"... I gjithë ummeti im do të futet në xhenet"

Sipas një transmetimi të Buhariut, Rasulullahu a.s. ka thënë: "Përveç atyre që kthejnë shpinën, i gjithë umeti im do të futet në xhenet". Kur e pyetën:"Kush janë ata që kthejnë shpinën" - u përgjigj: "Ai që më bindet mua futet në xhenet, ai që ma kundështon, ka kthyer shpinën".

Xhabir bin Abdullahu r.a. tregon: "Kur ishte Rasulullahu në gjumë erdhën engjëjt. Njëri nga engjëjt i tha të tjerëve se Pejgamberi ishte duke fjetur. Një tjetër tha se sytë e Rasulullahut janë duke fjetur por zemra e tij është zgjuar. Më pas këta engjëj i kërkuan njëri-tjetrit të bënin një përngjasim rreth Rasulullahut

"Dikush ndërton një shtëpi dhe dëshiron të jap gosti në atë shtëpi. Dërgon lajmëtar gjithandej dhe jep lajmin e gostisë. Ata që i përgjigjen kësaj ftese futen në shtëpi dhe hanë nga ushqimet. Ata që nuk përgjigjen ndaj ftesës nuk futen në shtëpi dhe nuk hanë nga ushqimet e saj". Pastaj e shpejguan këtë më qartë që të kuptohej: "Shtëpia është Xheneti, ndërsa lajmëtari është Rasulullahu s.a.v.s." Ai që i bindet Muhammedit a.s. futet në xhenet. Ai që kundërshton atë e ka kundërshtuar Allahun"

A të ka ardh ftesa ty? Siguritsht se po. Andaj përse pret që të futesh në shtëpi, dhe të hash nga ushqimet e saj. Mos e kthe lajmëtarin e gostisë pa përgjigje dhe mos e kthe mbrapa por nderoj sikurse musafirin. Shumë njerëz e fyen këtë lajmëtar por ai iu ktheu BUZËQESHJE.