Jemen – Gratë në radhët e para të demonstratave

Në Jemen ku vazhdojnë demonstratat kundër Kryetarit të Shtetit Ali Abdullah Salih, bie në sy se gratë janë në frontin e parë të manifestimeve.Gratë thonë se këto protesta i kanë bërë ato më të lira. Në Jemen, vend ky i konservatorëve ekstremistë, se një ditë gratë do të merrnin pjesë nëpër demonstrata, deri në fillim të këtij viti as që i shkonte në mendje dikujt. Por vetëdija politike që sa vjen dhe po thellohet në këtë shoqëri ka ndikuar edhe gratë. Gratë që në fillim ndodheshin në radhët e fundit të demonstratave, tashmë kanë dalë në plan të parë.Gratë e Jemenit thonë se në fillim burrat i shikonin ato me shpërfillje dhe si gra margjinale, por tani ky imazh është thyer dhe ato ndihen më të lira. Ato gra që marrin pjesë nëpër manifestime, revolucionin e shikojnë si një rrugë që nuk do të rrëzojë vetëm Kryetarin e Shtetit Ali Abdullah Bin Salih, por si një teren lufte për njohjen e të drejtave themelore.

Kurse burrat e Jemenit, megjithëse në fillim nuk e panë ngrohtë praninë e grave nëpër demonstrata, më pas i pranuan ato kur vunë re se ishin të shoqëruara nga vëllezërit dhe bashkëshortët e tyre.Por, sipas Kryetarit të Shtetit të Jemenit Salih, pjesëmarrja e gravenëpër demonstrata së bashku me burrat, është një mëkat i rëndë.
(TRT)