[Lajmet Ditore] Kërkimet për avionin e rrëzuar të AirAsia, gjenden edhe 6 trupa të pa jetë

Ekipet e zhytjes të cilët janë duke kërkuar rrënojat e avionit të rrëzuar të AirAsia kanë njoftuar se sot për herë të parë kanë arritur tek trupi i avionit të pasagjerëve, i cili u rrëzua në det duke vajtur nga Indonezia në Singapor, raporton Anadolu Agency (AA). Shefi i Agjencisë Kombëtare të Kërkimit dhe Shpëtimit të Indonezisë, Surjadi Bambang Suprijadi, njoftoi se zhytësit kanë nxjerrë edhe 6 trupa të tjerë. Suprijadi, tha se: "Zhytësit kanë zbuluar edhe disa trupa, por vendi ku ndodhen trupat vështirëson operacionet e kërkimit të zhytësve". Me trupat e nxjerrë sot numri total i tyre të nxjerrë nga deti rritet në 65. Autoritetet parashikojnë se shumica e trupave ndodhen në pjesën e trupit të avionit. Avioni i pasagjerëve Airbus A320 i kompanisë ajrore AirAsia me 162 pasagjerë humbi kontaktet më 28 dhjetor gjatë fluturimit nga Surabaja e Indonezisë për në Singapor. Gjatë operacioneve të kërkim-shpëtimit u konstatua se avioni ishte rrëzuar në detin Java. Pjesa kryesore e trupit të avionit u gjet një javë më parë në detin Java.:

[Lajmet Ditore] Kërkimet për avionin e rrëzuar të AirAsia, gjenden edhe 6 trupa të pa jetë :: Komentet