Londër: Huliganet u përpoqen të hyjnë në xhami

Londër: Huliganet u përpoqen të hyjnë në xhami

6
Share

Qindra muslimanë nga i gjithë Tower Hamlets dhe rrethina ishin duke dalë nga xhamia në lindje të Londrës pas namazit të teravive, kur një turmë huliganësh rrethuan zonën

Derisa gratë dhe fëmijët për arsye të sigurisë u kthehen në xhami, meshkujt u bënë rezistencë demonstruesve të cilët plaçkitnin dyqanet dhe ndërtesat në Whitechapel Street.
Pas ardhjes së policisë pasoi një përballje dhjetë minutëshe me protestuesit ata derisa u përpoqën të përzihen mes xhematlijnve, për t’u fshehur nga njësitë policore. Salman Farsi, një nga zyrtarët e xhamisë, i cili kishte parë ngjarjen, tha se besimtarët i shpërndanë demonstruesit.
"Kishte shumë britma... një raketë u hedh në drejtim të xhamisë, atmosfera ishte shumë e tensionuar. Nuk mendoj se ndonjë anëtar i komunitetit tonë qëndron pas dhunës. Ne këtu jemi të bashkuar. Vullnetarët dhe mbikëqyrësit e xhamisë sonë i qetësoni njerëzit dhe i drejtonin prapa në xhami. I kemi këshilluar të rinjtë që të qëndrojnë larg nga rrëmuja dhe pas namazit të shkojnë drejt në shtëpi."
Rushanara Ali, përfaqësues nga bashkia Bethnal Green dhe Bow, ka vizituar zonën dhe tha se tregtarët dhe banorët i kishin thënë se demonstruesit kanë ardhë nga komunat tjera që të shkaktojnë probleme. Ajo tha: "Besimtarët janë shumë të frikësuar. Dhe të gjithë janë të bindur se këta njerëz nuk do të ndajnë komunitetin tonë. Demonstruesit u përpoqën të hyjnë në xhami me qëllim që të shkaktojnë dëme, por xhemati i është përgjigjur në mënyrë të vendosur".
Whitechapel Street, Bethnal Green dhe Roman Street kanë pësuar dëmet më të mëdha, dyqanet janë plaçkitur, ndërsa vitrinat janë thyer. Policia e Tower Hamletsit tha se pesë policë janë plagosur gjatë trazirave, të cilat filluan në ora 10 të mbrëmjes.