Lajmet Ditore

Dy aerotransportues amerikanë Junajted dhe Kontinental edhe zyrtarisht u bashkuan, duke e formuar kompaninë më të madhe ajrore në botë.
Kompania e re Junajted erlajns publikoi mbrëmë se procesi i bashkimit me vlerë prej më shumë se tre miliardë dollarë me sukses ka përfunduar.
Junajted erlajns do të ketë pothuajse 700 aeroplanë dhe 88.000 të punësuar. Fluturime do të realizojë në 370 destinacione në 59 shtete.
Kompania shpreson se në vit do të kursejë më shumë se një miliardë dollarë me eliminimin e dyfishimit të personelit. Drejtor ekzekutiv do të jetë njeriu i parë i deritanishëm në Kontinantal, Xhef Smizek, derisa drejtori i deritanishëm e Junajted, Glen Tilton do të jetë kryetar i kompanisë pa autorizime ekzekutive. /MIA/

Qeveria e Kosovës ka paralajmëruar që të gjithë ata zyrtarë serbë, të cilët do të hynë në territorin e Kosovës për të marrë pjesë në kurorëzimin e patriarkut Irinej në patriarkanën e Pejës, pa leje nga institucionet e Kosovës, do të arrestohen, njofton Koha Ditore.
Arrestimet për zyrtarët shtetëror serbë të cilët nuk kanë marrë leje dhe të cilët nuk do t’i respektojnë procedurat tjera, i ka paralajmëruar Hajredin Kuqi, që ishte i prerë në deklaratën e tij.
“Vetëm Tadiç ka leje, jo të tjerët dhe ai me kusht që të marrë pjesë dhe të sillet në përputhje me ceremonitë religjioze”, theksoi Kuqi që i pyetur për pjesëmarrjen e mundshme të zyrtarëve tjerë pa leje, tha shkurt se ata do të arrestohen.
Mediumet serbe kanë paralajmëruar pjesëmarrjen edhe të disa politikanëve tjerë të lartë serbë, duke përfshirë këtu edhe kryetarin e Partisë Progresive Serbe, Tomislav Nikoliq dhe ish-kryetari i Parlamentit të Serbisë Predrag Markovic. Në ceremoni pos tjerash ICO ka konfirmuar se do marrë pjesë edhe ish-kryeministri serb, Vojslav Koshtunica. /Telegrafi/

Regjistrimi i ardhshëm i popullsisë dhe debatet rreth rregullshmërisë së ketij procesi statistikor kanë shtuar interesimin e qytetarëve. Disa prej tyre madje dalin edhe me propozime konkrete për realizimin sa më efikas të regjistrimit që rezultatet e tij të pranohen nga të gjithë.
“Në secilën familje ku do të bëhet regjistrimi një kopje të mbetet edhe te vetë familja, aty ku do të bëhet regjistrimi në atë shtëpi ..kopje që do të verifikohet nga ana e atij komisioni apo çka do të jenë njerëzit që do të vinë ta bëjnë regjistrimin në shtëpi. Nga një kopje të mbetet edhe në familje që të mos vije deri te keqpërdorimi”.
“...kur të bëhet regjistrimi, nga një kopje të mbetet në familje, edhe ne vetë me e bë një komision tonin që pastaj vetë t’i grumbullojmë ato kopje, dhe të shohim pastaj se shteti se sa për qind do t’i nxjerr, sa për qind?”
Por, duke marrë parasysh numrin fare simbolik të shqiptarëve në Entin shtetërore të statisitkës dhe frikës nga manipulimet e mundshme, disa nga qytetarët e anketuar, kërkojnë që regjistrimi i popullsisë të realizohet nga ndërkobmëtarët.
“Ju përmendët politizimin, në rast se ka vendosur pala e kundërt do ta qes atë numër që kanë vendosur ata, se na në statistikë kemi disa të punësuar po a kemi ndonjë udhëheqës tonin. A ka dikush që na udhëheq aty, s’kemi. Më së miri ndërkombëtarët, pa ndërkombëtarët këtu regjistrim valid nuk ka, se regjistrim do të ketë por si dëshirojnë ata”.
“...pa ndërkombëtarët këtu nuk mund të ketë sukses, ata mund të manipulojnë si të duan, se ata, si thotë një fjalë popullore, e kanë edhe arrën, edhe teshkën edhe trupin, kejt i ka vetë.”
Ndërkohë profesoresha universitare Anica Dragoviç, thotë për Alsat se regjistrimi i popullisë nuk duhet të shkaktoj ndarjen e popullsisë, përkundrazi nga ky proces ndërtohet e ardhmja e gjithë qytetarëve.
“Funksioni i regjistrimit nuk është vetëm numërimi, në bazë të regjistrimit ne e ndërtojmë ardhmërinë tonë. Do të thotë bëjmë llogari sa jemi, megjithatë ajo është bazë për ardhmërinë tonë. Në të gjitha segmentet e shoqërisë baza është në të dhënat e regjistrimit. Funksioni i regjistrimit nuk është që të na ndaj, regjistrimi na grupon sipas disa kategorive të caktuara, por pse na grupon, që pastaj me politika tjera ti realizojmë nevojat tona dhe jo që të na ndaj, dhe ky është funksioni i regjistrimit”, thotë Anica Dragoviç, profesor universitar.
Megjithatë mbetet ende e paqartë nëse subjektet politike shqiptare do të arrijnë t’i tejkalojnë dallimet politike dhe të demonstrojnë unitet rreth regjistrimit të popullsisë. Regjistrimi i popullsisë do të regjistrohet nga 1 deri m15 prill të vitit të ardhshëm.
Bedri Rexhallari

Rufi Osmani, pritet të promovoj subjektin e tij politik kah fundi i këtij viti. Ai shpreh bindjen se periudha kohore deri në zgjedhjet e ardhshme parlamentare është e mjaftueshme për të konsoliduar rradhët e partis. Osmani thotë se ka mjaft të interesuar që t’i bashkangjiten subjektit të ri politik shqiptar dhe atë njerëz të profileve të ndryshme, që në të kaluarën nuk kanë qenë të angazhuar politikisht.
“Vlerësimet tona janë se periudha faktikisht e mbetur kohore deri në zgjedhjet e rregullta duhet të jetë e mjaftueshme për një konsolidim dhe konstruim të subjektit me të gjithë strukturat politike në vertikale dhe horizontale dhe besojmë se kuadri i selektuar së bashku me programin do të jenë një ofertë serioze. Përshtypjet e para janë se interesimi është mjaftë serioz, kuadrot të cilat ofrohen janë kryesisht me begradund intelektualë, biznesorë të mirëfilltë. Kuadrot janë kryesisht të reja janë kuadro të cilët këtë projekt politik e shohin me entuziazëm”, thotë
Rufi Osmani, nismëtar për themelimin e subjektit të ri politik.
Osmani thotë se komisioni i cili ka marrë për obligim konsolidimin e partisë është aktiv dhe po zhvillon aktivitetet në të gjitha vendbanimet me popullatë shqiptare.
“Ekziston një komision i themeluar nga ana ime dhe nga bashkëmendimtarët e mi i cili zhvillon negociata intensive në teren, në të gjitha komunat shqiptare në Maqedoni, në funksion të selektimit të interesentëve dhe kuadrove të mirëfillta të cilët janë të interesuar ti bashkëngjiten opsionin e ri politik, të cilin ne e planifikojmë ta promovojmë deri në fund të këtij viti”, shton Rufi Osmani.
Ndryshe në Maqedoni aktualisht ekzistojnë 6 parti politike 3 parlamentare dhe 3 parti më të vogla të cilat nuk kanë përfaqësues të tyre në parlament. Paria e Osmanit do të jetë subjekti i 7 politik i shqiptarëve në Maqedoni.
Bedri Rexhallari

Partitë politike kanë vlerësime të kundërta rreth raportit të Komisionit Evropian sa i përket punës së Parlamentit për këtë vit. Opozita vlerëson se raporti, do të përmbaj shumë vërejtje, përfshirë edhe incidentin e 1 korrikut, mosfunksionimin e Komitetit për marrëdhënie mes bashkësive etnike dhe përkeqësimin e dialogut politik.
“Nuk ka dyshim se do të theksohet përkeqësimi i dialogut politik, nuk ka dyshim se do të theksohet edhe incidenti në Parlament. Ajo që do të jetë e pakëndshme është se raporti fillon me kriteret politike dhe ne kësaj rradhe do të kemi raport më të keq në këtë segment se sa ai i kaluari”, thotë Andrej Zhernovski, PLD.
"Presim që raporti të mos jetë pozitiv, të ketë vërejtje të shumta dhe veçanërisht me incidentin që ndodhi në fund. Të gjitha këto janë indikator se dialogu politik nuk është në nivelin e duhur dhe unë konsideroj se përgjegjësinë për gjithë këtë duhet ta bart shumica parlamentare”, pret Flora Kadriu, DR.
Për dallim nga opozita, shumica parlamentare konsideron se edhe këtë vit raporti i KE-së për Parlamentin do të jetë pozitiv meqë ka përmbushur obligimet e kërkuara.
“Unë mendoj se mund të presim të mos them raport të shkëlqyeshëm për punën e parlamentit meqë obligim i vetëm ishte miratimi i rregullores me konsensus të gjerë. Normalisht dialogu mes partive politike po zhvillohet, komisioni anketues punon për zbardhjen e incidentit që ndodhi andaj pres që parlamenti të merr notë pozitive për punën e bërë meqë gjithçka filloi të rrjedh në ujëra të qeta ashtu siç i takon një parlamenti demokratik”, shpreson Sillvana Boneva, VMRO-DPMNE.
"Sa i përket përmbushjes së kritereve që kërkohen për Kuvendin mendoj se Kuvendi i ka përmbush të gjitha ato kriteret, kemi miratuar rregulloren e punës së parlamentit me të cilën kemi inkorporuar edhe kërkesat e opozitës”, thotë Tahir Hani, BDI.
Liberal-demokratët nga ana tjetër paralajmërojnë reagime ndaj euro ambasadorit nëse në raportin e KE-së për incidentit të 1 korrikut theksohet vetëm se fjala opozitë pa definuar qartë se për cilën parti politike bëhet fjalë.
Gjyltene Rexhallari