Globus Franca dënon dy gra për shkak të bartjes së nikabit

Të enjten, Gjykatë franceze ua ka shqiptuar gjobat e para dy grave të cilat ishin paditur në maj të këtij vit për shkak të bartjes së nikabit në publik

Gratë janë gjobitur me nga 150 euro për shkak të shkeljes së ligjit të ri i cili ndalon bartjen e mbulesës së tërësishme. Hind Amas dhe Kenza Drider janë ndalur nga policia para ndërtesës komunale në Mejou në pjesën lindore të Parisit.

Deri më tani, policia franceze ka ndalur 91 femra me nikab, ndërsa këto janë dënimet e para të shqiptuara nga gjykata.
Gratë e ndëshkuara thanë se do të apelojnë në Gjykatën Evropiane të të Drejtave të Njeriut, bënë të ditur BBC.

Aktgjykimi në Mejou është ndjekur me shumë kujdes jo vetëm në Francë, por në të gjithë Evropën. Belgjika, Italia, Danimarka, Austria, Holanda dhe Zvicra kanë ligje të ngjashme, ose planifikojnë t’i miratojnë.

Amas është një nënë e divorcuar, nërsa Drider ka tre fëmijë. Disa qindra femra në Francë insistojnë se kanë të drejtë të veshin kikabin si zgjedhje e tyre personale dhe konsiderojnë se kjo e drejtë është e garantuar në bazë të ligjeve evropiane.
Ka gjashtë vite që Amas e bartë nikabin, si një grua e edukuar dhe e pavarur. Prindërit e saj nuk janë praktikues të rregullt të islamit. Ajo thotë se më parë ka veshur mini-funde dhe kishte dëshirë të argëtohej, por më pas sërish e zbuloi besimin e saj.

Disa grupe muslimane thonë se nga dita e aprovimit të ndalimit numri i sulmeve verbale dhe fizike ndaj femrave në vende publike është në rritje.

Dy gratë e dënuara do të duhet t’i shfrytëzojnë të gjitha e proceset e apelit në gjykatat franceze, gjë e cilat mund të zgjasë disa kohë, para se rasti i tyre të vjen në shqyrtim në Gjykatën Evropiane në Strasburg.
Gjithashtu mund të lexoni