Megjithëse ishte komshiu i hyrjes përballë, e shikoja vetëm në lokalin e lagjes.Gjithmonë ulej në një tavolinë pranë dritares dhe luante me letra së bashku me shokët.

Një ditë më thirri duke më thënë:

-Eja të pimë një çaj. S`bën vetëm një përshëndetje dhe kalo.

Shkova ngaqë ishte vetëm.

-Më shqetëson tymi i cigares, prandaj nuk mund të hyj në vende të tilla,- i thashë duke i shtërnguar dorën.-Jam dhe shumë i zënë me punë.

Ishte tip që lëndohej shpejt.

-Po, -tha me një shprehje zemërimi. -Ne s`kemi punë.

-Në fakt, të gjithë kemi shumë punë,-i thashë.A nuk jemi të detyruar të fitojmë botën e përjetshme nëpërmjet kësaj jete të shkurtër?!

-Ke të drejtë!- më tha.Por s`mund të dal kurrsesi prej këtu.

I pyeta arsyen.

-Nuk mund t`ua prish qejfin shokëve,- m`u përgjigj.-Më thërrasin çdo ditë.

-Ti e njeh imamin e xhamisë përballë, apo jo?- e pyeta duke treguar me gisht nga xhamia.

-Si nuk enjof imamin e njëzet viteve!- tha. -Për më tepër, e kam mik familje.Pse pyete?

-Ashtu m`u kujtua, - i thashë.-Edhe ai thërret pesë herë në ditë për në xhami.

U skuq paksa në fytyrë.

-Më përpara nuk isha kështu, -tha duke ulur kokën. -Por me të dalë herët në pension, mbeta i lidhur këtu si një peng.
Tashmë, s`ma merr mendja se do të shpëtoj prej këtu.
Në javën që kaluan nuk e pashë më.Kur i pyeta shokët:

-Qenka shumë i sëmurë,- thanë, - ka kaluar krizë në zemër.

Menjëherë i shkova për vizitë.Ishte sikur t`i kishte rënë të fikët.I biri sa më pa , tha:

-Mirë bëtë që erdhët, babai u bë shumë rëndë.

-A mund të flasë?- e pyeta.

-Jo, -tha. -Por ndonjëherë flet përçart duke thënë "sanzotu".

-Sanzotu?-pyeta i çuditur. -Po ç`do të thotë kjo fjalë?

-As ne nuk e kuptuam, u përgjigj. -Por e dëgjuam mirë,thoshte "sanzotu".

-Mos është ndonjë ilaç.Po shkoj të pyes në farmaci, - thashë.

U ktheva nga farmacia duarbosh.Kur erdha në shtëpi, të gjithë ishin të pikëlluar.

-Babai vdiq, - tha i biri kur më hapi derën.- Për më tepër, duke belbëzuar atë emrin e ilaçit.Mos vallë e gjetët?

-Tashmë nuk ka rëndësi, - thashë duke e ndryshuar temën, sepse në farmaci më qeshën dhe më thanë se sanzou është një fjalë që përmendet në njërën nga lojërat me letra.

Shkrujti:Ilaz Salihi
www.islamieshtedrit.com