10 Qëllime Fisnike Për T'ia Vënë Vetes Në Këtë Ramazan

10 Qëllime Fisnike Për T'ia Vënë Vetes Në Këtë Ramazan
Ha, pi por qëndro mesatar
Pothuajse të gjithë ne e bëjmë këtë – posa të troket koha e iftarit, menjëherë fillojmë të rrotullojmë ushqimin dhe pijet në gojët tona derisa të na bëhet e vështirë lëvizja nga vendi. Dhe ne të cilët e bëjmë këtë e dimë se kjo është tërësisht në kundërshtim me frymën e Ramazanit, përmes së cilës supozohet që ne të mësojmë vetëkontrollin e jo vetëkënaqësinë. Të provojmë të qëndrojmë afër me rregullën profetike të ushqimit: mbushjen e barqeve tona me një të tretën ushqim, një të tretën pije dhe një të tretën ta lëmë hapësirë për frymëmarrje, madje edhe në Ramazan.

Jep një dollar në ditë për bamirësi... ose pesë, ose dhjetë
Profeti Muhammed, paqja dhe bekimet qofshin mbi të, ishte gjithherë bujar (zemërgjerë) por aq më shumë në Ramazan. T'i hapim zemrat tona dhe të gërmojmë pak më thellë në kuletat tona këtë vit. Edhe më pak se një dollar në ditë është tamam. Çfarëdo që mund të japësh, është qëllimi ai që llogaritet.
Mëso përmendësh 4 sure të reja
Mësimi përmendësh i Kur'anit shpesh shihet si një punë e mërzitshme. Por zgjidhja është mësimi i tij në kafshata të vogla. Përderisa janë katër javë në Ramazan, provo të mësosh përmendësh një sure të re në javë. Fillo me një të shkurtë, të lehtë. Pasi të kesh filluar, do të krijosh vullnetin kur madje do të kesh dëshirë të mësosh përmendësh një tjetër edhe më të gjatë në javën pasuese.
Shko në namazin e Teravive
Pas iftarit, dëshira e parë e fortë është gjumi pas një dite rraskapitëse. Por provo më të mirën që të drejtohesh jashtë drejt xhamisë për namazin e Teravive. Falja vetëm është e mrekullueshme, por falja në grumbull (xhemat) është fantastike. Fryma e bashkimit është pjesë e bekimeve të Ramazanit. Mos ju shmang asaj këtë vit. Nëse shkuarja e përditshme nuk është e mundur, provo të shkosh së paku një herë në javë.

Merr pjesë në namazin e Teravive në të cilin recitimi i Kur'anit do të plotësohet
Drejtoju xhamisë lokale dhe zbulo se cilën ditë imami do ta përfundojë recitimin e Kur'anit në namaz. Merr pjesë jo vetëm në dëgjimin e pjesës së Kur'anit në namaz, por edhe në Duatë prekëse që e pasojnë atë.

Ndal sharjen, mallkimin dhe/apo përgojimin me një grusht të fortë
Është e vështirë që të mos i zbrazim gojët tona kur dikush na fyen. Qoftë nëse shqiptojmë ato fjalë katërshkronjëshe apo përgojojmë rreth dikujt te familjet tona dhe shokët, ne e dimë se kjo nuk është mënyra e pëlqyer e Zotit për tu shfryrë. Në Ramazan, kur dëshirojmë të ndërtojmë shpirtëroren tonë, ne bëjmë Xhihad kundër shprehive tona të këqija.Provo këtë: merr një kuti dhe sa herë që e zë veten duke sharë, mallkuar apo përgojuar vendos disa para në të. Mund të jetë një dollar apo më pak. Qëllimi është të zgjidhet një shumë e cila do të ndjehej si ndëshkim.Në fund të muajit dërgo të hollat për bamirësi ose blej ndonjë dhuratë personit të cilin më së shumti e ke përgojuar.

Vizito, telefonoju, apo dërgoju emaila farefisit
Do të mendoni se mundësitë e ditëve të sotme, si të qasurit e lehtë në email, çmimet konkurruese të thirrjeve në distanca të largëta, kartelat telefonike etj, na mbajnë në kontakt me familjen dhe shoqërinë më shpesh. Por, e kundërta duket të jetë në të vërtetë, sepse ne jemi zënë në "angazhimet" e jetës.Forcimi i lidhjeve me anëtarët e familjes dhe mbajtja e kontaktit me shoqërinë është pjesë e mënyrës sonë të jetesës dhe një akt me të cilin Allahu është shumë i kënaqur. Në këtë Ramazan, vizito, telefonoju familjes dhe shoqërisë apo së paku dërgoju ndonjë email me ndonjë kartelë përshëndetëse dhe pyeti ata se si ju shkon agjërimi.

Hyn në dietë teknologjike
Edhe nëse punoni në industrinë e Teknologjisë Informative, mund ta bëni këtë. Shmangiuni kontrollimit të emailit personal dhe shfletimit të uebit kur jeni agjërueshëm. Pas iftarit, në vend që të hidheni para ekranit shkoni në teravi. E njëjta vlen edhe për televizionin. Qëllimi është që të provojmë t'i kushtojmë vëmendjen tonë të plotë ngritjes sonë shpirtërore në këtë muaj.

Lexo 5 minuta Kur'an në ditë... vetëm pesë, as më shumë, as më pak
Edhe nëse ndjeni se nuk keni absolutisht aspak kohë, vendosni kohëmatësin ose alarmin në telefonin tuaj mobil dhe gjeni një vend relativisht të qetë. Mund ta lexoni faqen e parë të Kur'anit e cila ju hapet apo të përcillni radhën. Zgjedhja është e juaja. Qëllimi është thjeshtë të lidheni me Zotin nëpërmjet shpalljes së Tij në muajin e Kur'anit.

Fal secilin që të ka lënduar
Ende keni plagë të qelbura nga përleshja me shokun tuaj vitin e kaluar? Ende i mërzitur rreth diçkaje që të ka thënë bashkëshortja gjatë një diskutimi të zjarrtë? Apo a jeni ende i hidhëruar rreth mënyrës që prindërit tuaj nganjëherë ju kanë trajtuar si fëmijë. Lërini që të shkojnë inati dhe dhimbja në këtë Ramazan dhe falni ata që ju kanë lënduar. Të falurit dikë nuk është mirë vetëm për trupin, por është gjithashtu fisnike për shpirtin. Dhe në Ramazan, dhjetë ditë të të cilit i janë ndarë faljes së Allahut, nuk do të duhej të ishim më pak falës gjithashtu.Nëse të duket shumë e vështirë të falësh secilin, fali së paku tre njerëz.