FETVA TË ZGJEDHURA RRETH ÇËSHTJES SË GRUAS Perktheu Afet Beadini VAzhdon

FETVA TË ZGJEDHURA
RRETH ÇËSHTJES SË GRUAS
Perktheu
Afet Beadini
VAzhdon

ZGJEDHJA E BASHKËSHORTIT

PYETJE: Çka është më e rëndësishme në bazë të së cilës vajza duhet ta zgjedhë burrin e saj, dhe a është e vërtet se refuzimi i një të riut që është i devotshëm shkakton dënim nga All-llahu?

PËRGJIGJE: Karakteristikat më të rëndësishme në bazë të së cilës vajza duhet ta zgjedhë burrin e sajë janë origjina dhe besimi. Pasuria dhe prejardhja e tij bëjnë pjesë në dorën e dytë të gjërave, ndërsa më e rëndësishmja është që i riu, të jetë i devotshëm dhe me moral të mirë, sepse gruaja me një person të tillë nuk mund të humbë asgjë. Nëse do ta mbaje në martesë do mbajë në një mënyrë të mirë, por nëse e lëshon, do ta lëshon me mirësjellje. Nga kjo, njeriu i devotshëm dhe i moralshëm është i bekuar për gruan dhe pasardhësit e tij, sepse ata nga ai do ta mësojnë fenë dhe moralin. Në qoftë se i riu nuk i posedon këto karakteristika, vajza nuk duhet ta pranojë këtë person, posaçërisht nëse bëhet fjalë për një person që nuk është i kujdesshëm për faljen e namazit, mos dhashë Zoti të pije edhe alkool. Ata që fare nuk e falin namazin, nuk u lejohet muslimaneve që të martohem me të, e as muslimanit të martohet me një vajzë që nuk e fal namazin. Më e rëndësishmja është që vajza ti përkushtojë kujdes fesë dhe moralit. Nëse përveç kësaj tek ai person është prezent edhe origjina, atëherë ai është më i kompletuar sepse i dërguari i Zotit s.a.v.s ka thënë: ‘’ Kur tu vjen të lyp për martesë dikush që me besimin dhe moralin e tij jeni të kënaqur, mos e refuzoni”
Shejh Inb Uthejmin


KONTAKTET E DJALIT DHE VAJZËS PARA MARTESËS

PYETJE: Çfarë qëndrimi ka feja islame rreth kontakteve të para martesës?

PËRGJIGJE: Pyetja ka të bëjë me kontaktet përpara martesës. Nëse, mendohet për kontaktet pas lidhjes së kontratës së martesës (vënien e niqahit), por përpara marrëdhënieve intime, në këtë rast nuk ka haram sepse vajza me këtë kontratë është bërë gruaja e tij. Por nëse, këto kontakte ndodhin përpara se të lidhet kontrata e martesës, gjatë fejesës ose përpara saj. Këto kontakte janë të ndaluara dhe nuk lejohen. Njeriut nuk i është e lejuar që të qëndrojë me një femër të huaj, e as të bisedojë as që të jetë i vetmuar me të. Nga i dërguari i Zotit s.a .v.s është transmetuar të ketë thënë: “Meshkujt e kanë të ndaluar që të vetmohen me një femër të huaj, në përjashtim kur me ata është prezent edhe Mahremi i saj, Dhe gruaja le të mos udhëtojë përveç se me përcjelljen e mahremit të saj”. Shkurt thënë nëse këto takime në mes gruas dhe burrit ndodhin për të lidhur kontratën e martesës kjo nuk do kishte ndonjë pengesë. Nëse kjo ndodhë përpara kontratës, po sikur të jetë edhe pas fejesës, kjo vepër nuk është e lejuar dhe është haram, sepse kjo vajzë për këtë mashkull është e huaj dhe është haram për derisa ta lidhin kontratën e martesës.
Shejh Ibn Uthejmin.

TË SHIKUARIT E TË GJITHË PJESËVE TË TRUPIT PA NDONJË KUFIZIM

PYETJE: A është e lejuar sipas sheriatit që gruaja të shikojë në të gjitha pjesët e trupit të burrit të saj dhe e kundërta?
PËRGJIGJE: Është e lejuar që gruaja të shikojë në të gjitha pjesët e trupit të burrit të saj, si dhe burri ka të drejtë të shikojë në të gjitha pjesët e trupit të burrit të saj, pa përjashtime në bazë të fjalëve të All-llahut xh.sh: ‘’dhe ata të cilët e ruajnë nderin e vet (sa i përket jetës intime), me përjashtim ndaj grave të veta (me kurorë) dhe ndaj atyre (robëreshave) që i kanë në pronësinë e vet, për të cilat nuk janë të qortuar’’., (El-Muminun 5-7)
Shejh Inb Uthejmin


TRETMANI I MARËDHËNIVE INTIMË NË ANUSIN E GRUAS

PYETJE: A është i lejuar veprimi i një personi i cili kërkon nga bashkëshortja e tij të ketë marrëdhënie intime në anusin e saj?

PËRGJIGJE: Kjo vepër është e ndaluar, dhe për këtë Muhamedi a.s thotë: ” I mallkuar qoftë një njeri i cili me bashkëshorten e tij kryen marrëdhënie intime në anusin e saj”.

Shejh Ibn Xhibrin




ËSHTË E NDALUAR QË T`UA JAPIM DORËN GJATË PËRSHËNDETJES GRAVE QË NUK JEMI MAHREM I TYRE

PYETJE: Pse islami ia ndalon burrit t`ua japë dorën gjatë përshëndetjes grave të cilat nuk i kemi mahrem, dhe a i prishet abdesi atij që e bënë këtë vepër pa epsh?

PËRGJIGJE: Islami këtë vepër e ndalon, sepse kjo është fitne, dhe njëra nga llojet shqetësimeve më të mëdha që burri të prekë lëkurën (trupin) e gruas që nuk e ka mahrem. Sipas Sheriatit është e ndaluar gjithçka që të afron te fitnja. Për këtë shkak jemi të detyruar që ti ulim shikimet tona, që ti pengojmë këto vepra të shëmtuara. Prekja e bashkëshortes nuk e prish abdesin, sikur kjo të ndodhë edhe me epsh, në përjashtim nëse te burri paraqitet sperma. Në këtë rast burri obligohet që të mare gusël.
Shejh Ibn Xhibrin



KËSHILLA IME PËR GRATË E PAMARTUARA.

PYETJE: Me këtë pyetje dëshirojë që tu konsultojë juve në lidhje me problemet që më përkasin mua dhe motrave të mia. Neve na duket se ka qenë e shkruar që të mbetemi beqare pasi që mendojmë se na ka kaluar koha për martesë. Përveç tjerash Zoti është dëshmitari ynë, ne kemi një moral të pastër dhe kemi kualifikim të lartë arsimorë. Mirëpo All-llahu ka dashtë që fati ynë të jetë ky. Ajo që nuk e gjallëron asnjërin që të na lyp neve është gjendja jonë materiale.?

PËRGJIGJE: Këshilla ime, që ua dedikojë të gjithëve në raste të tilla, që t`i luten All-llahut xh.sh me lutje që tu mundësojë një martesë me një person më besimin dhe moralin e të cilit do të jenë të kënaqur.
Nëse njeriu është këmbgulës dhe i sinqertë me lutjet me të cilat i drejtohet All-llahut xh.sh, duke kërkuar mbrojte prej Tij, duke i plotësuar të gjitha kushtet e nevojshme të lutjes, duke u larguar nga gjithçka që është pengesë për pranimin e lutjes, All-llahu i lartësuar do ti pranojë lutjen sepse Ai në Kur’anin Famëlartë thotë: “E kur robët e Mi të pyesin ty për Mua, Unë jam afër, i përgjigjem lutjes kur lutësi më lutet, pra për të qenë ata drejt të udhëzuar, le të më përgjigjen ata Mua dhe le të më besojnë Mua”. (El Bekare: 186)
Kështu e ka caktuar All-llahu xh.sh që lutja të plotësojë kushtet e caktuara, pasi që njeriu i është përgjigjur besimit të All-llahut dhe urdhrave të Tij.
Nuk shoh asgjë tjetër më të mirë se sa lutjet me të cilat i drejtohemi All-llahut xh.sh me lutje që ta gjejmë lehtësime dhe ti tejkalojmë këto situata.
Nga i dërguari i Zotit s.a.v.s. është vërtetuar të ketë thënë: Dije se fitorja ( suksesi ) vjen me durim, lehtësimi pas fatkeqësive,, ndërsa pas mundimeve vjen gëzimi”.
I lutemi All-llahut xh.sh që ky sqarim t`ua lehtësojë gjendjen grave që ndodhen në këtë situatë dhe t`u japë burra të devotshëm të cilët do të jenë shkak që të fitojnë të mirat e kësaj dhe botës tjetër. All-llahu e dinë më së miri.





BASHKËJETESA DHE MARRËDHËNIET NË MES BASHKËSHORTËVE

BASHKËSHORTI IM NUK SILLET MË MUA NË MËNYRË TË MIRË

Pyetje: Unë jam në martesë gati 25 vjet dhe kam plotë fëmijë, por kam probleme me burrin tim. Ai pa asnjë shkak më ofendon përpara fëmijëve dhe aspak nuk më nderon. Unë jam e qetë vetëm atëherë kur ai gjendet jashtë shtëpisë, ndërsa duhet ta keni në dije se ai falet dhe është i devotshëm?

PËRGJIGJE: Ti e kë për obligim që të durosh, ta këshillosh në mënyrën më të mirë, duke ia rikujtuar All-llahun dhe ditën e gjykimit, që ta kthesh në të vërtetën, dhe të largohet prej veseve të këqija.
Nëse ai nuk e bën këtë, ai do të jetë mëkatar, ndërsa ti do të fitosh një shpërblim të madh për durimin dhe për dhe për nënçmimet e përjetuara.
Në Sheriatin islam është legale që për atë ti lutesh All-llahut xh.sh me lutje, si në namaz ashtu edhe në rastet tjera, që ta udhëzojë në atë që është e drejtë dhe që ti japë një sjellje të mirë dhe mbrojtje nga të këqijat e tij dhe të njerëzve të tjerë. Përveç kësaj e ke për obligim që ta kontrollosh veten për ndonjë gabim eventual, ndaj Zotit, burrit apo të tjerëve. Është e mundshme që burrit tënd t`i jetë mundësuar sundimi ndaj teje për shkak të ndonjë mëkat eventual që e ke bërë.
All-llahu i lartësuar thotë:“Çfarëdo e keqe që mund t’ju godasë, ajo është pasojë e veprave tuaja (të këqija), e për shumë të tjera Ai u falë.”(Esh Shura 30)
Nuk ka ndonjë pengesë nëse kërkon që atë ta këshillojnë prindërit, vëllai më i vjetër apo nga ndonjë anëtarë tjetër të cilët ai nderon që të sillen mirë ndaj teje
I lutemi All-llahut xh.sh që tua lehtësojë gjendjen tuaj dhe të udhëzojë burrin tuaj në atë që është e drejtë, sepse Ai është i mëshirshëm dhe fisnik.
Shejh ibn Baz


BURRI IM MË OFENDONË DHE MË MALLKONË

PYETJE: Çfarë qëndrimi ka Sheriatiti lidhur me kërkesën time për shkurorëzim, atëherë kur bashkëjetesa në mes bashkëshortëve bëhet e pamundshme. Burri im është i pashkolluar dhe nuk i dinë të drejtat e mia. Ai më ka mallkuar mua, ka mallkuar babin tim, dhe më ka emërtuar si krishtere dhe hebreje. Ndërsa unë kam qenë e durueshme për shkak fëmijëve të mi. Mirëpo kur u sëmura nga një sëmundje, më nuk mund të durojë. Fillova që ta urrejë shumë, sa që më nuk mund të durojë as bisedat me të. Prandaj nga ai kërkova të shkurorëzohem, por ai refuzoi.?

PËRGJIGJE: Nëse burri i juaj është i tillë ashtu siç e keni përshkruar në pyetjen tuaj, në këtë rast ju nuk do të kishit asnjë mëkat nëse kërkoni që të shkurorëzoheni nga ai. Po ashtu gruaja nuk ka asnjë pengesë që prej tij të merr dëmshpërblim , dhe të gjithë këtë për shkak të sjelljes së tij të keqe. Nëse mendon se duhet ta durosh dhe ta këshillosh në një mënyrë të mirë, duke e lutur All-llahun xh.sh që ta udhëzojë në rrugë të drejtë për shkak të fëmijëve tuaj. Atëherë lutu All-llahut xh.sh që t`u shpërblej dhe t`u jap një përfundim të mirë.
Kjo do të ishte e preferuar vetëm në rast se ai falet dhe nuk e përbuzë fenë. Nëse ai nuk falet dhe e përbuzë fenë, ai është pabesimtarë. Dhe ty nuk të lejohet që të jesh i martuar me të e as që t`i dorëzohesh atij, sepse përbuzja e islamit dhe tallje në llogari të fesë sipas konsensusit të dijetarëve është kufër. Por kjo bazohet edhe në fjalët e All-llahut xh.sh:”E nëse i pyet ti ata (përse tallen), do të thonë: “Ne vetëm jemi mahnitur e dëfruar”. Thuaj: “A me All-llahun, librin dhe të dërguarin e Tij talleni?”Mos kërkoni fare ndjesë, ju pasi që (shpallët se) besuat, keni mohuar. Nëse një grupi nga ju i falim, grupin tjetër e dënojmë, ngase ishin kriminelë”.( ET Tevbe 65 66)
Shejh ibn Baz

GRUAJA MERR PARA NGA BURRI I SAJ PA DIJEN E TIJ
PYETJE: Burri im më jep mua dhe fëmijëve të mi para për harxhime, por disa herë marrim nga ai pa dijen e tij. A hy në gjynah për këtë vepër?

PËRGJIGJE: Është e lejuar që gruaja të merë para për nevojat e saja dhe të fëmijëve nga burri i saj pa dijen e tij por me kusht që të mos e teprojë, nëse ai nuk u jep para të mjaftueshme të cilat nevojiten për nevojat e domosdoshme. Kjo bazohet në transmetimin që është shënuar në të dy Sahihët, që e transmeton Aisha r.a. se Hind bint Utbe r.a. e ka pyetur : ”O i dërguar i Zotit burri im Ebu Sufjani nuk me jep aq para sa më nevojiten për nevojat e mia dhe të fëmijëve të mi, ndërsa ai i tha: Merr nga pasuria e tij aq sa të kesh nevojë për ty dhe për fëmijët e tu”.
Shejh Ibn Baz

VESHJA E TESHAVE TË ZEZA NË RASTET E VDEKJES KONSIDEROHET VEPËR JASHTË SHERIATIT

PYETJE: A lejohet që të vishi tesha të zeza në shenjë të mbajturit zi për të vdekurin, e posaçërisht nëse bëhet fjalë për burrin?

PËRGJIGJE: Veshja me të zeza në rastet e vdekjes nuk është në rregull dhe nuk është e bazuar sipas rregullave të sheriatit, prandaj duhet të themi: Ne jemi të All-llahut dhe vetëm te Ai do të kthehemi. O zotë më shpërble për këtë fatkeqësi, dhe pas kësaj me jep diçka të mirë. Nëse këtë e thotë me besim dhe me shpresë se për këtë do të shpërblehet te All-llahu xh.sh, Ai do ta shpërblejë dhe do ti kompensojë me diçka më të mirë atë që e ka humbur.Veshja e teshave të veçanta, siç janë teshat e zeza dhe të ngjashme, nuk është e lejuar dhe konsiderohet vepër e shëmtuar.
Shejh Ibn Uthejmin