Ramazani më i pikëlluar

Almeza Samuni mezi e priste muajin e shenjtë të Ramazanit; koha më e pëlqyer e vitit për të. Por Ramazani i sivjetmë është më ndryshe.

"Jam e pikëlluar sepse nënën nuk e kam më për të përgatitur ushqimet për iftar," thotë për AFP-në franceze vajza 13 vjeçare tani jetime.

Samuni kalonte pasditet me nënën e saj dhe me gjashtë vëllezërit dhe motrat duke përgatitur ushqimet për iftar, tani të gjithë të vrarë nga sulmet e fundit të forcave Izraelite në Gaza.

Mbrëmjeve familja bashkohej në tavolinë duke bërë iftar në një atmosferë gëzimi.
Tani, Samuni jeton në një tendë të ngritur në gërmadhat e shtëpisë së saj në periferi të Qytetit të Gazës.

Çdo ditë të Ramazanit tani ajo do ta kalon me babin e saj i cili ende vuan nga plagët e shkaktuara nga forcat Izraelite.

"Ramazani është i vështirë pa ta," thotë Samuni me mërzi.
Babi i saj Ibrahimi thotë se Ramazani hap plagët dhe përkujton atë dhe vajzën e tij se çka kanë humbur.
"Gruan, fëmijët vëllezërit dhe motrat, xhaxhallarët të gjithë u vranë," përkujton ai me lot në sy.

Më shumë se 1400 banorë të Gazës, në mesin e tyre 437 fëmijë dhe qindra persona të pafajshëm, u vranë si dhe 5450 u plagosën nga sulmet tre javore Izraelite në Gaza në fillim të vitit 2009.
"Nuk ka më ditë gëzimi."

Jo shumë larg prej tendës së Samunëve, jeton Dalal Abu Aisha, Ramazani i së cilës nuk është më pak i errët.
Vajza14 vjeçare ishte e vetmja që shpëtoi kur një tank Izraelit e goditi shtëpinë e saj.

Ajo bën iftar në një tavolinë me karrige të zbrazëta që njëherë uleshin prindërit dhe tre fëmijët tjerë të familjes.
"Tani që Ramazani filloi atë e përkujton për syfyret dhe iftaret e përbashkëta familjare dhe dhuratat që i merrte nga babi i saj," thotë për AFP tezja e saj Umm Adel e cila po ndihmon në përkujdesjen e saj.
Dalal nuk flet se çka i ndodhi familjes së saj por dhimbjet janë përbrenda saj.
"Ajo gjithmonë duket të jetë e hutuar."

Axha i saj Rashadi me keqardhje thotë se Dalal nuk është e vetmja në këtë vuajtje për të dashurit e saj.
"Jeta e Dalal-ës është e rëndë, ashtu si e tërë fëmijëve të martirëve."
Ai thotë se ky Ramazan është më i pikëlluari për vite.
"Lufta e ka shtuar shumë mjerimin tonë; aq sa mezi po i përballojmë." :( :( :(


Kur ti mendojme keta raste dhe keta gjendje te muslimaneve ne bote, duhet perkujtuar dhe falenderuar Allahun per te mirat qe na i jep dhe na i shton cdo dite.
Mos ti harrojme keta vellezer dhe motra tona ne lutjet tona qe i bejme ne prag te iftarit.