Në Qendrën Kulturore Turke “Yunus Emre”, stacionin e fundit të qëndrimit te Kryeministrit Rexhep Tajip Erdoan në Kajro u takua me ‘Rininë e Tahririt’.
Kryeministri Erdoan bëri hapjen e ndërtesës së re të Qendrës Kulturore Turke “Yunus Emre”.
Shiritin e përurimit Erdoan e preu bashkë me ministrat që e shoqëronin në këtë turne vizitash.
Kryeministri Erdoan më pas u takua këtu me ‘Rininë Tahririt’.
“-Në 25 janar ju i parapritë një hapi të rëndësishëm që do të ndryshojë rrjedhën e historisë. Ky zhvillim na kujton neve vitin 1453. Atëherë një i ri mbylli epokën e errësirës dhe hapi epokën e ndriçimit, dhe ky i ri ishte sovrani Sulltan Mehmeti II (ngadhënjimtari). Po ashtu dhe këtu kemi mbylljen e një epoke të errët. Të gjitha lutjet, urimet tona janë përsëri për fillimin këtu të një epoke të re, gjë e cila do të ndodhë”- tha Erdoan në fjalën drejtuar të rinjve.
Erdoani u ndal edhe në rëndësinë që kanë zgjedhjet që do të zhvillohen në nëntor në Egjipt duke thënë:
“-Me këto zgjedhje të përgjithshme ju do të vendosni gurët e themelit të demokracisë së vërtetë”.
Erdoan shprehu bindjen e tij se këto zgjedhje do të realizojnë kalimin në një sistem demokratik, ku do të sundojë vullneti i popullit dhe nuk do të jetë i dirigjuar.
(TRT)
Thu 23 Mar 2023 - 2:31 nga 
