Në ç’mënyrë dijetarët e kanë shqyrtuar mjekrën e rruar?

Vizitor

Në ç’mënyrë dijetarët e kanë shqyrtuar mjekrën e rruar?

Me emrin e Allahut, të Gjithëmëshirshmit, Mëshirëplotit

Falënderimet dhe lavdërimet i përkasin vetëm Allahut, Krijuesit të gjithësisë. Paqja, bekimet dhe shpëtimi qofshin mbi të Dërguarin e Tij Muhamed, mbi familjen e tij dhe mbi të gjithë ata që do ta ndjekin rrugën e tij deri në Ditën e Gjykimit.

Gjykimi i zgjatjes së flokëve dhe shkurtimit të tyre sikurse e kanë thënë dijetarët e fesë islame

Prerja e flokëve dhe rritja e tyre ndahet në katër forma, ato janë:

Gjykimi mbi rruajtjen e mjekrës

Termi arabisht ‘lihjah’ – sikurse kanë thënë gjuhëtarët - janë qimet që dalin në fytyrë mbi faqe dhe nofulla (mjekër).

Rritja e mjekrës

Shënon Buhariu nga Ibnu Umeri (Allahu qoftë i kënaqur me të dy!) se Pejgamberi (Bekimi dhe paqja e Allahut qofshin mbi të!) ka thënë: “Dallohuni prej idhujtarëve, rritni mjekrën dhe shkurtoni mustaqet!” Buhariu, 5892. Nga vetë hadithi kuptohet se shkaku i rritjes së mjekrës është dallimi nga idhujtarët, gjegjësisht nga zjarradhuruesit, të cilët e shkurtonin a e rruanin mjekrën.

Fjalët e dijetarëve në lidhje me mjekrën

Të gjithë dijetarët selefi – dijetarët e tre shekujve të vlefshëm – ashtu si edhe katër imamët (Ebu Hanife, Malik, Shafij dhe Ahmed ibnu Hanbel, Allahu i mëshiroftë!), janë të një mendimi se rruajtja e mjekrës nuk lejohet (është haram). Shumë prej tyre nuk ua pranojnë dëshminë dhe nuk i lejojnë që të bëhen imam (të prijnë) në namaz.

Rritja e mjekrës është obligim (uaxhib) mbi çdo njeri që e ka të mundshme, ndërsa rruajtja e saj është haram dhe mosbindje ndaj të Dërguarit (Bekimi dhe paqja e Allahut qofshin mbi të!). I Dërguari i Allahut (Bekimi dhe paqja e Allahut qofshin mbi të!) ka thënë: “Lëshojini mjekrat dhe shkurtoni mustaqet!” Transmetojnë Buhariu dhe Muslimi. Ibnu Hazmi (Allahu e mëshiroftë) ka thënë: “Është rënë dakord nga të gjithë (dijetarët e spikatur të fesë) se rruajtja e mjekrës është gjynah, nuk lejohet.” “Meratibul Ixhma” faqe 157. Shejhul Islam, Ibnu Tejmijeh (Allahu e mëshiroftë!) thotë: “Është e ndaluar ta rruash mjekrën. Argument për këtë janë hadithet e sakta dhe fakti se askush nuk e ka lejuar.”

Rruajtja e mjekrës është nga punët e këqija. Imam Kurtubiu në tefsirin e fjalës së Allahut të Lartësuar në suren El Ankebut, 28: “Dhe (kujto) Lutin, kur i tha popullit të tij: ‘Ju bëni mëkate nga më të rëndat, të cilat askush para jush nuk i ka bërë në të gjithë botën (nga njerëzit ose xhindët);.” thotë: E para prej punëve të këqija ishte se ata rruajtën mjekrat...” Tefsirul Kurtubi.

Me rruajtjen e mjekrës njeriu kundërshton:

a) Allahun e Lartësuar. Tregon për këtë hadithi i transmetuar nga Ibnu Xhabir, hadith për të cilin shejh Albani thotë se është i mirë (hasen), se prijësi i Jemenit, i emëruar nga Kisrau (Perandori Persian), dërgoi dy njerëz te Pejgamberi (Bekimi dhe paqja e Allahut qofshin mbi të!) për ta thirrur. Kur erdhën te ai, pa se ata i kishin rruar mjekrat dhe kishin lënë mustaqet. Ai (Bekimi dhe paqja e Allahut qofshin mbi të!) urrente t’i shikojë në këtë gjendje dhe tha: “Të mjerët ju! Kush u ka thënë të veproni kështu?” Ata u përgjigjën duke thënë: “zoti ynë (Kisra)”. Atëherë Pejgamberi (Bekimi dhe paqja e Allahut qofshin mbi të!) tha: “Ndërsa Zoti im i Lartësuar më ka urdhëruar të lëshoj mjekrën dhe të shkurtoj mustaqet.”

b) Pejgamberin (Bekimi dhe paqja e Allahut qofshin mbi të!). Në shumë hadithe i Dërguari i Zotit (Bekimi dhe paqja e Allahut qofshin mbi të) i ka urdhëruar burrat që t’i lëshojnë mjekrat. Kështu që rruajtja e mjekrës është mosbindje ndaj të Dërguarit (Bekimi dhe paqja e Allahut qofshin mbi të). Allahu i Lartësuar thotë në suren En Nisa ajeti 80: “Kush i bindet të Dërguarit, ai i është bindur Allahut...” Imam Neveviu në komentimin e “Sahihul Muslim” (përmbledhjet e haditheve të sakta të Muslimit), 3-193 thotë: “Të lësh mjekrën do të thotë të mos e presësh atë, sikurse është përmendur në një hadith tjetër “lëreni”. Ishte zakon i persianëve t’i shkurtonin mjekrat, prandaj sheriati (legjislacioni islam) e ndaloi këtë.” Më pas thotë: “Për këtë kemi pesë transmetime. Të pesta nënkuptojnë lënien e mjekrës. Kjo kuptohet edhe nga konteksti i haditheve.” Të presësh diçka nga mjekra është gjynah, sepse Pejgamberi (Bekimi dhe paqja e Allahut qofshin mbi të) ka thënë: “Lëshoni mjekrat...”, “Zgjatini mjekrat...”, “Lërini (rritini) mjekrat...” etj. Të gjitha këto transmetime tregojnë se nuk lejohet të heqësh diçka prej mjekrës. Kur për të hequr diçka nga mjekra nuk lejohet, atëherë rruajtja e saj është edhe më keq. Shih fetvatë e shejh Ibnu Uthejminit.

Ndërsa termi ‘a’fu’ ‘el Ifaeh’ në gjuhën arabe do të thotë: lënia e diçkaje përfundimisht duke mos e prekur asnjëherë atë. Sa i përket veprimit të Ibnu Umerit (Allahu qoftë i kënaqur me të dy!) të transmetuar në “el Munteha”: “ Biri i Umerit, kur shkonte në Haxh ose për Umre, e kapte mjekrën me gishtat e dorës, dhe shkurtonte pjesën, që mbetej jashtë tyre.” Sheukani thotë në “Nejlul Eutar”, 1-138: “Disa dijetarë kanë marrë për argument këtë, por transmetimet “el Merfuah” e bëjnë të pavlefshme.” [el Merfuah, janë transmetimet që shkojnë deri te Pejgamberi (Bekimi dhe paqja e Allahut qofshin mbi të!), ndërsa kjo thënie është – meukuf – sepse është vepër e sahabiut.]

Kështu që duke e rruar mjekrën kemi:

1. Shtrembërim dhe devijim të udhëzimit të Pejgamberit (Bekimi dhe paqja e Allahut qofshin mbi të!). Allahu i Lartësuar thotë: “Ju e kishit shembullin më të lartë në të Dërguarin e Allahut.” Suretul Ahzab, 21. Në “Sahihun” e Muslimit qëndron: “Pejgamberi (Bekimi dhe paqja e Allahut qofshin mbi të!) kishte mjekër të gjerë.”

2. Devijim nga rruga e besimtarëve. Na është bërë e ditur se Pejgamberët, sahabët, dijetarët dhe besimtarët e parë të devotshëm të këtij umeti i kanë lëshuar mjekrat e tyre. Nuk kemi asnjë transmetim për ndonjë prej tyre ta ketë rruar mjekrën. Allahu i Lartësuar në suren En Nisa ajeti 115, thotë: “Kush i kundërvihet të Dërguarit, pasi që i është bërë e qartë e vërteta dhe ndjek rrugë tjetër nga ajo e besimtarëve, Ne (në dynja) e lëmë në atë që ka zgjedhur, e (në botën tjetër) e fusim në xhehenem. Sa përfundim i keq është ai.”

3. Përngjasim me gratë dhe shëmbëllim me mosbesimtarët. Lënia e mjekrës është prej natyrës së burrit, ashtu siç thuhet në hadithet e sakta dhe rruajtja e saj është orvatje për të imituar gratë. Pra, mjekra konsiderohet pjesë e burrërisë dhe karakteristikë e tij e veçantë. Buhariu (10/279) shënon se Pejgamberi (Bekimi dhe paqja e Allahut qofshin mbi të!) ka thënë: “Allahu i ka mallkuar burrat të cilët përngjasojnë gratë dhe gratë të cilat përngjasojnë burrat.” Po ashtu na është ndaluar që t’i shembullojmë qafirave. Allahu i Lartësuar ka thënë në suren El Xhathijeh ajeti 18: “Pastaj, Ne të vumë ty në një rrugë të drejtë të fesë, pra ti ndiqe atë e mos ndiq dëshirat e atyre që nuk dinë.” Kurse Pejgamberi (Bekimi dhe paqja e Allahut qofshin mbi të!) thotë: “Kush i përngjason një populli, ai është prej tyre.” Shënoi Ebu Daudi, 4031 nga Ibnu Umeri (Allahu qoftë i kënaqur me të dy!) dhe saktësoi Albani. Rruajtja e mjekrës është përngjasim i qafirave. Kjo tregohet në shumë hadithe të Pejgamberit (Bekimi dhe paqja e Allahut qofshin mbi të!). Prej tyre kemi hadithin të cilin e përmend imam Muslimi, ku Pejgamberi (Bekimi dhe paqja e Allahut qofshin mbi të!) thotë: “Shkurtoni mustaqet dhe lëshoni mjekrat, kundërshtoni ithtarët e librit (çifutët dhe të krishterët)!” Po ashtu, sikurse është shënuar në dy librat e saktë, Pejgamberi (Bekimi dhe paqja e Allahut qofshin mbi të!) ka thënë: “Kundërshtojini mushrikët (idhujtarët), shkurtoni mustaqet dhe lëshoni mjekrat!” Po ashtu ai (Bekimi dhe paqja e Allahut qofshin mbi të!) thotë: “Shkurtoni mustaqet dhe lëshoni mjekrat, kundërshtoni mexhusët (zjarrputistët).” Transmetoi Muslimi.

4. Rruajtja e mjekrës është në kontradiktë me karakterin natyror (fitrah) dhe cenim i krijimit të Allahut të Lartësuar. Muslimi thekson se Pejgamberi (Bekimi dhe paqja e Allahut qofshin mbi të!) ka përmendur dhjetë cilësi të cilat tregojnë karakter të mirë dhe të përsosur. Dy nga ato cilësi janë: “Shkurtimi i mustaqeve dhe lëshimi i mjekrës.” Muslimi, 261. Pejgamberi (Bekimi dhe paqja e Allahut qofshin mbi të!) thotë: “Çdo fëmijë lind në fitrah (në natyrë të pastër dhe të shëndoshë), por janë prindërit dhe ndikimi shoqëror ata të cilët e shtrembërojnë këtë natyrë.” Transmetojnë Buhariu dhe Muslimi. Po ashtu, duke e rruar mjekrën, ne mundohemi që të cenojmë krijimin e Allahut të Lartësuar, gjë e cila është bindje ndaj shejtanit. Allahu i Lartësuar në suren En Nisa ajeti 119, thotë: “...Do t’i urdhëroj dhe ata do të ndryshojnë krijesat e Allahut. E kush bën mik djallin, e jo Allahun, ai ka dështuar haptazi.”

* Të parët tanë e konsideruan të rëndësishme mjekrën dhe i mësonin edhe të tjerët që ta linin atë, ashtu siç tregohet në historinë e Kajs ibnu Sa’dit (Allahu qoftë i kënaqur me të!). Ai ishte qose, nuk i dilte mjekra. Ensarët i thoshin: “Nuk ka trim mendjemprehtë si Kajsi, vetëm se nuk ka mjekër. Për Zotin, po të blihej mjekra me para, do t’ia blinim një mjekër, që t’i plotësohej burrëria.”

Kështu mendonin muslimanët e parë mbi mjekrën.

Paqja dhe bekimet qofshin mbi Pejgamberin tonë Muhamed, mbi familjen dhe mbi shokët e tij.

Përgatiti: Naim Karaj

Une nuk e di cfar qellimi keni me keto postime po nja deshta me ua be me dije se ki oshte nje forum hanefi e jo selefi ndoshta e keni keqkuptu dh mos me detironi qe keto posime qe provokojn ata qe kan medheb te ndien te ofenduar ose perndryshe do ti hjeki keto postime qe ndjellin percarja te gjith e dim dispozten emjekres cka ehste ne islam ne baz te medhhebit e nuk na intereson cka thojn selefu vehabit nje postim per mjekren e fshiva ketu ua terhkeki verjetjen kemi pune me te mdhaja se mjekra perme i shqiptu ndersa per mjekren per me diskutu dhe per pantollonat e shkurta ngritja e gishtit marja e tegbirit ne co ruken kjo bisedohet ne forumet selefite si kurandhesunet forumiislamik feja islame etj ketu jo dhe u kisha thene mo nuk dua postime kontradiktore.

Moter e nderuar un jame i befasuar me te vertet me postimin e juaj!!,un nuk di se ju ku i siguroni keta argumente se nga mjekra nuk duhet te presesh asnje qime,sepse nese nuk pret as nje qime,eshte edhe kundra natyres,sepse mjekra te cilet nuk pritet kur ajo aryn nje gjatsi shume te madhe,pra te theme edhe nje her se mjekra eshte sunnet i fort,por nuk eshte vaxhip si pretendoni ju!!dhe se gjatsija e mjekres duhet te jete sipas shume haditheve sahi e kemi fjalen nje grusht dhe jo me gjate,kujdes moter se ku i siguroni keta te dhena,sepse jo te gjidha ushqimet te bajne mir,eshte e ruges,qe ushqimin para se ta pranoni si dhurat duhet ta kontrolloni se munde te jete helmus.
Weselamu-Alejkum

» As-habët e kanë desht më shumë vdekjen se jetën ata kanë thënë:"Nëse nuk do të vritem, atëherë unë do të vdes gjithsesi"‏
» INDI: Milingonat e kane ngrene nje Kuran 100 vjeçar, por nuk i kane prekur ajetet Kuranore. Subhanallah, kush i mesoi qe te vepronin keshtu?!
» Sirianet nuk kane nevoj per shqiptaret,por kane nevoj per buk dhe humanitetin tone..!!!
» A lejohet operacioni ne kete menyre?
» Turqia përshkruan ilaçet në mënyrë elektronike