Vizitor
Vizitor
 | Titulli: Shkronjat të thërasin motër.  Sat 4 Jul 2009 - 11:35 | |
|  SHKRONJAT TË THËRASIN MOTËR!!!
Sa jemi të vetëdishëm për gjërat që ndodhin, sa mendojmë, sa punojmë, sa mëngjese zbardhin e sa netë kalojnë, sa flet rrëzon kalendari, e ne vazhdojmë të udhëtojmë, sa jemi të drejtë me veten , vallë a mendojmë? Vallë sa i shfrytëzojmë dhuntitë që na fali All-llahu xh.sh???
Të drejtohem ty,oj motër, i drejtohem vetes, u drejtohem të gjithë atyre që gjenden nën flamurin “La ilahe il-lallah Muhammedur Resulull-llah.Pse, oj motër, lejon të të kaplojë errësira, kur drita të është dhënë, pse, oj motër, i afrohesh greminës së injorancës, kur një dorë për të të shpëtuar para 1400 vjetësh të është zgjatur, atëherë kur zjarri i injorancës u shua, e shpella Hira ushtonte nga fjala “IKRE,IKRE”-“LEXO,LEXO”, në emër të Zotit, që krijoi njeriun pa asnjë mangësi??? Cfar mesazhi ke marë nga këto katër shkronja?
Katër shkronja, por brenda cdo shkronjë ka më tepër se aq.
Feja të urdhëron të jeshë në kërkim permanent të diturisë, e ti vazhdon me injorancë, feja të ka ngritur, e ti mendon se Evropa ka përparuar e po të dhuron një grimcë nga “kultura dhe civilizimi i saj”. T i këtë mesazh e ke marë para 1400 vjetësh, atëherë kur nga krijesa më e dashur e All-llahut xh.sh nga krijesa më e bukur, filloi të ndricojë drita e diturisë.Nga ai, i cili u sakrifikua, që të arrijë kjo dritë edhe deri te ti sot. E quajtën të cmendur, e quajtën magjistar, e presekutuan e cfarë nuk i bënë, të gjitha i duroi pa lëshuar ansjë ofshamë të vetme, vetëm për ne, për ty,ndërsa ti e nëpërkëmb këtë sakrificë....A e din, oj motër, se cila është arma jote e arma ime, cila është fuqia jonë?-Është lapsi, libri dhe feja jonë.
Thonë se Ebu Xhehli ka vdekur moti, por hija e tij ende edhe sot po jeton, ai na bën indiferent ndaj faktit se vëllezërit dhe motrat tona të Palestinës duan të na i fshijnë nga faqja e dheut...Ku jemi ne, oj motër, ku është zërri ynë? Deri ku kemi arritur, në cfarë pozite kemi sjellë veten, ku është fuqia jonë?
Hija e tij e rëndë, mbuloi horizontin edhe atje në Perëndim, ku në shenjë talljeje dhe përbuzjeje u karikaturua Muhammedi a.s e ne prap heshtëm... trupin ma kaplojnë dridhjet dhe si e tërbuar pyes, po ku janë lapsat tonë??? A ende nuk e sheh rrezikun, a ende nuk u binde se ku qëndron fuqia? Pse hesht? Pse nuk ndryshon?-Mos thuaj se është vonë....shkund pluhurin e injorancës, me këtë mund armikun!!! All-llahu xh.sh ka thënë: “Nuk e ndryshoj gjendjen e një populli deri sa ai nuk e ndryshon veten.”
Pra, ja, fillo që tani....hape zemrën, që rrezet e diturisë të depërtojnë edhe në pusin më të thellë....Fillo, që tani...fillo se All-llahu xh.sh të ka premtuar duke thënë: “Fe e vetme e pranuar tek Allahu xh.sh është Islami”.
Mos harro, falendero, që je pjestare e kësaj rruge dhe dije se pa dyshim...kënd e udhëzon All-llahu xh.sh nuk ka kush që e humb, e kënd e humb Ai, s`ka kush që e udhëzon! Vazhdo e puno duke ditur se Pejgamberi a.s ka thënë: “Sikur të matej gjaku i shehidëve me dijen e dijetarëve, pa dyshim se dija e dijetarëve do të peshonte më shumë”.
“Cdo bir i Ademit është gabimtar, por më i miri prej tyre është ai që pendohet.”
Marur nga revista “Ikre” e Sh.M.I “Medreses Isa Beu”-Shkup Autor:Muhammed Ramadani 2-A Shkolla qendrore. Boton:www.islami-eshte-drit.piczo.com.Rishkrujti:Merjem Salihi.
|
|
