Mos konsumoni shumë kafeinë!

Por tregohuni të kujdesshëm nëse konsumoni pije të tilla në mëngjes apo në drekë, sepse shumë lëngje përmbajnë kafeinë.

Sipas një lajmi të “Mayo Clinic” bëhet e ditur se shkaku i dhimbjeve të kokës, përzierjeve apo lodhjes së përjetuar gjatë ditës është sasia e tepërt e kafeinës. Ju duhet të ndaloni pak nëse konsumoni më shumë se 500 miligramë kafeinë në ditë.

Me përhapjen e shpejtë të pijeve energjike është rritur shqetësimi sa i përket konsumimit të kafeinës. Akademia Pediatrike Amerikane sugjeron konsumimin e 100 miligramë kafeinë në ditë nga të rinjtë.

Ja pijet dhe sasia e kafeinës që përmbajnë:

Kafeja: 30 mililitër e kafesë ekspres të pirë në lokal përmban 40-75 miligramë kafeinë, ekspresët e njëjtë pa kafeinë përmbajnë 0-15 miligramë kafeinë. Një filxhan kafe normale përmban 95-200 miligramë kafeinë, ndërsa një filxhan me kafe turke përmban 50-60 miligramë.

Çaji: Një filxhan i madh me çaj të zi (240 mililitër) përmban 14-61 miligramë kafeinë, çaji jeshil 24-40 miligramë ndërsa çaji me limon 5-10 miligramë.

Pijet e tjera: Megjithëse disa pije të gazuara nuk përmbajnë kafeinë, një kanoçe “Coca Cola” përmban 30-40 miligramë, ndërsa një kola dietike përmban 38-47 miligramë kafeinë.

Pijet energjike: Në shishen më të preferuar të pijeve energjike mund të gjejmë 76-80 miligramë kafeinë. Krahas kësaj, në një pije energjike të përhapur shumë në vendin tonë dhe Amerikë, “Red Bull”, gjendet 207 miligramë kafeinë në 60 mililitra. /Start/