Formula sekrete e prodhimit të Coca-Colas nuk do të zbulohet kurrë, të paktën jo për disa vjet. Kompania zhvendosi për herë të parë në 86 vjetët e fundit recetën e prodhimit të pijes, duke e lëvizur atë nga banka “Sun Trust” e Atlantës, drejt një shtëpie tërësisht të blinduar, e ndërtuar posaçërisht prej kompanisë “Coca-Cola World”.

Zhvendosja e recetës që përmban formulën magjike është kryer gjatë një “operacioni blitz” dhe është shoqëruar nga një mori personash të armatosur për të shmangur çdo lloj të papriture.

Kompania nuk ka dhënë asnjë komunikatë mbi arsyet e zhvendosjes së vendndodhjes së formulës, e cila që nga vitit 1925 “strehohej” në bankën “Sun Trust” në Atlanta.

Ruajtja sekret e formulës, për efekte marketingu dhe cilësimi i saj si një “pronë intelektuale” e “Coca-Cola Company”, është një strategji proteksionizmi e aplikuar që nga koha e Robert W. Woodruff, merita e të cilit është ngritja e Coca-Colas nga një kompani në vështirësi financiare në një kompani lider të prodhimit të pijeve freskuese në të gjithë botën.

Woodruff drejtoi Coca-Colan nga periudha e pas Luftës së Parë Botërore deri në vitin 1954, vit në të cilin u tërhoq nga detyra e tij, duke lënë një traditë për të gjithë pasardhësit.

Vetëm një Zot e di se prej çfarë materiesh përbëhet kjo pije e quajtur “Coca Cola”.

Dëmet që shkakton Coca-Cola

Në 10 minutat e para pasi kemi pirë një kanaçe apo shishe Coca Cola, 10 lugë sheqer depërtojnë në sistemin tuaj trupor.

Sasia ditore që duhet të ketë trupi është 10 % e kësaj. Arsyeja pse nuk ju vjen për të vjellë menjëherë nga sasia hiperbolike e sheqerit që fusni në trup, është acidi fosforik, i cili pret shijen e sheqerit, duke ju lejuar që të mbani pijen në stomakun tuaj.

Pas 20 minutave, sheqeri që keni marrë nga pirja e Coca Colas ju provokon një shpërthim të insulinës. Mëlçia juaj përgjigjet dhe shndërron në yndyrë sa më shumë sheqer që të mundet. Dhe ende shumë sheqer, mbetet. Pas 40 minutave, Absorbimi i kafeinës është tashmë i plotë.

Arteriet tuaja zgjerohen, rritet tensioni i gjakut dhe mëlçia vazhdon të hedhë sheqer në gjak. Përçuesit e adenozinës në trurin tuaj janë bllokuar dhe janë të përgjumur. Pas 45 minutave, Trupi juaj rrit prodhimin e dopaminës, duke ngacmuar qendrat e kënaqësisë në trurin tuaj.

Është e njëjta mënyrë me të cilën funksionon heroina në trurin tonë. Pas 60 minutave, Acidi fosforik lidh azbestin (kalçiumin), magnezin dhe zinkun në zorrën tonë të hollë, duke siguruar një nxitje të mëtejshme të metabolizmit.

Kjo shkaktohet nga sasia e madhe e sheqerit dhe ëmbëlsuesve artificialë që gjithashtu rrisin nxjerrjen urinare të kalçiumit. Tani, në “lojë” hyjnë edhe fuqitë e kafeinës. Duke qenë diuretik, ju bën të keni nevojë për jashtëqitje të ujit të hollë. Kjo siguron largimin nga trupi juaj të magnezit, kalçiumit dhe zinkut që duhet të shkonte te kockat e trupit tuaj.

Po ashtu largohet edhe natriumi, elektroliti dhe uji. Tani ju do të keni një përplasje të sheqernave. Ju do të bëheni nervoz ose do të ndjeni ngathtësi. Ndërkohë, ju keni nxjerrë ujin që kishte Coca Cola Coke që pitë, por bashkë me të edhe ushqyesit e çmuar që trupi juaj do të mund të përdorte për të përballuar këto dhe për të ndërtuar e ruajtur eshtra dhe dhëmbë të fortë.