Vëllai i Jackson: Islami ka mundur ta
shpëtojë Michael-in
Konvertimi në fenë Islame ka mundur ta ruajë në
jetë Michael Jackson, ka thënë Jermaine Jackson duke kujtuar vëllain në
njëvjetorin e vdekjes së tij.
E premte 25 Qershor 2010 11:48
Jermaine ka thënë për radion BBC World Service se ai shpesh ishte
munduar ta bindë Michael-in të konvertohet në Islam dhe të largohet nga
Amerika.
“Kam menduar se nëse Michael e përqafon Islamin ai ende do të ishte
këtu sot dhe e them këtë për shumë arsye”.
“Pse? Pasi kur jeni 100% i pastër në mendjen tuaj se i kujt jeni dhe
çfarë jeni dhe pse jeni ju dhe gjithkush rreth jush, atëherë gjërat
ndryshojnë në mënyrë që është mirë për ju. Është një gjë që të jep
fuqi”, ka thënë Jermaine.
Vëllai i Michael po ashtu ka thënë se Mbreti i Popit nuk e kishte
kundërshtuar idenë për t’u bërë Mysliman.
“I gjithë sigurimi i tij u bënë Myslimanë pasi ai kishte besim në
Islamin, pasi ata njerëzit të cilët do të sakrifikonin jetën e tyre dhe
po ashtu të cilët përpiqeshin të ishin qeniet më të mira njerëzore që
mund të ishin, jo për Michael Jackson, por për Allahun. Andaj të kesh
gjithë ata njerëz rrotull, e dini se do të jeni të mbrojtur pasi kjo
është një mbrojtje e Zotit”, ka shtuar Jermaine.
Sot, 25 qershor, bëhen një vit nga vdekja e Michael Jackson, që
supozohet se ndërroi jetë për shkak të konsumimit të tepruar të barnave
të përshkruara. /Telegrafi/