[Only admins are allowed to see this image]
Hoy: Imazhi im për myslimanët ndryshoi pasi fillova të agjëroj
Xhon Hoy, i cili vuri bast me një mik mysliman se mund të agjërojë gjithë Ramazanin, është shndërruar në një person publik në Danimarkë, ku dhe jeton.
Ai ka hapur dhe një faqe në facebook të cilën e ka titulluar “30 days of Ramadan” me qëllim që të ndajë me njerëz të njohur e të panjohur, eksperiencën e tij përgjatë këtij muaji. Faqja e tij ka shënuar një rritje prej 5500 miqsh. Gjatë një interviste për të përditshmen turke todayzaman, 49 vjeçari flet për përvojën e tij dhe si ndryshoi imazhi për islamin dhe myslimanët pasi filloi agjërimin.
“Para se të filloj agjërimin, unë kisha krijuar një imazh shumë negativ për islamin, të kultivuar nga mediat të cilat janë treguar të pashpirt me gjithçka që ka të bëjë me islamin dhe myslimanët. Pasi fillova agjërimin, mësova shumë gjëra rreth islamit dhe tashmë nuk i shoh myslimanët me frikë dhe dyshim. Shumë probleme që jomyslimanët kanë me myslimanët, bazohen tek një apati karshi fesë islame dhe Kuranit. Një padije e tillë, shkakton frikë tek ta.” Shpjegon Hoy.
Që ditën e parë të Ramazanit, Hoy u zgjua herët për të ngrënë syfyrin dhe sigurisht është distancuar totalisht nga pijet alkoolike. Gjatë këtij muaji, ai ka vizituar xhami të ndryshme për tu informuar më shumë nga imamët rreth islamit. Madje, një herë ai ka falur dhe namazin e teravive në një xhami.
Ai thotë se etja është pjesa më e vështirë e agjërimit dhe se ditët e para të Ramazanit ishin vërtet të vështira. Hoy tregon se agjërimi në një vend ku myslimanëve u duhet të agjërojnë për 21 orë, një nga periudhat më të gjata në mbarë botën, është diçka e veçantë për të. Që kur kam filluar agjërimin, kam shmangur bisedat e kota, diskutimet e panevojshme me njerëz dhe gjuhën banale – thotë ai.
Gjatë këtij muaji, ai është ftuar nga shumë familje myslimane për të ngrënë iftar. Të ftohesh nga të tjerët për iftar dhe të takohesh me njerëz të ndryshëm është diçka e mrekullueshme. Çdo ditë kam mësuar rreth eksperiencave të tyre, besimit dhe stilit të jetesës. Kam marrë shumë ftesa për iftare, saqë sinqerisht nuk i përballoja dot dhe disa prej tyre i kam refuzuar. Vetëm nëse Ramazani do të ishte 3 muaj, mund ti përballoja të gjitha kërkesat. – thotë Hoy.
Shumë miq e shokë kishin bërë shaka fillimisht me të, duke i thënë se përse duhej të qëndrojë i uritur dhe i etur gjithë ditën. Por me kalimin e ditëve, ata kishin filluar ta respektojnë dhe mbështesin vendimin e tij. Hoy tregon se ai e ka ndarë eksperiencën e tij me të gjithë miqtë dhe të njohurit, të cilët kanë treguar interes për këtë eksperiencë.
Asim Ikbal, miku pakistanez i Hoy i cili e nxiti për të agjëruar, po përgatit një dokumentar lidhur me eksperiencën e Hoy me Ramazanin. Ikbal tregon:”Çdo Ramazan, miku im Hoy më pyeste: Përse agjëron dhe përse qëndron gjithë ditën pa ngrënë e pa pirë?! Këtë vit, unë i thashë: Nëse je kaq kurioz rreth agjërimit, provoje dhe mëso nga kjo përvojë e re. Por jam i sigurtë se nuk do të mundesh të agjërosh për tridhjetë ditë. Sakaq, Hoy u përgjigj: Vë bast se mundem. Ja, kështu ia nisi agjërimit. /ardhmeriaonline/
Thu 23 Mar 2023 - 2:31 nga 
,,,ja pra me ndihmen e All-llahut dhe me bindjen e plote e ka agjeruar Ramazanin ,,pra All-llahu i ja past pranuar agjerimin ,si dhe u befte Musliman i devotshem,,,,...... 