Izraeli sulmon konvojin humanitar për në Gazë

Anijet luftarake izraelite kanë sulmuar konvojin me anije ndërkombëtare
me furnizime për palestinezët në Rripin e Gazës. Sipas të dhënave të
stacionit televiziv izraleit "Channel 10" kanë vdekur 19 njerëz.
Ministria e Jashtme turke foli për dy njerëz të vdekur dhe 30 të
plagosur. Forcat e armatosura i kishin hedhur poshtë menjëherë këto
njoftime. Gjashtë anijet e konvojit me qindra aktivistë ishin nisur të
dielën nga Qiproja dhe kishin vazhduar rrugën për në Rripin e Gazës.
Izraeli kishte kërcënuar vazhdimisht që anijet do të ndalohen në rast
nevoje më dhunë. Në bord janë rreth 10.000 tonë mallra, në mesin e të
cilave materiale për shtëpi si dhe 500 karrike me rrota për invalidë si
dhe pajisje të tjera mjeksore. Qysh prej marrjes së pushtetit nga
Hamasi në 2007 në Rripin e Gazës, Izraeli mban në fuqi një bllokadë të
ashpër të territorit. Sipas burimeve të ALSAT-M në mesin e udhëtarëve
në anijet e sulmuara ka pasur edhe shtetas të Maqedonisë. /dw/

Lajme të fundit nga anijet e Gazes :

Pas
zbritjes me helikopter të ushtrisë jahude mbi anijet humanitare nga një
ushtarë jahud ka rën një dokument ku urdhërohet ti ekzekutonte përsonat
e cakutar që ishin si udhëtarë në anijet e Gazes.

Ky dokument per disa momente u kap edhe nga një kamer në vendin e ngjarjes, ne do tua sjellim një foto... nga xhirimi i dokumentit

Në anijen ndërkombëtare me furnizime për palestinezët e cila sot u
sulmua nga anijet luftarake izraelite ndodhen edhe tre shtetas të
Maqedonisë, Jasmin Rexhepi 28 vjeçar, Sami Emin 57 vjeçar, që të dy nga Shkupi dhe Seat Ramadani
44 vjeçar nga Sllupçani i Kumanovës. Sipas informatave që Ministria e
Jashtme ka marrë deri tani nga autoritetet e Tel Avivit, emrat e këtyre
shtetasve nuk figurojnë në asnjë nga listat e publikuara deri tani. Por
nga MPJ theksojnë se situata do të ndiqet më tej, pasi identifikimi i
aktivistëve në anije ende nuk ka përfunduar.
“Ambasada jonë në
Izrael është në kontakt të përhershëm me Ministrin e punëve të jashtme
të Izraelit. Informacionet e fundit prej atje flasin se anijet kanë
mbërritur në portin Azhdat. Atje po kryhen të gjitha kontrollet nga ana
e zyrtarëve izraelit. Jemi njoftuar se po përgatiten tre lista nga
zyrtarët izraelit; lista e parë e të arrestuarve, lista e dytë e atyre
që kanë humbur jetën dhe lista e tretë e të plagosurve. Deri tani, na
kanë njoftuar se, në asnjërën nga listat nuk ka shtetas të Maqedonisë.
Megjithatë ka mbetur edhe një pjesë e madhe e vullnetarëve nga
udhëtarët e anijeve, që do të thotë se ka edhe një pjesë të madhe të
atyre që nuk janë kontrolluar”, deklaroi Borçe Stamov, përfaqësues i
MPJ për marrëdhënie me publikun.
Kontakti i fundit i aktivistëve nga Maqedonia me familjarët e tyre, kanë qenë deri në ora një pas mesnate.
“Në
ora 1 pas mesnate lidhjet ishin në rregull. I pamë edha ata edhe
gazetarët e AL Xhazirës, Press TV. Në ora 1 ka filmime e se si kanë
ndërhyrë ushtarët izraelit. Informata e fundit që kemi marrë nga
përfaqësitë konsullore nga shtetet e tjera, flasin se janë arrestuar
nga Izraeli, dhe po identifikohen se shtetas të kujt janë. Kjo paraqet
një atak të vërtetë ndaj demokracisë. Në shekullin e 21 një sjellje e
tillë barbare ndaj një shteti i cili përkrahet nga e gjithë bota, nuk
është dëgjuar ndonjëherë. Mendoj se është koha që të reagojë gjithë
bota dhe ky terrorizëm të ndërpritet”, tha Mersiha Smajllloviq,
bashkëshorte e Jasmin Rexhepit.
“Ne presim të marrim ndonjë
informacion, urgjentisht nga MPJ dhe institucionet e tjera, qeveria dhe
presidenti. Po presim se ata janë shtetas tanë edhe pse është babai im,
ai është njëkohësisht edhe shtetas i Maqedonisë dhe presim përgjigje sa
më të shpejt”, u shpreh Fuat Emin, djali i Sami Emin.
Ndërkohë, tre
shtetasit nga Maqedonia janë bërë pjesë e këtij aksioni humanitar
përmes thirrjes ndërkombëtare ‘Free Palestina” në internet.

Protesta të fuqishme ndërkombëtare po bëhen për shkak të ndërhyrjes së
sotme të komandosëve të Izraelit në flotën e anijeve me ndihma për
Gazën, me ç’rast u vranë së paku 10 aktivistë, që përpiqen të dërgojnë
ndihma humanitare në Gazë. Turqia e ka ftuar ambasadorin e Izraelit dhe
ka tërhequr vërejtjen për “konsekuenca të papërmirësueshme” për
marrëdhëniet e tyre. Në Stamboll policia u angazhua në kthimin prapa të
turmës së zemëruar, që kishte depërtuar në hyrjet e Konsullatës së
Izraelit. Greqia është tërhequr nga ushtrimet e përbashkëta ushtarake
me Izraelin dhe ka kërkuar raport të “menjëhershëm” për sigurinë e afro
30 grekëve në flotën e anijeve.
Lëvizja Islamiste, Hamas, që e
udhëheq Rripin e Gazës, ka kërkuar nga myslimanët që të “ngriten” në
protesta para ambasadave izraelite në gjithë botën. Lideri palestinez,
Mahmud Abbas, i ka shpallur tri ditë zie dhe tha se forcat izraelite
janë përgjegjëse për atë që ai e cilësoi si “masakër”. Shefi i Ligës
Arabe, Amr Musa, ka vlerësuar se ndërhyrja ishte “krim” kundër misionit
humanitar. Presidenti i Iranit, Mahmud Ahmadinexhad, e dënoi sulmin
izraelit si “johuman”, duke thënë se kjo e solli Izraelin “më afër se
kurrë afër fundit të tij”. Franca dhe Gjermania kanë shprehur
shqetësim, derisa shefja për të drejtat e njeriut e OKB-së, Navi
Pillavi, është shprehur e “shokuar” lidhur me dhunën.
Shefja e
politikës së jashtme e Bashkimit Evropian, Catherine Eshton, nga
Izraeli ka kërkuar ndërmarrjen e “hetimit të plotë”. Incidenti i
përgjakshëm u bë para takimit në Uashington, ndërmjet presidentit Barak
Obama dhe kryeministrit të Izraelit, Benjamin Netanjahu. /rferl/

Të shumta reagimet për incidentin që pritet të shkaktojë një tërmet
diplomatik mes blloqeve të shteteve. Presidenti palestinez Abu Mazen e
denoncoi incidentin si ''masakër'' dhe shpalli tre ditë zie kombëtare.
Nga Gaza, udhëheqësit e Hamasit folën për ''krime'' të kryera nga
Izraeli. Një lider islamik, Jusef Ahmed bëri thirrje për një intifadë
njerëzore përpara ambasadave të Izraelit nëpër botë. Sekretari i
Përgjithshëm Ban Ki Mun tha se ishte "i tronditur" për sulmin izraelit
ndaj flotës së aktivistëve pro-palestinez. Indinjatë shprehu edhe
Komisioneri i Lartë për të Drejtat e Njeriut, Navi Pillay. Shqetësim të
madh shprehu edhe Vatikani. Lidhja Arabe do të mblidhet nesër në Kajro,
për një takim urgjent të ministrave të jashtëm të saj. Turqia, Greqia,
Spanja, Suedia, Danimarka dhe Irlanda kanë thirrur ambasadorët e tyre
nga Izraeli ndërsa Bashkimi Evropian i ka kërkuar shtetit hebraik, të
hap hetimet. Politika e vazhdueshme e mbylljes së vendkalimeve në Gaza
është e papranueshme për BE-në e cila kërkoi rihapjen e menjëhershme të
tyre, për të lejuar ndihmat, -tha një zëdhënës i Komisionit Evropian në
emër të Përfaqësuesit të Lartë të Politikës së Jashtme të BE-së,
Kethrin Ashton. Kritika të madhe erdhën edhe nga qeveritë e Francës,
Gjermanisë, Italisë dhe Greqisë e cila braktisi stërvitjet ushtarake me
Izrael si dhe anuloi vizitat në Athinë të disa ushtarakëve të lartë
izraelitë. Kryeministri izraelit Benjamin Netanjahu, i cili gjendej për
vizitë në Kanada, u thirr urgjentisht për tu rikthyer në vend, edhe pse
në reagimin e tij për ngjarjen, ai mbështeti plotësisht ndërhyrjen
ushtarake. Tensioni ka shkuar në qiell edhe me Turqinë, aleaten
strategjike të Jerusalemit, e cila kohët e fundit ishte treguar shumë
kritike ndaj shtetit hebraik. Ankaraja ka tërhequr ambasadorin në
Jeruzalem dhe foli për pasojat të pa riparueshme në marrëdhëniet
dypalëshe. Turqia kërkoi gjithashtu edhe mbledhjen e Këshillit të
Sigurimit të OKB-së, i cili ka nisur debatet që prej një ore, debatet e
ashpra. Qindra njerëz protestuan në Stamboll dhe kryeqytetin Ankara.
Izraeli nga ana tjetër, i bëri thirrje qytetarëve të tij që të mos
udhëtojnë për në Turqi.