[ltr]![[Analiz] Deklaratë e 86 dijetarëve lidhur me ngjarjet në Gaza Gaza-2](https://2img.net/h/www.shembulli.com/images/1foto/01lajme/gaza-2.jpg)
Falënderimi i takon Allahut, kurse paqja, lavdërimi dhe bekimi i Allahut qofshin me të Dërguarin tonë, Muhamedin, me familjen e tij, shokët e tij dhe me të gjithë ata që e pasojnë.[/ltr] [ltr]Gjatë këtyre ditëve e gjithë bota po e ndjek luftën e ashpër që po e bën shteti i jehudëve, në bashkëpunim me shtetet e kufrit (mosbesimit) dhe agjentët e tyre në rajon, kundrejt vëllezërve tanë të shtypur në Rripin e Gazës. Armiku me tiraninë më të madhe dhe terror të paparë po ushtron egërsinë e tij ushtarake duke vrarë, shkatërruar dhe qëlluar qytetarët, përfshirë këtu gratë, fëmijët, xhamitë, strehimoret, spitalet dhe shkollat. Kjo luftë erdhi si shkak i rrethimit të padrejtë politik dhe ekonomik, nga i cili po vuan për më shumë se shtatë vjet Rripi i Gazës. Synimi i tërë kësaj ishte nënshtrimi i këtij vendi të qëndrueshëm ndaj vullnetit të jehudëve pushtues, dobësimi i banorëve të tij dhe çrrënjosja e shpirtit të xhihadit dhe rezistencës nga ky vend dhe banorët e tij.[/ltr]
[ltr]Kurrsesi nuk u lejohet muslimanëve të heshtin ndaj kësaj fatkeqësie e as të preokupohen me çështje tjera të mëdha, që kanë të bëjnë me vendin tonë, duke lënë anash këtë çështje, sepse muslimanët janë si një trup; muslimani gëzohet për gëzimin e vëllait të vet dhe pikëllohet për pikëllimin e tij, madje muslimanët bëjnë gara për të ndihmuar njëri-tjetrin me të gjitha llojet e mundshme të ndihmesës pa përtuar dhe pa u ngadalësuar, duke zbatuar kështu fjalën e Allahut të Plotfuqishëm:"Besimtarët dhe besimtaret janë miq për njëri-tjetrin". [Et-Teube, 71].[/ltr]
[ltr]Për këtë arsye, nënshkruesit e kësaj deklarate, duke dashur të zbatojnë amanetin që e ka marrë Allahu prej tyre dhe obligimin për të ndihmuar banorët e Gazës, japin mesazhet vijuese:[/ltr]
[ltr]Mesazhi i parë: Drejtuar vëllezërve tanë të palëkundshëm në Gaza, duke përfshirë pleqtë, gratë dhe fëmijët, të cilët i nxisim të vazhdojnë me qëndrueshmërinë, lavdinë, forcën dhe sakrificën e tyre të madhe dhe njëherazi i porosisim të pajisen me durim, devotshmëri dhe ibadet ndaj Allahut, siç thotë Allahu i Lartësuar: "Kërkoni ndihmën e Allahut me durim e me namaz!" [El-Bekare, 45] Sepse "Vërtet, Allahu është me ata që e kanë frikë dhe që janë punëmirë". [En-Nahël, 128] Atij, me të cilin është Allahu, aspak nuk i bën dëm kurthi i armikut, siç thotë Allahu i Lartësuar: "Nëse ju duroni dhe ruheni nga gjynahet, dinakëritë e tyre nuk mund t’ju dëmtojnë aspak". [Ali-'Imran, 120] Dhe, siç thotë i Dërguari i Allahut, Muhamedi, lavdërimi dhe bekimi i Allahut qofshin mbi të: "Vërtet, Allahu e ndihmon këtë umet me të dobtët e tyre; me lutjet, namazin dhe çiltërsinë e tyre". [Këtë hadith e shënon Nesaiu, kurse Albani e cilëson si të shëndoshë (sahih)].[/ltr]
[ltr]Prej fryteve të durimit dhe devotshmërisë janë: Mbështetja e çiltër në Allahun, të drejtuarit nga Ai për të gjitha çështjet, kërkimi i ndihmës nga Ai dhe strehimi i vërtetë tek Ai me lutje, duke zbatuar kështu urdhrin e Allahut, në të cilin thuhet:"Lutmuni Mua, se do t’ju përgjigjem!" [Gafir, 60] Dhe, duke ndjekur shembullin e të Dërguarit të Allahut. Prandaj, thoni sikurse thoshte i Dërguari i Allahut: "Allahu ynë, o zbritës i Librit, lëvizës i reve, mposhtës i grupimeve, mposhti ata dhe ndihmona kundër tyre" [Buhariu dhe Muslimi].[/ltr]
[ltr]Shpresojmë të bëni pjesë të madhe në fjalën e të Vërtetit, të Madhërishmit: "Sa e sa profetë bashkë me shumë besimtarë të vërtetë luftuan e megjithatë nuk u përkulën para goditjeve që morën në rrugën e Allahut, as nuk u dobësuan e as nuk u nënshtruan. Allahu i do të duruarit." [Ali-'Imran, 146][/ltr]
[ltr]Ju porosisim të jini mburojë dhe mbështetje për heronjtë e rezistencës, të qëndroni me ta krah për krah, t'i mbroni nga mbrapa, t'ua ruani familjet atyre, kur ata nuk janë të pranishëm, dhe t'ua këpusni rrugën shkatërrimtarëve, të cilët duan t'i përçajnë radhët tuaja dhe t'jua prishin unitetin. Andaj, ju porosisim me fjalën e Allahut: "Të gjithë mbahuni fort për litarin e Allahut (Kuranin) dhe mos u përçani!" [Ali-'Imran, 103][/ltr]
[ltr]Mesazhi i dytë: Këtë mesazh ua drejtojmë muxhahidëve të pathyeshëm në fushëbetejë, të cilët tronditën sionistët, madje tërë botën, me qëndrueshmërinë e tyre të pamposhtur dhe veprat e tyre heroike, dhe treguan trimëri të rrallë duke qëndruar të pathyeshëm në fytyrë të armikut dhe arritjen e tyre për të zhvendosur betejën në thellësinë e sionistëve dhe mbrapa radhëve të tyre. Ne i porosisim ata me fjalët, me të cilat i porositi Allahu muxhahidët që luftojnë në rrugën e Tij: "O besimtarë, kur të ndesheni me ndonjë forcë armike, qëndroni të patundur dhe përmendni shumë Allahun që të fitoni." [El-Enfal, 45] Kini mendim të mirë për Allahun e Plotfuqishëm, kijeni në synim vetëm Allahun dhe ndihmojeni Atë, duke iu bindur Atij, duke i zbatuar urdhrat e Tij dhe duke u ndaluar nga gjërat që na i ka ndaluar, "Vërtet, Allahu e ndihmon këdo që e ndihmon Atë. Allahu është vërtet i Fortë dhe i Plotfuqishëm", [El-Haxh, 40] "Është detyra Jonë që t’i ndihmojmë besimtarët". [Er-Rrum, 47]Atyre që u ndihmon Allahu, nuk u bën dëm kundërshtimi që ua bëjnë kundërshtarët e as tradhtia që ua bëjnë tradhtarët. Andaj, mos ia vini veshin thirrjeve të kundërshtarëve, me të cilat zhurmojnë mediet tona dhe skena jonë politike. "(Ata) të cilëve njerëzit (hipokritë) u thanë: “Shumë njerëz po mblidhen kundër jush, prandaj frikësohuni!” e kjo gjë ua shtoi atyre besimin dhe thanë: “Neve na mjafton Allahu, Ai është mbrojtës i mrekullueshëm!”" [Ali-'Imran, 173][/ltr]
[ltr]Meqenëse kjo betejë e përgjakshme është vendimtare në historinë e konfliktit me armikun sionist dhe aleatët e tij, porosisim krahun politik të rezistencës të jenë të qëndrueshëm në këtë çështje dhe të mos dorëzohen ndaj presionit të vazhdueshëm nga brenda dhe jashtë. Derisa armiku nuk ka mundësi t'jua thyejë qëndrueshmërinë tuaj në fushëbetejë, mos lejoni që t'jua thyejë atë përmes negociatave politike. Kujtoni porositë e Zotit tuaj, i Cili thotë: "Mos u tregoni të dobët në ndjekjen e jobesimtarëve! Nëse ndjeni dhembje prej luftës, edhe ata ndiejnë dhimbje ashtu si edhe ju. Mirëpo ju shpresoni prej Allahut atë që ata nuk e shpresojnë. Allahu është i Gjithëdijshëm dhe i Urtë." [En-Nisa, 104]"Mos u ligështoni dhe mos u pikëlloni, sepse ju, gjithsesi jeni më të lartët, nëse jeni besimtarë të vërtetë."[Ali-'Imran, 139][/ltr]
[ltr]Në këtë drejtim, ne theksojmë se është tejet e rëndësishme që vëllezërit tanë muxhahidë në Gaza të jenë vigjilentë kundrejt kurthave të armikut safevit iranian dhe punëtorëve të tyre siç është "Hizbu'l-Lat", i cili mund ta shfrytëzojë tradhtinë e qeverive arabe për të ndihmuar vëllezërit e tyre, në mënyrë që të fitojnë me disa qëndrime të tyre simpatinë e disa të shkujdesurve nga bijtë e umetit tonë. Ai është armiku që ua shfaqi dhëmbët vëllezërve tanë në Siri dhe Irak, si t'u besojmë atëherë atyre pas gjithë kësaj?! O muxhahidë, shkëputni zemrat tuaja me krijesat dhe lidhni ato me Krijuesin, duke marrë në të njëjtën kohë shkaqet e lejuara.[/ltr]
[ltr]Mesazhi i tretë: Këtë mesazh ua dërgojmë muslimanëve në përgjithësi. Ne ua kujtojmë atyre hakun e vëllazërisë islame, meqë sikurse thotë Allahu "Në të vërtetë, besimtarët janë vëllezër." [El-Huxhuratë, 10]Gjithashtu, i Dërguari ynë, Muhamedi, paqja dhe lavdërimi i Allahut qofshin mbi të thotë: "Shembulli i besimtarëve në dashurinë, mëshirën dhe dhembshurinë që kanë mes tyre është sikurse shembulli i një trupi të vetëm, në qoftë se ankohet një gjymtyrë i tërë trupi vuan nga pagjumësia dhe ethet". [Muslimi]. Vëllazëria është një lidhje madhështore e imanit, e cila bashkon gjymtyrët e trupit të muslimanit. Frytet e saj janë: përkrahja, ndihmesa dhe përpjekja për largimin e zullumit me të gjitha shkaqet e mundshme. Prej shkaqeve më madhështore është të drejtuarit Allahut me lutje, po ashtu duke bërë dua të kunutit në të gjitha namazet dhe duke shpejtuar për të ndihmuar banorët e Gazës materialisht dhe moralisht me të gjitha llojet e ndihmës. Është përcjellë nga i Dërguari i Allahut, paqja dhe lavdërimi i Allahut qofshin mbi të, të ketë thënë: "Gjaku i muslimanëve është i barabartë, hakun e tyre e kërkon ai që është më i dobët, kurse ua kthen atë ai që është më i fortë, dhe ata janë si një dorë e bashkuar kundër të tjerëve". [Hadithin e shënojnë Ebu Davudi dhe Nesaiu, kurse Albani e cilëson si të shëndoshë].[/ltr]
[ltr]Moskryerja e këtij obligimi si duhet është prej shkaqeve të trazirave dhe shkatërrimit. Allahu i Lartësuar thotë: "Kurse jobesimtarët janë miq e mbrojtës të njëri-tjetrit. Nëse nuk veproni ashtu siç jeni urdhëruar, do të bëhet ngatërresë dhe shkatërrim i madh në Tokë." [El-Enfal, 73]Imam Taberiu, shpjegon se ky ajet ka këtë kuptim: "Në qoftë se nuk e bëni atë që ju urdhëroj për të përkrahur dhe ndihmuar njëri tjetrin në fe, do të ketë trazira në tokë".[/ltr]
[ltr]Sot po e shohim se si po bashkohen fuqitë më të mëdha botërore për të mbështetur thjeshtrën e tyre, shtetin e armikut sionist, siç bëhet me dije nga Senati Amerikan, se kupola e hekurt është mbështetur me një shumë prej 225 milionë dollarësh. Kjo na detyron neve t'ia shtrojmë një pyetje të madhe botës arabe dhe asaj islame, në të cilën thuhet: Sa e madhe është mbështetja jonë në botën arabe për të rindërtuar atë që është shkatërruar, për të mjekuar të plagosurit dhe për të ngushëlluar banorët e Gazës?! Muslimanëve u takon më shumë ta ndihmojnë njëri tjetrin! Madje, nuk bën ta kufizojmë ndihmon tonë vetëm në kohën e luftës, ngaqë plagët janë tepër të mëdha dhe nevoja e tyre është shumë e madhe. Jemi të obliguar të vazhdojmë t'i ndihmojmë ata, për t'ua shuar dhembjet dhe për t'ua pakuar plagët. Mbase, në fazën e pasluftës nevoja mund të jetë edhe më e madhe. Allahu i Madhërishëm thotë: "Ja, juve ju bëhet thirrje të shpenzoni në rrugën e Allahut, por disa prej jush janë koprracë. Kush tregohet koprrac, ta dijë se i bën dëm vetes, sepse Allahu është i Pasur (s’ka nevojë për asgjë), ndërsa ju jeni të varfër. E, nëse ju ia ktheni shpinën dhe i largoheni Atij, Ai do t’ju zëvendësojë me një popull tjetër, i cili nuk do ta ndjekë shembullin tuaj". [Muhammed, 38].[/ltr]
[ltr]Mesazhi i katërt: Këtë mesazh ua drejtojmë dijetarëve dhe thirrësve të umetit, duke ua kujtuar atyre përgjegjësinë e madhe që kanë përpara Allahut të Plotfuqishëm për të ndihmuar të shtypurit dhe për të dhënë mundin e tyre për të ndalur dhe për të zmbrapsur zullumqarët, kushdo qofshin ata, dhe njëherazi për të sqaruar të vërtetën rreth kësaj çështjeje pa hezitim dhe pa u ngadalësuar. Çfarë hajri mund të ketë në atë njeri që i sheh eshtrat e muslimanëve të shkapërderdhura dhe gjakun e tyre duke rrjedhur si lumenj, kurse ai qëndron gjakftohtë dhe me gjuhë të heshtur?![/ltr]
[ltr]Mbështjetja e umetit tonë në dijetarë dhe thirrës është e madhe. Ne lusim Allahun t'i mbrojë ata nga kërcënimi i Allahut dhe kërcënimi i të Dërguarit të Tij, lavdërimi dhe bekimi i Allahut qofshin mbi të, për atë që e fsheh dijen dhe e fsheh të vërtetën ose që u bën shtrembërime muslimanëve dhe i ndihmon zullumqarit qoftë edhe me gjysmë fjale.[/ltr]
[ltr]Sikurse që përgjegjësia e dijetarëve dhe thirrësve është shumë e madhe po ashtu edhe pasanikët dhe gazetarët nga bijtë e umetit tonë kanë një përgjegjësi të madhe për përmbushjen e nevojave të banorëve të Gazës dhe për mbështetjen e tyre dhe po ashtu për të penguar dëmin që ua bëjnë atyre mendjelehtët.[/ltr]
[ltr]Mesazhi i pestë: Këtë mesazh ua drejtojmë sionistëve arabë, të cilët gëzohen për fatkeqësinë e rezistencës dhe përpiqen ta shëmtojnë imazhin e saj. Për të tillët Allahu thotë: "Ti i sheh ata me zemra të sëmura, sesi vrapojnë për t’u lidhur me ata (hebrenjtë) duke thënë: “Druajmë se mos po na godet ndonjë fatkeqësi”." Ne u themi atyre, siç thotë Allahu i Plotfuqishëm: "Mbase Allahu do të sjellë fitore ose diçka tjetër nga ana e Tij, kështu që ata do të pendohen për atë që kanë fshehur në veten e tyre." [El-Maide, 52]Me lejen e Allahut, së shpejti do të pendoheni për qëndrimet tuaja të turpshme.[/ltr]
[ltr]Ndërsa, muslimanëve në përgjithësi u themi: Gaza ua shfaqi fytyrën e shëmtuar këtyre munafikëve nga udhëheqësit, intelektualët dhe gazetarët. Gjithashtu ju bëjmë me dije se shumica e këtyre qëndrimeve të turpshme nuk janë thjesht vetëm për të kundërshtuar një fraksion të caktuar politik, por kjo është tradhti ndaj umetit, rënie në kënetën e varësisë dhe të miqësimit me armiqtë që na luftojnë. Falënderimi i takon Allahut që shfaqi prishjen dhe mashtrimin e tyre. Mbase në këtë luftë mund të ketë të mira të shumta, siç thotë Zoti ynë i Plotfuqishëm: "Është e mundur që juve të mos ju pëlqejë diçka, por që Allahu në atë do t’ju sjellë shumë të mira", [En-Nisa, 19] sikurse që është dhënia shpresë umetit se ajo ka forcë të ballafaqohet me armikun më të vështirë (jehudët) dhe shfaqja e armiqve invalidë e të fshehur (munafikëve).[/ltr]
[ltr]Mesazhi i gjashtë: Ky mesazh u drejtohet qeverive të rajonit. Ne u themi atyre t'i frikësohen Allahut për komplotin që po e bëjnë me armikun sionist dhe për tradhti ndaj muslimanëve të shtypur e të dobët, sepse i Dërguari i Allahut, paqja dhe lavdërimi i Allahut qofshin mbi të, ka thënë: "Atë njeri që tradhton ndonjë musliman në ndonjë vend, duke prekur nderin e tij a duke cenuar shenjtërinë e tij, Allahu do ta tradhtojë atë në një vend ku do të dëshirojë ta ndihmojë Allahu". [Këtë hadith e shënojnë Imam Ahmedi dhe Ebu Davudi, kurse Albani e cilëson si hasen (të mirë)].[/ltr]
[ltr]Në të kaluarën dëgjonim nga ju denoncime dhe mospajtime, ndërsa tashmë po e shohim që disa nga ju kanë hequr dorë edhe nga kjo gjë e pakët, madje po e shfaqin haptazi tradhtinë e tyre dhe bashkëpunimin me armikun. Andaj, ne ju paralajmërojmë nga bërja zullum dhe përfundimi i tij me fjalët e Allahut: "Sigurisht, do të humbë ai që do të mbartë padrejtësi". [Ta ha, 111].[/ltr]
[ltr]Ne, së bashku me të gjithë muslimanët, i bëjmë thirrje qeverisë së Egjiptit që ta hapë shpejt dhe përgjithmonë vendkalimin kufitar të Rafahut dhe ta thyejë bllokadën e padrejtë në Rripin e Gazës. Bllokimi i përhershëm, edhe po të mos ishte në kohëra të vështira sikurse kjo, do të numërohej zullum i madh, tradhti e madhe, komplot me armikun që lufton kundër nesh dhe qëndrim në radhët e tyre kundër umetit, e si është puna në këtë sprovë të hidhur?![/ltr]
[ltr]Gjithashtu, ua kujtojmë të gjitha qeverive se planet e kryqtarëve, të sionistëve dhe të safevive në rajon nuk do ta përjashtojnë askënd, andaj shmangeni nga vetja poshtërimin e dunjasë para se t'ju vijë dënimi i botës tjetër![/ltr]
[ltr]Për fund, i themi botës mbarë: Neve, në çdo fatkeqësi nëpër të cilën kalon ky umet e posaçërisht në çështjen e Palestinës, vetëm sa na shtohet bindja për racizmin e shumicës së qeverive perëndimore dhe të organizatave të kombeve të ndryshme, dhe për standardet dhe vlerat e tyre të dyfishta dhe i kuptojmë gënjeshtrat e tyre, të cilat i përsërisin vazhdimisht, siç janë parullat për të drejtat e njeriut e të ngjashme. Përndryshe, çfarë kuptimi ka heshtja ndaj krimeve të luftës, vrasjeve dhe gjenocidit që po e bëjnë sionistët para syve dhe veshëve të botës?! Madje, perëndimi po e tejkalon heshtjen duke i mbështetur ata materialisht dhe me pjesëmarrje të njerëzve të tyre në luftë bashkë me sionistët kundër muslimanëve në Gaza, siç është raportuar në media![/ltr]
[ltr]A nuk ka ardhur koha që të mençurit e botës të dalin përballë padrejtësisë dhe t'i ngritin zërat me plot guxim për ta thënë të vërtetën dhe për ta zbatuar drejtësinë?![/ltr]
[ltr]Lusim Allahun të largojë vështirësitë dhe belanë nga vëllezërit tanë në Gaza dhe nga të gjithë vëllezërit tanë të shtypur në Sham (Siri), në Irak, në Libi dhe në Jemen dhe të zbresë dënimin e Tij mbi popullin kriminel! E lusim Atë gjithashtu ta përmirësojë gjendjen e muslimanëve, ngase Ai ka mundësi dhe fuqi ta bëjë këtë! Paqja dhe lavdërimi i Allahut qofshin mbi pejgamberin tonë, Muhamedin dhe mbi familjen dhe shokët e tij.[/ltr]
[ltr]Më 07.10.1435 h. (04.08.2014)
[/ltr]
[ltr]Burimi: http://almoslim.net/node/215340
Në shqip: Shembulli.com[/ltr]
[ltr] [/ltr]
[ltr]Emrat e nënshkruesve të kësaj deklarate në arabisht:[/ltr]
1. فضيلة الشيخ/ د.عبدالله بن محمد الغنيمان
2. فضيلة الشيخ/ د.محمد بن ناصر السحيباني
3. فضيلة الشيخ/ د.عبدالرحمن بن صالح المحمود
4. فضيلة الشيخ/ د.سليمان بن وائل التويجري
5. فضيلة الشيخ/ أ.د.ناصر بن سليمان العمر
6. فضيلة الشيخ/ أ.د.سعد بن عبدالله الحميد
7. فضيلة الشيخ/ أحمد بن عبدالله آل شيبان
8. فضيلة الشيخ/ د.عبدالله بن حمد الجلالي
9. فضيلة الشيخ/ د.أحمد بن عبدالله الزهراني
10. فضيلة الشيخ/ د.محمد بن سعيد القحطاني
11. فضيلة الشيخ/ أ.د.سليمان بن حمد العودة
12. فضيلة الشيخ/ أ.د.علي بن سعيد الغامدي
13. فضيلة الشيخ/ د.عبدالعزيز بن عبدالمحسن التركي
14. فضيلة الشيخ/ د.إبراهيم بن ناصر الناصر
15. فضيلة الشيخ/ أ.د.سليمان بن قاسم العيد
16. فضيلة الشيخ/ د.خالد بن عبدالرحمن العجيمي
17. فضيلة الشيخ/ فهد بن سليمان القاضي
18. فضيلة الشيخ/ فهد بن محمد بن عساكر
19. فضيلة الشيخ/ محمد بن سليمان المسعود
20. فضيلة الشيخ/ د.عبدالله بن عبدالرحمن الوطبان
21. فضيلة الشيخ/ د.حسن بن صالح الحميد
22. فضيلة الشيخ/ د.عبدالعزيز بن محمد العبداللطيف
23. فضيلة الشيخ/ سعد بن ناصر الغنام
24. فضيلة الشيخ/ عبدالله بن فهد السلوم
25. فضيلة الشيخ/ عبدالله بن ناصر السليمان
26. فضيلة الشيخ/ علي بن إبراهيم المحيش
27. فضيلة الشيخ/ د.محمد بن عبدالعزيز الخضيري
28. فضيلة الشيخ/ د.محمد بن عبدالله الدويش
29. فضيلة الشيخ/ أ.د.عبدالرحمن بن جميل قصاص
30. فضيلة الشيخ/ د.صالح العبدالله الهذلول
31. فضيلة الشيخ/ د.محمد بن عبدالله الخضيري
32. فضيلة الشيخ/ د.سليمان بن محمد بن عبد الله العثيم
33. فضيلة الشيخ/ علي بن أحمد آل إسحاق
34. فضيلة الشيخ/ إبراهيم بن عبدالرحمن التركي
35. فضيلة الشيخ/ د.مسفر بن عبدالله البواردي
36. فضيلة الشيخ/ د.عبدالعزيز بن عبدالله المبدل
37. فضيلة الشيخ/ د.عبدالله بن عبدالعزيز الزايدي
38. فضيلة الشيخ/ عبدالرحمن بن عبدالعزيز أبانمي
39. فضيلة الشيخ/ حمد بن إبراهيم الحيدري
40. فضيلة الشيخ/ أحمد بن عبد الرحمن الزومان
41. فضيلة الشيخ/ د.عبدالله بن ناصر الصبيح
42. فضيلة الشيخ/ عبدالرحمن بن علي المشيقح
43. فضيلة الشيخ/ سليمان بن عبد الله السويد
44. فضيلة الشيخ/ محمود بن إبراهيم الزهراني
45. فضيلة الشيخ/ مسعود بن حسين بن سحنون
46. فضيلة الشيخ/ د.محمد بن عبدالعزيز اللاحم
47. فضيلة الشيخ/ د.ناصر بن يحيى الحنيني
48. فضيلة الشيخ/ محمد بن عبدالعزيز الماجد
49. فضيلة الشيخ/ عبدالعزيزبن عبدالله الوهيبي
50. فضيلة الشيخ/ عبدالله بن علي الربع
51. فضيلة الشيخ/ عبدالله بن عمرالسحيباني
52. فضيلة الشيخ/ أحمد بن محمد باطهف
53. فضيلة الشيخ/ جماز بن عبدالرحمن الجماز
54. فضيلة الشيخ/ د.إبراهيم بن محمد عباس
55. فضيلة الشيخ/ د.خالد بن محمد الماجد
56. فضيلة الشيخ/ د.ناصر بن محمد الأحمد
57. فضيلة الشيخ/ حمود بن ظافر الشهري
58. فضيلة الشيخ/ د.سليمان بن عبدالله السيف
59. فضيلة الشيخ/ علي بن يحيى القرفي
60. فضيلة الشيخ/ عيسى بن درزي المبلع
61. فضيلة الشيخ/ عبدالله بن علي الغامدي
62. فضيلة الشيخ/ عبدالله بن عبدالعزيز المبرد
63. فضيلة الشيخ/ عبدالملك بن علي المحسن
64. فضيلة الشيخ/ عمر بن عبدالعزيز القبيسي
65. فضيلة الشيخ/ حمدان عبدالرحمن الشرقي
66. فضيلة الشيخ/ عبدالعزيز عبدالله الوهيبي
67. فضيلة الشيخ/ احمد بن صالح الصمعاني
68. فضيلة الشيخ/ خالد محمد البريدي
69. فضيلة الشيخ/ سعد بن علي العمري
70. فضيلة الشيخ/ محمد بن سعيد بافيل
71. فضيلة الشيخ/ إبراهيم بن خضران الزهراني
72. فضيلة الشيخ/ سالم بن فايز الحلاف
73. فضيلة الشيخ/ احمد عبد الله الراجحي
74. فضيلة الشيخ/ فهد بن ناصر الحربي
75. فضيلة الشيخ/ احمد بن عبدالله الربيش
76. فضيلة الشيخ/ عبد الله بن محمد البريدي
77. فضيلة الشيخ/ فوزان بن عبدالله الفوزان
78. فضيلة الشيخ/ راشد بن عبد العزيز الحميد
79. فضيلة الشيخ/ محمد بن عبد العزيز الغفيلي
80. فضيلة الشيخ/ عبدالله بن سليمان العميريني
81. فضيلة الشيخ/ عثمان بن عبدالرحمن الحميدان
82. فضيلة الشيخ/ حمد بن سعد الثبيتي
83. فضيلة الشيخ/ عبدالله بن علي الهتاني
84. فضيلة الشيخ/ عبدالعزيز بن محمد النغيمشي
85. فضيلة الشيخ/ محمد بن مبارك بن جربوع
86. فضيلة الشيخ/ حمد بن إبراهيم العبيدي
![[Analiz] Deklaratë e 86 dijetarëve lidhur me ngjarjet në Gaza Empty](https://2img.net/i/fa/empty.gif)
Thu 23 Mar 2023 - 2:31 nga 
