Ky ishte titulli i gazetës së njohur britaneze “Dayli star” të premten e kaluar. D.m.th. në shkollat fillore dhe ato të mesme të rajonit Harrow të Londrës është nënshkruar një marëveshje për ushqimin e shkollës që do të furnizohet eksluzivisht me ushqim hallall, i përgatitur sipas parimeve islame. Prindërit e fëmijëve jomusliman kanë protestuar sepse fëmijët e tyre nuk kanë të drejtën e zgjedhjes dhe nuk janë pyetur nga askush kur është marrë ky vendim.
Përfaqësuesit e tyre të zemëruar kanë akuzuar muslimanët se në këtë mënyrë shkelin ndjenjat fetare të tjerëve. Njëri nga prindërit thotë: “Jam tepër i hidhëruar me vendimin Këshillit të qarkut sidomos kur e dimë se është në procedurë ligji për ndalimin therjes sipas parimeve hallall të cilin para qeverisë e ka ngritur Këshilli për mbrotjne e kafshëve dhe farmave.!”
Disa udhëheqës musliman arsyetojnë hidhërimin e prindërve duke komentuar se është për t’u përshëndetur ushqimi hallall për nxënësit, por nuk është mirë që fëmijët jomusliman të lihen pa mundësi zgjedheje.
Megjithatë, Muhamed Rizvi, udhëheqës i shoqatës së Pakistanezve në Harrows thotë se muslimanët duhet të hanë vetëm ushqim hallall, ndërsa në të njëjtën kohë, për nxënësit jomusliman nuk paraqet ndonjë problem të hanë ushqim hallall. Sipas fjalëve të tij kjo nuk është islamizim por çështje e mendjes së shëndoshë. Në përkrahje të prindërve jomusliman kanë ndalë shoqata për mbrotjen e kafshëve, përfaqësuesit e së cilës thonë se therrja hallall është e vrazhdë sepse kafsha vuan duke cofur ngadal kur i pritet fyti që t’i dal gjaku.
Terry Sanderson, kryetarë i Këshillit Nacional sekular në gjithë këtë shton:
“Duke u ofruar nxënësve ushqim hallall qeveria tregon se vetëdija muslimane është shumë më e fortë se qëndrimi i dikujt që kujdeset për të drejtat e kafshëve”… Këshilli i qarkut të Harrowsit thotë se marëveshjet janë nënshkruar sepse nutritionistët propozuan disa furnizues të ushqimit për të cilët qysh më herët diheshte se ofrojnë vetëm ushqim hallall.
Thu 23 Mar 2023 - 2:31 nga 
