Libia ende në kaos.

Ngjarje: Libia ende në kaos

E shtune 26 Shkurt 2011 9:50

Ministri i mbrendshem i shkarkuar AbdulFetah Junus nëpërmjet kanalit Alxhezira ju bëri thirrje të gjithë rinjëve në Libi t'iu dalin në ndihmë banorëve në Tripoli. Ai deklaroi se nuk ka kthim mbrapa deri në rrëzimin e Muamer Gadafit dhe mbetja e mëtutjeshme e tij në pushtet do të ketë viktima dhe pasoja më të medha vendi.

Nga ana tjetër Udhëheqësi i Operacioneve të Forcave Speciale të Libisë AbduSelam Mahmud elHasi bëri të ditur se i është bashkangjitur revolucionit popullor të 17 shkurtit dhe iu bëri thirrje të gjithë oficerve dhe ushtarëve të mos rrespketojn urdherat e Gadafi por tiu bashkangjiten popullit.

Ndërsa nga qyteti Bengazi i cili ka rënë në duartë e protestuesve bëhet e ditur se disa pjesëtarë të Forcave Ushtarake Detare të Libisë iu kanë bashkangjitë revolucionit të 17 shkurtit. Po në këtë qytet një grup mercenarësh afrikan prej 12 veta mbahet nën arrest pas kapjes se tyre nga ana e popullates.

Sejful Islam Gadafi mbrëm nga një hotel doli para gazetarëv të huaj dhe ftoi opozitën për dialog dhe simbas tij shpejt do të arrihet armëpushimi dhe se problemet në Libi nuk janë ashtu siq po i paraqesin mediat e huaja. Nën përkujdesin e ushtrisë gazetarët u lejun të dalin në Tripoli për të parë nga afër se ky është një revolucion mediaktik e jo popullor simbas tij.

Nga ana tjetër vrasjet e popullatës vazhdojnë nga mercenarët të cilat i kanë ardhë ndihmë Muamer Gadafit nga vendi të ndryshme. Spitalet në Libi alarmojnë mungesë medikamentesh dhe kanë bërë thirrje tiu dalin në ndihmë për tejkalim kësaj situate. Numri i saktë i të vrarëve ende nuk dihet por disa media raportojnë se ai ka arritur në dhjetë mijë.