të
thërrasim të gjithë të krishterët dhe çifutët terroristët. Në mënyrë të
ngjashme, ne nuk duhet ti gjykojmë të gjithë myslimanët , por vetëm ata që
kanë kryer krimin duhet të gjykohen.
|
Islami dënon
terrorizmin
|
Akti për nxitjen e terrorizmit në zemrat e civilëve
të pambrojtur, shkatërrimin e
ndërtesave dhe pronave, bombardimet dhe gjymtimi i burrave, grave dhe fëmijëve
të pafajshëm janë të gjitha të ndaluara dhe akte të neveritshme në bazë të
Islamit dhe muslimanëve. Kjo qëndron për çdo lloj terrorizmi, duke përfshirë
terrorizmin e sponsorizuar nga shtetet perëndimore i cili ka vrarë, ka
plagosur dhe ka detyruar të zhvendosen njerëz pafundësisht më shumë se të
gjitha llojet e tjera të terrorizmit.
|
Nëse një individ musliman ka kryer një akt të
terrorizmit, ky person do të jetë fajtor për shkelje të ligjeve të fesë të
cilën ata pretendojnë të ndjekin - Islamin. A do të jetë e drejtë të dënohen
të gjithë muslimanët, kur feja në vetvete është kundër akteve të tilla? Muslimanët
ndjekin një fe të nënshtrimit ndaj Zotit, të paqes, mëshirës, dhe faljes.
Shumica nuk kanë asgjë të bëjnë me ngjarjet e dhunshme të cilat veçanërisht mediat i kanë lidhur
me muslimanët. Islami nuk është një fe e ekstremizmit.
|
“All-llahu nuk ju ndalon të bëni mirë dhe të mbani drejtësi me
ata që nuk ju luftuan për shkak të fesë, e as nuk ju dëbuan prej shtëpive
tuaja; All-llahu i do ata që mbajnë drejtësinë.”Kur’an 60:8
|
Thu 23 Mar 2023 - 2:31 nga 
