1. Profeti ynë i fundit, krenaria e njerëzimit, është martuar dhe ka krijuar familje, ka qenë bashkëshort, baba, gjysh, vjehërr etj.
Në moshën 25 vjeçare është martuar me një grua të ve, e cila ishte 15 vite më e madhe në moshë dhe me të cilën do të kalonte pjesën më të madhe të jetës bashkëshortore.
Pas moshës 50 vjeçare, pasi bashkëshortja e tij fisnike, hz. Hatixhja kishte ndërruar jetë, Profeti ynë i dashur u martua me gra të tjera të ve, të mbetura në rrugë dhe të pastreha. Kjo sigurisht jepte mesazhin e rëndësishëm në Islam, sipas të cilit murgëria nuk është rruga e myslimanit, por përkundrazi është martesa rruga e duhur për të krijuar familje të shëndoshë me parime islame. Vetë Profeti (a.s.) kishte qortuar disa bashkëkohës të tij të rinj, të cilët nisur nga qëllime të mira kishin vendosur të ndiqnin një jetë në adhurim, duke u shmangur prej njerëzve dhe bashkësisë. Por Profeti (a.s.) i bëri të ditur atyre se krahas detyrave ndaj vetvetes, njeriu ka detyra si ndaj familjes së tij, ashtu edhe ndaj shoqërisë që e rrethon.
Sigurisht, si qëllim martesa qëndron më lart sesa një rrugë e përmbushjes së disa kërkesave trupore, sepse shkon më tej në drejtim të përmbushjes së anës shpirtërore të njeriut.
2. Islami e ka bërë tepër të lehtë procedurën e martesës, duke udhëzuar që në një akt të tillë të drejtohet kërkesa dhe pranimi, si dhe dëshmitarët, të cilët asistojnë gjatë këtij akti.
Gjithashtu, Islami i ka dhënë të drejtën gruas të kërkojë nga bashkëshorti mehrin, një shumë parash të cilën gruaja e mban dhe e përdor si pasuri të veten.
3. Po ashtu, në krijimin e një familjeje ka shumë rëndësi zgjedhja e bashkëshortëve. Sigurisht kriteret e përzgjedhjes mund të ndryshojnë nga personi në person, në varësi të botëkuptimit të tyre, prandaj Profeti ynë i nderuar ka porositur: “Gruaja zgjidhet për 4 cilësi: pasuria, familja, bukuria, devotshmëria. Nëse dëshiron një martesë të hajrit, zgjidh bashkëshorten e devotshme...”
4. Po ashtu, edukimi i fëmijëve është konsideruar një detyrë tepër e rëndësishme në Islam. Allahu i Lartësuar thotë: “O ju që keni besuar, ruajeni veten dhe familjen tuaj nga një zjarr, lënda djegëse e të cilit janë njerëzit dhe gurët…..” (Tahrim 66/6)
Ndërsa Profeti (a.s.), për të dhënë mesazhe të qarta dhe të rëndësishme shpesh përdorte rrugën e krahasimit: “Të gjithë ju jeni çobanë dhe të gjithë keni në ngarkim tufën tuaj.
Burri është çobani i shtëpisë së vet, gruaja është çobaneshë e shtëpisë dhe e fëmijëve të saj….”
5. Po ashtu, Profeti (a.s.) ka porositur që myslimanët t’i mbajnë fort lidhjet farefisnore, duke këshilluar vizitat e shpeshta mes të afërmve dhe duke e konsideruar burim sevapesh dhe shpërblimesh vizitën e të afërmve të nënës apo babait, pas vdekjes së tyre.
6. Si përfundim, Pyetjes nëse lejohet apo jo divorci në islam, Profeti ynë i dashur i është përgjigjur: “Për Allahun është e lejuara më e padëshiruar..."
Kurani na porosit: “Silluni mirë me gratë. Nëse ka diçka që nuk e pëlqeni te ato, dijeni mirë se Allahu mund t’jua bëjë atë shumë të hajrit…” (Nisa 4/19)
Thu 23 Mar 2023 - 2:31 nga 
