Në fakt, të mirat e kësaj bote, të cilat tundojnë nefsin (egon) e njeriut, Allahu Teala me urtësinë e Vet, i ka bërë sprova, me të cilat duhet të përballohemi.Mashtrimi me këto të mira, i ngjan peshkut që ngel në grep.Peshku mashtrohet pas karremit dhe nuk e sheh grepin që është fshehur në të.
Ja pra, ata që nuk e shohin këtë kurth, nuk mund të shpëtojnë pa u mahstruar prej tij.Për të kaluar sprovat hyjnore,ku kanë rrëshqitur shumë këmbë dhe janë fundosur shumë shpirtëra, duhet kuptuar mirë thelbio i të mirave të kësaj bote dhe të arrihet të përceptohet "misteri i sprovës" , që fshihet në to.Ndërsa, për të zotëruar një aftësi të tillë, është kusht që të jemi vigjilentë ndaj kurtheve joshëse të kësaj bote, si pasuria, epshi dhe fama dhe, si do që të jetë puna, të zgjedhim shpëtimin e botës tjetër.

Në lidhje me këtë çështje, Allahu Teala na paralajmëron kështu:

"Por ju, përkundrazi, më shumë po parapëlqeni jetën e kësaj bote, ndonëse jeta tjetër është më e mirë dhe e amshuar." (El-A`la, 16-17)

".....Ju dëshironi të mirat kalimtare të kësaj bote, kurse Allahu dëshiron botën tjetër...." (el-Enfal,67)Pasuria që fitohet në këtë botë, më e shumta e shoqëron të zotin deri në varr.Pasuria e dukshme, që mund të marrë njeriu në varr prej kësaj bote, është vetëm qefini.Ndërsa pasuria e padukshme, është besimi dhe punët e tij.Prandaj, nuk duhet të mashtrohemi pas pasurisë së pabesë dhe kënaqësive të përkohshme të kësaj bote.

Sipas transmetimeve,Dhulkarnejni, i cili pushtoi të gjithë botën, para se të vdiste, la këtë amanet:

"Më lani dhe më qefinosni!Pastaj më vendosni në një tabut, por krahët m`i lini të varur jashtë!Shërbetorët e mi të më vijnë nga pas dhe pasurinë time ngarkojeni nëpër mushka!Le ta shohë populli se unë po iki me duar bosh, ndonëse zotëroja kulmin e madhështisë dhe thesaret e gjithë botës.Edhe shërbetorët të shohin se thesarët e mi qëndruan në këtë botë e nuk më erdhën pas!Prandaj,të mos mashtrohen prej kësaj bote gënjeshtare dhe të përkohshme!...

Dijetarët e kanë komentuar kështu, këtë amanet:

"...E gjithë bota ishte nën drejtimin tim.Zotërova thesare të panumërta.Mirëpo, të mirat e kësaj bote nuk janë të përhershme.Ja pra, siç e shihni, po shkoj në varr me duar bosh!Pasuria e kësaj bote, ngelet në këtë botë.Prandaj, shihni punët të cilat do t`ju vlejnë në botën tjetër!...

Edhe Profeti ynë i dashur a.s, na ka këshilluar në këtë mënyrë:

"...Po ju lë amanet pesë këshilla,me qëllim që Allahu t`u plotësojë me to virtytet e mira: Mos mblidhni gjëra, të cilat nuk do të mund t`i hani!Mos ndërtoni bina, në të cilat nuk do të banoni!Mos u grindni me të tjerët për gjëra, që nesër do t`i lini pas!Kini frikë prej Allahut, para të Cilit do të tuboheni të gjithë!Përgatituni për vendin ku do të shkoni e do të banoni përgjithmonë!".(Aliel Muttaki, Kenzul-Ummal,hd.nr1363)

Si përfundim,është e padobishme që në frymën e fundit të kuptoni s ejeni mashtruar dhe t`i hidhni fajin botës.Nëse njeriu ka shkuar pas të mirave të kësaj bote dhe është larguar nga besimi e morali i mirë, duhet të fajsojë për këtë vetëm veten e tij.Sa e hidhur është të shkatërrosh të ardhmen e pafund për dëshirat e pafundme,dashuritë e shkurtra dhe shijet e përkohshme!Duhet menduar mirë, sepse as në këtë botë nuk ka kohë dhe vend ku mund t`i shpëtosh vdekjes, as në varr nuk ka ndonjë mundësi për t`ukthyer pas dhe as në ditën e kiametit nuk do të ketë vendstrehim prej tmerrit të asaj dite.

Allahu i Madhëruar na bëftë prej robërve të Tij të devotshëm,të urtë dhe të zgjuar,të cilët e ruajnë sinqeritetin përballë sprovave të kësaj bote!Na e bëftë të mundur që të shohim fytyrën e vërtetë të kësaj!Na e bëftë të mundur që të shohim fytyrën e vërtetë të kësaj bote dhe të botës tjetër dhe të botës tjetër,ashtu siç ua ka treguar robërve të Tij të devotshëm dhe me bujarinë e mëshirën e Tij,zemrat tona të anojnë për nga bota tjetër!....Amiin

Shkrujti:Ilaz Salihi
Marur nga Revista Etika Mars 2012
www.islamieshtedrit.com