Lajmet Ditore

Ministri i Mjedisit Jetësor dhe Planifikimit Hapësiror Nexhati Jakupi, euro-ambasadori Ervan Fuere dhe kryebashkiaku i Qytetit të Shkupit Koce Trajanovski do ta kryesojnë karvanin me biçikleta të organizuar në kuadër të shënimit të Ditës botërore pa automobila dhe Javën evropiane të lëvizjes.
Parakalimi me biçikleta do të fillojë para shatërvanit në Parkun e qytetit do të lëviz nëpër bulevardin "Ilindenska" rrugët "Dame Gruev" Maqedonia" dhe "Mito Haxhivasilev - Jasmin" ndërsa do të përfundojë para BE Info qendrës.
Në parakalim do të marrin pjesë edhe nxënës nga shkollat e mesme dhe fillore në Shkup përfaqësues të organizatave joqeveritare dhe qytetarë.
Ngjarja është në organizim të BE Info qendrës, MMJPH-ja Qyteti i Shkupit dhe OJQ Iniciativa të qëndrueshme. MIA

Policia e Shqipërisë ka ndaluar një përpjekje për grabitjen e bankës "Intesa San Paolo" në Tiranë, pasi zbuloi një tunel që po hapej në afërsi.
Mediat lokale raportojnë se personat janë kapur në flagrancë gjatë natës, në momentin që po gërmonin për hapjen e tunelit.
Ende nuk bëhen të ditur emrat e të arrestuarve, por burime të policisë citohen të kenë thënë se për të realizuar planin e grabitjes, personat kishin marrë me qira prej 5 muajsh një lokal pranë bankës.
Prej aty kishin nisur gërmimin nën tokë për të mbërritur më pas në ambientet e Bankës "Intesa San

Në Beograd nisi procesi ndaj bandës famëkeqe të trafikantëve më të mëdhenj të drogës. Kreu i bandës Darko Sariç është ende në arrati. Procesi i cili dje ishte shtyrë për arsye procedurale, po ndiqet me mjaft vëmendje jo vetëm nga media serbe, por edhe ato botërore. Sariç që ka jetuar dhe jeton në shumë shtete, së fundi kishte kërkuar shtetësi edhe në Mal të Zi. Ai dhe banda e tij prej 11 anëtarësh akuzohet në veçanti për trafikimin e rreth 2,5 tonëve kokainë në Amerikën Latine dhe në Evropë. Sipas disa përllogaritjeve, mendohet se banda e Sariç ka pastruar më shumë se 1 miliard euro, dhe kulmin e suksesit të saj e arriti në fund të 2008-ës dhe fillim të 2009-ës. Po ashtu, në prill të këtij viti pati sinjale nga shërbimi sekret serb, se një projekt që mbante firmën e Sariç, kishte për qëllim vrasjen e presidentit Tadiq dhe ministres së drejtësisë Snezana Malovic. Alsat-M

Kryeministri Hashim Thaçi bashkë me presidentin Fatmir Sejdiu, kanë marrë pjesë në takimin vjetor të Nismës Globale Clinton, që mblodhi liderë dhe ish-liderë shtetesh nga e mbarë bota.
Në takim vjetor të kësaj nisme, që u mbajt në New York- ku kanë marrë pjesë më shumë se 125 liderë dhe ish-liderë shtetesh nga e gjithë bota, 15 fitues të Çmimit Nobel për Paqe, qindra menaxherë globalë ekzekutivë, filantropistë të njohur dhe udhëheqës fondacionesh, drejtorë të organizatave më të shquara joqeveritare dhe anëtarë prominientë të medias botërore- kryeministri Thaçi dhe presidenti Sejdiu, kanë takuar shumë liderë vendesh, me të cilët kanë biseduar për aktualitetin politik ndërkombëtar rreth Kosovës.
Gjatë kësaj ceremonie, Thaçi dhe Sejdiu patën një takim me ish-presidentin amerikan Bill Clinton, ku u diskutuan tema që kanë të bëjnë me të arriturat e deritanishme dhe mundësitë zhvillimore të Republikës së Kosovës dhe për thellimin e mëtejmë të marrëdhënieve miqësore me Shtetet e Bashkuara të Amerikës.
Kryeministri Thaçi, i shoqëruar nga presidenti Sejdiu dhe ministri i Punëve të Jashtme, Skender Hyseni, po kanë zhvilluar një takim edhe me kryeministrin e Kuvajtit, Sheikh Nasser Al-Sabah. Liderët kosovarë gjatë takimit, e ripotencuan kërkesën e tyre për njohjen e pavarësisë së Kosovës nga ana e Kuvajtit,
“Tani pas opinionit të Gjykatës Ndërkombëtare të Drejtësisë për ligjshmërinë e shpalljes së pavarësisë së Kosovës dhe pas miratimit të Rezolutës për Kosovën nga ana e Asamblesë së Përgjithshme të OKB-së, që e njeh këtë opinion, është hequr çdo dilemë legale dhe politike, prandaj është koha dhe momenti i duhur që Kuvajti të merr edhe vendimin formal për njohjen e pavarësinë e Kosovës”, theksoi kryeministri Thaçi. /Telegrafi/

Gjashtë fuqitë kryesore botërore, të cilat synojnë ta frenojnë programin bërthamor të Iranit, do të takohen sot për t’i shqyrtuar sanksionet e fundit të Kombeve të Bashkuara kundër Teheranit.
Zyrtarët nga SHBA, Rusia, Kina, Britania, Franca dhe Gjermania, gjithashtu do të diskutojnë mbi ofertën e presidentit të Iranit, Mahmud Ahmadinexhad për t’i rifilluar negociatat.
Departamenti i Shtetit tha se Uashingtoni mbetet i gatshëm që “konstruktivisht të angazhojë Iranin”.
Zëdhënësi Filip Krouli shtoi se SHBA shpresojnë se iranianët do të shkojnë më tutje dhe të “përkushtohen për t’i adresuar shqetësimet ndërkombëtare mbi natyrën e programit bërthamor”.

Abdullahu nga Hasanbegu i Shkupit ka akuzuar policinë për keqtrajtime. 32 vjeçari është marrë me dhunë nga njësitet speciale për t’a dërguar në burgun e Shutkës diku rreth orës 5 të mëngjesit të sotëm. Ali Abdullahu thotë se ishte liruar para 6 muajve nga burgu pas sigurimit të një lejeje nga autoritet mjekësore, për shkak se vuan nga gangrena. Të njëjtin, vërtetimin 32 vjeçari ua ka treguar edhe njësive speciale kur erdhën të bastisnin shtëpinë e tij, por ato nuk e morën parasysh. Nga ora 5 e mëngjesit deri në orën 10, Ali Abdullai është mbajtur para dyerve të burgut të Shutkës nga njësitet speciale, deri në ri-lirimin e tij. “Nuk e di unë ata kanë ardhë, hynë brenda na ishim të gjithë tu fjet, mua më kapën këtu më tërhoqën zvarrë nëpër dhomë edhe kishin qenë të gjithë të maskuar dhe nuk e dija se kanë ardhë të më vrasin ose çka është puna…1 orë më kanë mbajtur në kombi, kamë qëndruar vetëm meqë ata qëndronin jashtë, pas 1 orë më kanë shty në burg brenda. Ata vetëm më kshyrën dhe pas 2 orëve më lëshuan dhe më thane na falni. Ju tregova se unë për çdo javë shkojë në kontroll dhe të gjitha i kam edhe mjekët e mijë që kontrollohem kurse ata mi sollën tek shpija 2 mjeke tjera dhe më thanë se patjetër duhet me shkua në spital edhe ashtu më mashtruan dhe më dërguan drejt në burg”, deklaroi Ali Abdullahi, ish i burgosur.Ndërkohë nga Ministria e Brendshme arsyetojnë gabimin me faktin se fletarrestimi ndaj 32 vjecarit ishte ende aktivë. “Është mbajtur ose jo në burg, kjo gjë bie të jetë në kompetencat e burgut hetues Shkup. MBP-ja nga aspekti i vet ka jo vetëm autorizime por është e detyruar të reagojë sipas çdo kërkese që është dhënë nga gjykata përgjegjëse ose nga ndonjë institucion ndëshkues për ndonjë person që refuzon, është arratisur ose nuk është paraqitur për mbajtjen e vuajtjes së dënimit me burg”, tha Ivo Kotevski, zëdhënës i MPB-së.Nga MPB gjithashtu njoftojnë se nuk kishin dijeni për lirimin e Ali Abdulahut nga burgu i Shutkës për shkak të gjendjes së tij shëndetësore, pasi institucioni ndëshkues në Shuto Orizare nuk i kishte njoftuar më herët. Valmir Kuçi

Me 33 mijë euro në xhep niset për në Egjipt, për transplantimin e veshkës. Ndërsa, kthehet nga dogana e aeroportit të Shkupit me vetëm 2 mijë euro, për shkak se me pavetëdije, nuk e kishte deklaruar shumën e përgjithshme të të hollave! Ky është fati i 35 vjeçarit Sabedin Xheladini nga Bllaca e Shkupit, i cili gjatë kohë vuan nga sëmundja e veshkave dhe 3 herë në javë shkon në dializë.

Për shërim nga kjo sëmundje në një nga spitalet private të Kajros, ai me ndihmën e shumë njerëzve human, mezi kishte grumbulluar 33 mijë euro, por pasi i merren 31 mijë euro në Aeroportin e Shkupit, prej 10 korrikut e deri më sot, edhe pas shumë tentimeve, atij nuk i është kthyer as edhe një cent.
“Kur kam hy në aeroport dogana më ka vet ku je tu shkua, ju thash që jam tu shku në operacion, çka ki me veti në xhep, ju thash kam pare. Me thanë nxjerri sa pare i ke, ju tregova, edhe më kanë thanë ndalu. U ndala, më nxjerrën anash, ka ardhë edhe një doganier tjetër edhe më tha prit këtu, erdh edhe ai aty, i morën paret, ma dhanë një letër edhe mandej për nja 15 minuta, mi dhanë njëherë paret më thanë shtini paret në xhep e për të dytën herë prapë mi morën”, kështu u shpreh Sabedin Xheladini, I sëmurë nga veshka.
Sabedini thotë se përveç 31 mijë eurove që i janë marrë nga dogana e aeroportit, ai është dashur të paguaj edhe një dënim prej 42 mijë denarësh, për shkak të shkeljes së ligjit që parasheh paralajmërimin e shumave të caktuara të të hollave kur barten jashtë shtetit
“Mandej të hënën më thanë me shkua me pagu një dënim, me marr një letër në aeroport, shkova e mora edhe atë në Fershped, e pagova në postë, 42 mijë denarë, thanë pasi e ke paguar këtë dënimin kemi me ty kthye paret, dënimin e pagova, që dy muaj e gjysmë nuk kemi asgjë, as pare e asgjë, prit sot prit nesër, këtë javë javën tjetër, nuk ka asgjë”, tha Sabedin Xheladini.
Sabedini thotë se edhe pas shumë tentimeve dhe kërkesave për t’ju kthyer kjo shumë e të hollave nuk ka arritur të bëj asgjë. Para dy ditëve ka arritur vendim nga gjykata se lënda do të zgjidhet përmes procesit gjyqësor. Nga Dogana e Maqedonisë u shprehën se ditëve në vijim do të dalin me prononcim rreth rastit. Melihate Rustemi