Namazi yt në Ramazan

Namazi yt në Ramazan

--------------------------------------------------------------------------------

Namazi i natës është privilegji dhe nderi i besimtarit. Erdhi Xhibrili tek Pejgamberi dhe i tha: “O Muhamed jeto sa të duash se ti do të jesh i vdekur. Duaje kë të duash se ti do të ndahesh prej tij dhe puno çka të duash se ti do të shpërblehesh për të. Dije se nderi i besimtarit është namazi i natës, ndërsa krenaria e tij është kur nuk ka nevojë për njerëzit”.

Namazi i natës gjatë Ramazanit nuk është sikur çdo namazi në çdo natë. Namazi i natës në Ramazan është nder mbi ndere.
Në muajin Ramazan i Dërguari i Allahut përserite edhe më shumë Kuranin dhe e mësonte atë edhe më shumë. Po ashtu vinte Xhibrili tek i Dërguari i Allahut dhe ia mësonte dhe ia përseriste Kuranin edhe më shumë. Sikur që ka ardhur në hadith se i Dërguari i Allahut ishte më fisniku ndërsa në Ramazan ishte edhe më fisnik kur takonte Xhibrilin dhe ia mësonte Kuranin. Ndërsa në fund të hadithit i Dërguari i Allahut tha: Dhe kështu vepronte Xhibrili në çdo natë të Ramazanit.

Poashtu edhe selefët ishin shumë të lidhur me Kuranin në netët e Ramazanit. Në Ramazan ata faleshin më shumë se sa netve tjera. Disa prej tyre e përfundonin Kuranin në netët e këtij muaji. Disa prej tyre e bënin hatme Kuranin në çdo dhjet net disa prej tyre në çdo shtat netë dhe disa në çdo tri net.

Namazi i natës në Ramazan ka disa veçori të cilat nuk i ka në netët tjera, mbështetur në fjalën e të Dërguarit të Allahut: “Ai i cili nrgitet dhe kalon netët e Ramazanit me iman dhe duke llogaritur shpërblimin tek Allahu atij do ti falen të gjitha mëkatet që i ka bërë më herët”. Fjala me iman dhe duke llogaritur shpërblimin tek Allahu ka për qëllim ai i cili i gjallëron netët e Ramazanit me namaz. I Dërguari i Allahut gjatë Ramazanit disa net kishte falur namaz me shokët e tij pastaj e kishte lënë atë duke u friguar se mos po i bëhet ummetit të tij farz namazi i natës dhe tha: “Kisha frikë se mos po ju obligohet një gjë e tillë”. Pasiqë vdiq i Dërguari i Allahut dhe u ndërpre shpallja Umer b. Hatabi urdhëroi Ubej b. Kab dhe Temim Ed-dari që të ua falin namazin e natës njerëzve në muajin Ramazan.

Po ashtu namazi i natës nuk ka ndonjë përkufizim në zgjatjen e tij por kjo kthehet tek ata të cilët falen pas imamit. Nëse janë njerëz të dobët dhe kanë angazhime sidomos kur netët e Ramazanit janë të shkurtëra ndërsa ditët janë të gjata atëherë më mirë është që të mos zgjatet namazi. Por nëse njeriu falet vetën namaz të natës apo falet me ata të cilët janë të pajtimit që të zgjatet namazi i natës në Ramazan është më mirë për të që ta zgjasë atë.

Sikurqë agjërimi ka shpirtin e tij të cilin duhet ta shijojë besimtari poashtu edhe namazi i natës në Ramazan ka shpirtin e tij dhe gjallërinë e tij të cilën duhet ta shijojë besimtari, që të jetë më shumë i përkushtuar . I Dërguari i Allahut gjatë namazit të tij të natës nuk e kalonte ndonjë ajet që përmend zjarrin përveçse ndalej dhe kërkonte mbrojte tek Allahu nga ai dënim apo nga ai zjarr. Poashtu nuk kalonte në ndonjë ajet që fletë për mëshirën përveçse ndalej dhe kërkonte mëshirën e Allahut. Shumë nga imamët të cilët falin namazin e taravive e falin pa meditim nuk e bëjnë rukunë si duhet, e as sexhden nuk e bëjnë si duhet edhe pse qetësimi në namaz është pjesë e namazit. Po ashtu pjesë e namazit është edhe përkushtimi dhe prezentimi i zemrës para Allahut. Të gjitha këto nuk mund të arrihen në namazin i cili falet me ngutësi. Të lexosh pak Kuran në namaz por ta meditosh atë dhe të jeshë i përkushtuar në të është më mirë se sa i ai i cili lexon Kuarn shumë në namaz por lexon me nguti. Po ashtu namazi me dhjetë reqate duke e zgjatur leximin e Kuranit është më mirë se sa ai i cili i fal 20 reqate me nguti, sepse shpirti dhe thelbi i namazit është që ti të jesh me zemrën tënde në namaz. Po ashtu leximi normal gjat namazit është më i mirë se leximi i shpejt me të cilën pastaj humbin shumë shkronja të shqiptimit të fjalës nga shpejtësia.

Vëllau im agjërues dhe ti i cili falë namaz të natës

Kur ngritesh për namaz të natës në këto net mendoje fjalën e Allahut i Cili Thotë: dhe ndaj All-llahut të jeni respektues (në namaze).(Bekare 238). Qëndrimi i vetëm në namaz nuk mjafton nëse zemra jote nuk është respektuese dhe nëse zema jote nuk është prezente. Paramendoje kur ti je duke e zgjatur namazin paramendoje vetën se je para Allahut në ditën kur njerëzit do të qëndrojnë para Tij, në ditën e Gjykimit, atë ditë e cila do të jetë sa pesdhjetmijë vite.

Allahu zbret nëse kalon gjysma e natës ose një e treta në qiellin e dunjasë sikur që është vërtetuar në hadithet e Pejgamberit. Allahu kur zbret pyet: A ka dikush që kërkon dhe Unë ti jap. A ka dikush që më lutet Unë ti përgjigjem. A ka dikush që kërkon falje që Unë tia falë mëkatet. Kështu vazhdon gjersa të dalë mëngjesi. Andaj pyete vetën tënde se ku do të jesh dhe si do të gjejë Zoti yt kur Ai zbret në një të tretën e natës. A do të jeshë në takimin me Allahun apo do të jeshë në një gjumë të thellë apo do të jeshë në lojëra dhe defrime duke i bërë mëkate Allahut?!.

Është përmendur se një njeri tek Pejgamberi i cili nuk ishte ngritur për namaz të natës gjersa ishte zgjuar.I Dërguari i Allahut tha: “Ky është njeriu mbi veshët e të cilit ka urinuar shejtani“ . Nëse kjo qenka vepra e shejtanit për atë i cili ka fjetur dhe nuk është ngritur për namaz çka mbetet për atë i cili e kalon natën e tij në mëkate dhe vepra të ndaluara. Iu është thënë Abdullah b. Mesudit: Nuk po kemi mundësi të ngritemi në namaz të natës. Abdullah b. Mesudi tha: Ju kanë ulur juve mëkatet e juaja. Po ashtu ka thënë Fudejl b. Ijad: Nëse nuk ke mundësi të ngritësh në namaz të natës dhe të agjërosh ditën dije se ti je i privuar, të ka burgos mëkati yt.

O Zoti ynë bëje të mirë qëndrimin tonë para Teje në këtë botë dhe në botën tjetër, dhe na ruaj nga nënqmimi në këtë botë dhe nga dënimi në botën tjetër. Amin./elbuhari/