Revolta e të rinjve britanikë vazhdon të përhapet në të gjithë vendin. Protestat e nisura në lagje të ndryshme të Londrës u përhapën edhe në qytetet Mançester, Birmingem dhe Liverpul.
Kryeministri britanik, Deivid Kameron tha se për ndalimin e akteve të
dhunës dhe plaçkitjeve, sonte në rrugët e Londrës do të punojnë 16 mijë
policë.
Kanë dalë jashtë kontrollit protestat, që filluan në Londër gjatë
fundjavës, pas vrasjes nga policia e një të riu me ngjyrë, me motivin se
është anëtar i një bande.
Grupet e revoltuara u vunë zjarrin ndërtesave e makinave, si dhe plaçkitën zyrat e dyqanet në shumë lagje të kryeqytetit.
Protestuesit kanë ngritur barrikada nëpër rrugë dhe përleshën me policinë, duke e kthyer qytetin thuajse në një shesh beteje.
Ngjarjet e dhunës dhe grabitjet u përhapën edhe në qytetet Mançester, Birmingem e Liverpul.
Në lagjet Pallati i Kristaltë dhe Dalston, ku jetojnë edhe shumë
emigrantë turq, grupet që tentuan të plaçkitnin dyqanet e turqve, janë
sprapsur me shkopinj nga banorët.
Për shkak të ngjarjeve është anuluar ndeshja përgatitore Angli-Holandë, si dhe janë shtyrë 4 takime për kupën e ligës angleze.
Drejtori i policisë së Londrës tha se nuk kanë në plan të kërkojnë
ndihmë nga ushtria për vendosjen e rendit, duke hedhur kështu poshtë
pretendimet në këtë drejtim.
Nga ana tjetër, Kryeministri Deivid Kameron, i cili pas ngjarjeve në
fjalë ndërpreu pushimet në Itali dhe u kthye në Londër, deklaroi se të
enjten do të thërrasë kabinetin në një mbledhje të jashtëzakonshme për
të diskutuar masat e sigurisë.
Kameron tha se numri i policëve, që do të patrullojnë në rrugët e
pushtuara nga pjesëtarët e bandave, nga 6 mijë që është momentalisht,
është rritur në 16 mijë.
Deri më tani në protesta janë plagosur 35 policë, shumë civilë, si dhe janë arrestuar rreth 400 vetë./trt/
Thu 23 Mar 2023 - 2:31 nga 
