Ajet i Ditës

Titulli: **Ajet i Ditës** Sat 7 May 2011 - 16:19

Ai (njeri) ka përcjellës një pas një, para tij dhe prapa tij, që me urdhrin e All-llahut e ruajnë atë. All-llahu nuk e prish gjendjen e një populli (nuk ua largon të mirat) përderisa ata ta ndryshojnë veten e tyre. Po, kur All-llahu vendos ta ndëshkojë një popull, atë nuk ka kush që ta zbrapsë. Ata, (njerëzit) nuk kanë mbrojtës tjetër pos Tij.(Suretu-Rrad 11).

Titulli: selam Thu 12 May 2011 - 13:33

O ju që besuat! Kur doni të ngriheni për të falur namazin, lani fytyrat tuaja dhe duart tuaja deri në bërryla; fërkoni kokat tuaja, e këmbët lani deri në dy zogjtë. Nëse jeni xhunubë, atëherë pastrohuni (lahuni)! Në qoftë se jeni të sëmurë, ose në ndonjë udhëtim, ose ndonjëri prej jush vjen prej vendit të nevojës, ose keni kontaktuar me gratë dhe nuk gjeni ujë, atëherë mësyjeni (merrni tejemum) dheun e pastër dhe me të fërkoni fytyrat dhe duart tuaja. All-llahu nuk dëshiron (me obligim për abdest e larje) t'ju sjellë ndonjë vështirësi, por dëshiron t'ju pastrojë (prej mëkatëve), t'ua plotësojë të mirën e Tij ndaj jush e që t'i falënderoheni.(Suretu-Maide 6).

Titulli: Selam Tue 17 May 2011 - 18:51

Ai, i cili për ju bëri tokën shtrat (vendbanim) e qiellin kulm, e prej qiellit ju lëshoi shi me të cilin ju siguroi lloje të frutave si ushqim për ju, pra mos i përshkruani All-llahut shokë, duke qenë se ju e dini (që Ai nuk ka shokë).(Suretul-Bekare 22).

Titulli: selam Sun 22 May 2011 - 17:35

Dhe kur Ibrahimi tha: “Zoti im, bëje këtë një qytet sigurie dhe banorët e tij, që besuan All-llahun dhe jetën tjetër, furnizoi me lloje të frutave”! Ai (All-llahu) tha: “(E furnizoj) Edhe atij që nuk besoi do t'ia mundësoj shfrytëzimin e frutave për një kohë të shkurtër, e pastaj do ta shtyejë në dënimin e zjarrit, e sa përfundim i shëmtuar është ai”.(Suretul-Bekare 126).

Titulli: Re: **Ajet i Ditës** Thu 26 May 2011 - 15:43

O ju njerëz! Kini frikë Zotin tuaj që ju ka krijuar prej një veteje (njeriu) dhe nga ajo krijoi palën (shoqën) e saj, e prej atyre dyve u shtuan burrra shumë e gra. Dhe kini frikë All-llahun që me emrin e Tij përbetoheni, ruajeni farefisin (akraballëkun), se All-llahu është mbikëqyrës mbi ju.(Suretu-Nisa 1).

Titulli: Re: **Ajet i Ditës** Fri 3 Jun 2011 - 10:47

O ju që besuat, kur bëhet thirrja për namaz, ditën e xhumasë, ecni shpejtë për aty ku përmendet All-llahu (dëgjojeni hutben, faleni namazin), e lini shitblerjen, kjo është shumë më e dobishme për ju nëse jeni që e dini.(Suretul-Xhuma 9)

Titulli: selam Sat 4 Jun 2011 - 19:08

Djalli ju frikëson me varfëri dhe ju urdhëron për të bërë të këqija, ndërsa Allahu ju garanton falje (mëkatesh) dhe mirësi; Allahu është Dhurues i Madh, e i Dijshëm. Ai ia dhuron Urtësinë atij që do, e kujt i është dhënë urtësia, i janë dhënë mirësi të shumta, por këtë nuk e kupton askush përveç të mençurve.} (Bekare: 268-269)

Titulli: Re: **Ajet i Ditës** Sat 11 Jun 2011 - 18:57

All-llahu nuk e obligon asnjë njeri përtej mundësisë së tij, atij (njeriut) i takon ajo që e fitoi dhe atij i bie ajo (e keqe) që e meritoi. “Zoti ynë, mos na dëno nëse harrojmë ose gabojmë! Zoti ynë, mos na ngarko neve barrë të rëndë siç i ngarkove ata që ishin para nesh! Zoti ynë, mos na ngarko me atë për të cilën ne nuk kemi fuqi! Na i shlyej mëkatet, na i mbulo të këqijat, na mëshiro. Ti je mbrojtësi ynë, na ndihmo kundër popullit pabesimtar! (Suretul-Bekare 268)

Titulli: Re: **Ajet i Ditës** Thu 16 Jun 2011 - 15:04

O ju që keni besuar, pendohuni tek All-llahu me një pendim të sinqertë në mënyrë që Zoti juaj t'i largojë prej jush të këqijat, t'ju shpie në xhennete nën të cilët rrjedhin lumenj ditën kur All-llahu nuk e turpëron Pejgamberin, e së bashku me të as ata që kanë besuar. Drita e tyre ndriçon para tyre dhe në të djathtë të tyre, e ata thonë: “Zoti ynë, vazhdona dritën tonë, falna neve. Vërtet, Ti je i plotfuqishëm për çdo send”.(Suretu-Tahrim 8).

Titulli: Re: **Ajet i Ditës** Mon 20 Jun 2011 - 11:55

“Dhe tërhiqu vëmendjen me këtë (Kuran) atyre që i frikësohen tubimit para Zotit të tyre, në mënyrë që të ruhen, sepse përveç Tij nuk do të ketë as mbrojtës dhe as ndërmjetësues” (Enam, 51).

Titulli: Selam. Thu 7 Jul 2011 - 15:31

Thuaj: “A t'ju kumtoj për diç shumë më të mirë se ato (kënaqësitë e Dunjasë)? Për ata që janë ruajtur, ata kanë tek Zoti i tyre xhennete nëpër të cilat rrjedhin lumenj dhe aty do të jenë përgjithmonë, kanë bashkëshorte të pastra e gëzojnë edhe kënaqësinë e All-llahut. All-llahu është i kujdesshëm për robtë.( Ali-Imran 15).

Titulli: Re: **Ajet i Ditës** Fri 15 Jul 2011 - 15:09

Ha, Mim.
Pasha librin sqarues (të së drejtës nga e kota)!
Ne e zbritëm atë në një natë të bekuar (në natën e begatshme të kadrit). Ne dëshiruam t'u tërheqim vërejtjen, e njerëzit të jenë të gatshëm.
Në atë (natë) zgjidhet çdo çështje në mënyrë të prerë.
Urdhër i përcaktuar nga Vetë Ne. S'ka dyshim se Ne dërguam të dërguar.
(E zbritëm) Nga Mëshira e Zotit tënd; Ai është dëgjuesi, i dijshmi.
Zoti i qiejve e i tokës dhe çka ka ndërmjet tyre, nëse jeni të bindur.
Nuk ka Zot tjetër, vetëm Ai që jep jetë e vdekje, Zoti juaj dhe Zoti i prindërve tuaj të lashtë.(Suretu-Duhan 1-8).

Titulli: Selam Mon 25 Jul 2011 - 14:08

“Dhe në vete përmende Zotin tënd, me përulje dhe vendosmëri dhe pa e ngritur zërin lart, në agim dhe në muzg, dhe mos ji nga indiferentët”. (el-A’raf, 205)

Titulli: Re: **Ajet i Ditës** Tue 26 Jul 2011 - 13:53

All-llahu dëshiron t'ju sqarojë çështjet e t'ju drejtojë në rrugën e atyre që ishin para jush (pejgamberët) dhe t'ju pranojë pendimin. All-llahu e di më së miri gjendjen e robërve dhe është më i urti.
All-llahu dëshiron t'ju pranojë pendimin, e ata që ndjekin dëshirat e epsheve, dëshirojnë që ju të shmangeni në tërësi (nga rruga e drejtë).
All-llahu dëshiron t'ju lehtësoj (dispozitat), e megjithatë njeriu është i paaftë (për t'u përballuar epsheve).(Suretu-Nisa 26-28).

Titulli: selam Sat 6 Aug 2011 - 17:24

E kur robët e Mi të pyesin ty për Mua, Unë jam afër, i përgjigjem lutjes kur lutësi më lutet, pra për të qenë ata drejt të udhëzuar, le të më përgjigjen ata Mua dhe le të më besojnë Mua.(Suretu-Bekare 186)

Titulli: selam Sat 13 Aug 2011 - 14:41

E robërit e Zotit janë ata që ecin nëpër tokë të qetë, e kur atyre me fjalë u drejtohen injorantët, ata thonë: “Paqe!”
Dhe që për hirë të Zotit të tyre natën e kalojnë duke bërë Razz

dhe duke qëndruar në këmbë (falen).
Edhe ata që thonë: “Zoti ynë, largoje prej nesh vuajtjen e Xhehennemit, e s’ka dyshim se vuajtja në të është gjëja më e rëndë”.(.Suretu el Furkan 63-65)

Titulli: Re: **Ajet i Ditës** Fri 26 Aug 2011 - 18:13

Ne e zbritëm atë (Kur'anin) në Natën e Kadrit.
E ç'të bëri ty të dish se ç'është Nata e Kadrit?
Nata e Kadrit është më e rëndësishme se një mijë muaj!
Me lejen e Zotit të tyre në (atë natë) të zbresin engjëjt dhe shpirti (Xhibrili) për secilën çështje.
Ajo (që përcakton Zoti) është paqe deri në agim të mëngjesit.(Suretul-Kadr 1-5)

Titulli: selam Sun 18 Sep 2011 - 20:11

O ju që besuat! Bëhuni plotësisht të vendosur për hir të All-llahut, duke dëshmuar të drejtën, dhe të mos u shtyjë urrejtja ndaj një populli e t'i shmangeni drejtësisë; bëhuni të drejtë, sepse ajo është më afër devotshmërisë. Kini dro All-llahun se All-llahu di hollësisht për atë që veproni.(Suretul-Maide 8)

Titulli: Selam Sun 25 Sep 2011 - 11:22

O ju që besuat! Kush largohet prej jush nga feja e vet (i bën dëm vetes) s'ka dyshim se All-llahu do ta sjellë një popull që Ai e do atë (popull) dhe ata e duan Atë (Zotin), (një popull) që është modest e i butë ndaj besimtarëve, por i ashpër dhe i fortë ndaj mohuesve, që lufton në rrugën e All-llahut dhe që nuk i frikësohet kërcënimit të asnjë kërcënuesi. Kjo (cilësi e atij populli) është dhuratë e All-llahut që i jep atij që do. All-llahu është dhurues i madh, i dijshëm(Suretul-Maide)

Titulli: Selam Wed 19 Oct 2011 - 16:31

Dhe mos shtrembëro fytyrën tënde prej njerëzve, mos ec nëpër tokë kryelartë, se All-llahu nuk e do asnjë mendjemadh e që shumë lavdërohet.
Të jesh i matur në ecjen tënde, ule zërin tënd, se zëri më i egër është zëri i gomarit.(Suretu-Llukman 18-19).

Titulli: Selam Sat 22 Oct 2011 - 14:26

O ju njerëz, kini kujdes ndaj Zotit tuaj dhe kini frikë ditës kur prindi nuk mund t'i bëjë dobi fëmijës së vet, e as fëmija nuk mund t'i bëjë dobi asnjë send prindit të vet. Premtimi i All-llahut (për thevab ose azab) është i sigurt, pra të mos ju mashrojë jeta e kësaj bote dhe të mos ju mashrojë ndaj All-llahut djalli mashtrues.(Suretu-Lukman 33)

Titulli: Re: **Ajet i Ditës** Mon 28 Nov 2011 - 22:23

“Në
Ditën (e Ringjalljes) kur disa fytyra do të zbardhen e kur disa fytyra
do të nxihen; e sa për ata që do të nxihen (do t’u thuhet atyre): “A e
flakët tej Besimin pasi e patët pranuar atë? Atëherë shijoni dënimin
(në Zjarr) për braktisjen e Besimit (që patët).”
[Ali-Imran, 106]

Titulli: Re: **Ajet i Ditës** Thu 19 Jan 2012 - 19:37

O ju që besuat, ruajeni veten dhe familjen tuaj prej një zjarri, lëndë djegëse e të cilit janë njerëzit dhe gurët. Atë (zjarrin) e mbikëqyrin engjëjt e rreptë e të ashpër që nuk e kundërshtojnë All-llahun për asgjë që Ai i urdhëron dhe punojnë atë që janë të urdhëruar.(Suretu-tahrim 6).

Titulli: Re: **Ajet i Ditës** Thu 19 Jan 2012 - 19:50

All-llahu te shperblefte me Xhennet vella per postimin e ketyre Ajeteve

Titulli: Re: **Ajet i Ditës** Tue 7 Feb 2012 - 22:10

“O populli im, veproni sa të mundeni, unë veproj, e më vonë do ta kuptoni se kush do ta pësojë atë dënim që e poshtëron dhe kush është ai rrenacak. Pritni se edhe unë së bashku me ju jam duke pritur”.(Suretu-Hud 93)

Titulli: Re: **Ajet i Ditës** Tue 7 Feb 2012 - 22:17

Allahu te shperbleft me Xhennetin e shtrenjet vella per postimin e ketyre Ajeteve kaq te vlefshme , Allahu na beft te gjithve prej besimtarve te devotshem Amin...!

Titulli: Re: **Ajet i Ditës** Mon 13 Feb 2012 - 21:56

Mos i thuani asaj rrenës së gjuhve tuaja: “Kjo është hallall e kjo është haram” e të shpifni ndaj All-llahut rrenën. Vërtet, ata që shpifin rrenën ndaj All-llahut, nuk kanë shpëtim.(Suretun-Nagl116).

Titulli: Re: **Ajet i Ditës** Mon 13 Feb 2012 - 22:12

Zoti
yt ka dhënë urdhër të prerë që të mos adhuroni tjetër pos Tij, që të
silleni në mënyrë bamirëse ndaj prindërve. Nëse njërin prej tyre, ose
që të dy, i ka kapur pleqëria pranë kujdesit tënd, atëherë mos u thuaj
atyre as “of - oh”, as mos u bë i vrazhdë ndaj tyre, po atyre thuaju
fjalë të mira (të buta, respektuese).
Dhe në shenjë mëshire shtrije
pranë tyre krahun përulës e respektues dhe thuaj: “Zoti im! Mëshiroi
ata të dy, sikurse më edukuan mua kur isha i vogël”.(Suretu Isra 23-24).

» **Ajet i Ditës**
» ** Ajet i Dites**
» **Ajet i Ditës**
» **Ajet i Ditës**
» **Ajet i Ditës**