Dhjetë ditët e faljes: A jemi gati?
Askush nuk e di nëse e ka fituar mëshirën e Allahut të Madhëruar në çastin kur ka mbaruar dhjetë ditëshi i parë. Duhet të jemi shumë të sinqertë me veten tonë...
Nga: Ua'il Shihab
Ditët e bekuara të Ramazanit po ikin mjaft shpejt. Ditët speciale të Allahut, ditë në të cilat ai zbret mëshirën e Tij të madhe, faljen dhe plotëson dëshirat e besimtarëve ndodhen në muajin e Ramazanit, kështu që gjithsecili prej nesh duhet të vlerësojë këtë muaj para se të jetë shumë vonë. Profeti Muhamed (paqja e Zotit qoftë mbi të) na ka thënë se Ramazani ndahet në tre pjesë, pjesa e parë përbëhet nga mëshira e Allahut, e dyta nga falja dhe e treta nga shpëtimi prej zjarrit të Ferrit.
Askush nuk e di nëse e ka fituar mëshirën e Allahut të Madhëruar në çastin kur ka mbaruar dhjetë ditëshi i parë. Duhet të jemi shumë të sinqertë me veten tonë në momentin kur shpresojmë që të fitojmë këtë dhuratë, porse duhet të përpiqemi që të fitojmë dhe pjesën tjetër të bekimeve që kanë mbetur për pjesën e mbetur të muajit.
Tashmë kemi hyrë në ditët e faljes. A jemi gati për të hyrë në këto ditë? A jemi përgatitur për tu falur nga Zoti? Është çasti më i volitshëm për tu falur nga Zoti ynë dhe për ti kërkuar falje Atij. Është një moment që nuk duhet ta humbim, nëse dështojmë për të marrë faljen e Zotit të madhëruar kur do të na falen mëkatet tona?
Profeti Muhamed a.s, shokët e tij dhe muslimanët e sinqertë përmes gjithë kësaj periudhe janë falur duke kërkuar mirësitë e këtij muaji. Njerëzit e mençur e dinë se kurrë sduhet të humbasë asnjë ditë të këtij muaji.
E pyetja më e rëndësishme që shtrohet është; Si duhet ta kërkojmë faljen e Alahut gjatë këtyre ditëve të bekuara të Ramazanit? Më poshtë po ju japim disa udhëzime:
1. Çdokush duhet të pendohet sinqerisht para Allahut të Madhëruar, duke kërkuar faljen e Tij,
2. Nuk duhet kryer asnjë vepër e ndaluar,
3. Duhet të falim më shumë namaze nate (Tahaxhud), duhet të japim sadaka më shumë, duhet të bëjmë më shumë dhikër dhe duhet të lexojmë më shumë Kuran.
4. Nuk duhet të lëmë pasdore namazet dhe duhet ti falim ato në vaktet e tyre
5. Duhet ti bëjmë dua Allahut të Madhëruar për ti kërkuar atij falje dhe ti kërkojmë Atij të mos na heqë nga furnizimi i Tij.
O Allah, ndihmona neve që të fitojmë mëshirën Tënde, faljen dhe bekimet e Tua, Amin
Thu 23 Mar 2023 - 2:31 nga 
