Kush janë këta predikues ? Cilat janë cilësitë e predikuesit të cilin e presin myslimanët për ta dëgjuar hutben e tij në çdo të premte?


Autor: Umer Muhamed Rizkullah

Në kohën e ndryshimeve të shpejta dhe të revolucioneve të shpërndara aty-këtu si: revolucioni informativ, revolucioni në fushën e komunikimit, revolucioni teknologjik, dhe në fund e jo për fund revolucioni i popujve të shtypura. Në kohën ku ndryshohet shpejt, avancohet shpejt, zhvillohet shpejt. Në kohën e të rinjve të cilët e udhëheqin mendimin, udhëheqin revolucionet dhe do udhëheqin gjithashtu edhe politikën. Në këtë kohë shfaqen predikuesit e ri.

Predikuesit e rinj u shfaqen dhe po vijnë fuqishëm, duke i tërheq namazlitë dhe duke i argëtuar dëgjuesit. Kush janë këta predikues ? Cilat janë cilësitë e predikuesit të cilin e presin myslimanët për ta dëgjuar hutben e tij në çdo të premte?

Ai është predikuesi të cilin e sheh të buzëqeshur, e i cili buzëqeshjen e njeh si gjuhë të cilën Muhamedi a.s. e njihte dhe ua mësonte shokëve të tij, shkronjat e saj dhe fjalët e saj. Për shkak të buzëqeshjes së tij buzëqeshin shumë fytyra, ku rritet shpresa për një të nesërme të ndritshme e të bukur.

Ai është predikuesi i cili ju flet mendjeve dhe zemrave së bashku. Fjalimi i tij është i zbukuruar me ngjyra e forma të ndryshme, me argument fetar, me predikim për zemrat, si dhe me bindje të mendjeve, duke mos mbizotëruar mendimin, apo duke mos paraqitur të vërtetën se ajo është vetëm çka ai beson, e çdo gjë tjetër është humbje…. e kjo është vet humbja.

Ai beson se fjala e tij nuk është Kur’an e as Hadith i shpallur, por në çështjet që ai i paraqet ka thënie, mendime dhe kuptime të ndryshme, ku secili ka argumentin e vet, ua paraqet njerëzve mospajtimin në çështje dhe argumentet e tyre, ngase njerëzit edhe në qoftë se nuk i dëgjojnë ato çështje nga ai, do i dëgjojnë në kanale televizive apo radio, dhe ai e dinë dhe nuk e injoron këtë.

Ai është predikuesi i cili lexon citate Kur’anore dhe i ndërlidh ngushtë ato me aktualen e njerëzve, komenton citatet Kur’anore në mënyrë të lehtë dhe të thjesht pa u përmbytur në përmendje të mendimeve, pastaj sqaron si duhet zbatuar mësimet dhe kuptimet e tyre .

Ai është predikuesi që hulumton në çështjet bashkëkohore, me ngjarjet e të parëve zhytet në ato bashkëkohore, zbërthen problemet bashkëkohore dhe ofron zgjedhje të mundshme dhe të duhura.

Ai është predikuesi që jeton me njerëzit, i dëgjon ngjarjet e tyre, njeh gjendjen e tyre dhe kështu zbukuron fjalimin e tij, jeton me dëgjuesit në jetën e përditshme, nuk i le pezull në histori, në ngjarjet e të kaluarve, që të dalin duke thënë: Ku jemi ne e ku janë ata ? Ky është populli që ka kaluar !

Ai nuk jeton në kështjellë të largët, por shikon aktualen dhe e jeton atë, dëgjon lajmet, merr pjesë në qëndrimet shoqërore, prezanton në takime, iu përgjigjet ftesave, e njohin atë njerëzit dhe ai i njeh ata, i donë dhe duhet nga ta, dera e tij është e hapur, shtëpia e tij është e njohur dhe telefoni i tij është i hapur për të gjithë.

Ai është predikuesi i cili e kupton se retorika nuk është lundrim në libra të retorikës dhe letërsisë për të nxjerr shprehjet më të rënda, por vjen me shprehje të lehta dhe të thjeshta që ta kuptojnë të gjithë.

Ai është predikuesi i cili i bindë njerëzit, jo me zë të lartë dhe britmë të frikshme, por i bindë ata me argumente, dëshmi dhe prova.

Ai është predikuesi i cili e kupton se njerëzit janë më shume se ata që ai i njeh. Dituria nuk ka mbet vetëm në një ligjëratë të një dijetari të ndershëm në të cilën prezanton, duke mos e mohuar rëndësinë dhe origjinalitetin e saj, diturisë i janë shumuar mënyrat, dhe kanë ndryshuar rrugët në arritjen e saj, sot shumë lehtë arrin tek çdo informacion.

Ai është predikuesi i cili i drejton njerëzit kah puna, më shumë se kurrë sot njerëzit kanë nevojë për dikë që i drejton ata drejt asaj se çfarë të bëjmë ? Si t’ia bëjmë ? Njerëzit e kanë kuptuar përgjigjen: Pse ? Pyetjet më të rëndësishme të lëvizshmërisë kanë mbet duke kërkuar përgjigje.

Predikuesit e ri po vinë, ata janë prezent sot, xhamitë e tyre mbushen përplot me kërkuesit e të vërtetesë dhe të eturit për fjalë të mirë.

Njerëzit sot, në veçanti rinia, kërkojnë për dikë që merret me çështjet e tyre, që i kupton ëndrrat e tyre, fol me gjuhën e tyre, dëgjon kërkesat e tyre, i pranon dëshirat e tyre, ua hijeshon të mirën, ua lehtëson rrugën, i merr për dore, ua kujton atyre mëshirën e Zotit dhe paralajmëron për gjynahe.

Rinia sot janë shumë të nevojshëm për dikë që ua nxjerr të mirën e fshehur në shpirtrat e tyre, që të shndërrohet në punë nxitëse dhe zhvilluese për shoqërinë.

Njerëzit sot e ne veçanti rinia kërkojnë predikuesin i cili e thotë të vërteten edhe nëse ajo është e ithët. Ata dëshirojnë të flitet për jetesën e tyre, punët e tyre në detaje, të mendohet me ta për zgjedhjen e problemeve dhe të sugjerohen mënyra për reforma.

Njerëzit sot janë të lodhur fatkeqësisht nga shprehjet e besnikërisë së tepruar, janë lodhur nga ata të cilët kanë shndërruar predikimin e tyre për deklarata politike në emër të Shteteve dhe Qeverive !.

Predikuesi sot duhet ta di se, disa nuk dëgjojnë këshilla përveç të premtes, dhe nëse del nga kjo duke mos përfituar asgjë, atëherë ky është një krim i madh !.

Nuk mendoj se njerëzit sot duan nga predikuesi të bartë tekste dhe thënie të gjata, më shumë dëshirojnë nga ai që të bie Ajetin dhe Hadithin në vendin e duhur, ta paraqet kuptimin e tyre dhe ngjarjen ta tregon në mënyrë prekëse, e gjithë kjo për të arritur tek qëllimi i caktuar dhe caku i qartë.

Predikuesi sot përmbledhë dhe shkurton fjalimin e tij, përqendrohet vetëm në një temë në fjalim e tij, shpik një parathënie të shkurtër dhe e përfundon fjalimin e tij me shpresë dhe optimizëm.

Ua kujton njerëzve forcën e tyre të fshehtë, si dhe potencialin e tyre të madhe, dhe detyrat e obliguara për ndryshimin e vendeve të tyre dhe shoqërisë së tyre.

Mëson njerëzit se e mira e së mirës është që secili prej nesh ta kryen detyrën e tij dhe u tregon atyre se si ta kryen këtë detyrë .

Nuk ua hedh krejt fajin vetëm dijetarëve dhe politikanëve, por ua kujton njerëzve se secili ka rolin e tij, dhe secili ka vendin dhe pozitën e tij në jetë !

Predikuesi sot ka obligim të madh, hutbeja e së premtes patjetër duhet ta kthej famën dhe lartësinë e saj, ku është humbur një pjesë e saj, falënderimi i takon Allahut që kjo ka filluar, të jemi optimist..

Përktheu dhe përshtati : Isa Lushaku