Të gjithë do të vdesim

Të gjithë do të vdesim

A ka parë dikush nga ju xhenaze ndonjë ditë? A keni dëgjuar për një
njeri që kur ecte toka është dridhur, e nëse fliste veshët i
shurdhonte, nëse hidhërohej i frikësonte zemrat, i erdhi atij një
moment që mbeti vetëm trupi i tij pa shpirt, nuk mundi ta mbron
veten e vet nga një mizë e as nga një këlysh?!!!

A keni dëgjuar për një vajzë e cila ishte provokuese e zemrës,
bukuri shiquese, e tejmbushur me zbukurim dhe në moshë të re,
magjepse dhe joshëse, shpenzonte para në lyerjen e buzëve të saja,
të bashkuara sikur një lule e bukur, janë joshur mendjemdhenjët nga
këmbët e saja sikur të jenë ato dy shtylla prej mermeri, i erdhi
asaj një moment që u deformua duke i ardhur një erë shumë e keqe,
krimbat e gërvishnin trupin e saj që aq shumë e donin njerëzit, e
hëngren gojen e saj e cila ishte puthje që u blente nga thesarët e
pasurisë?!!

A keni lexuar në librat e historisë për një tiran që u dridhnin nga
frika e tij zemrat e trimave, të gjitha fuçitë njerëzore
frikësoheshin nga ai, askush nuk kishte guzim ta ngrit shikimin te
ai, apo të shiqoj drejt në sytë e tij, fjala e tij nëse thuhej
miratohej, urdhëri i tij nëse urdhërohej kryhej, u bë trupi i tij
dhé, që e shkelnin këmbët, varri i tij u bë lojë për fëmijë, apo për
kryerjen e nevojës?!!!
A keni kaluar nëpër ato vende, që në të ka bimë të vogla, e tërë
pamja e tyre është gurë, atyre vendeve iu thuhet “Varreza”?!!

E pse spo besoni pas gjithë kësaj, se në dunja ka vdekje?!

Përse po i lexoni këshillat, po i ndëgjoni vërejtjet dhe po mendoni
se nuk janë për juve?

Po i shihni xhenazet, po shkoni pas tyre dhe po flitni fjalime të
kësaj dynjaje, po i zgjeroni shpresat dhe dëshirat..sikur ju nuk do
të vdisni ashtu siç kanë vdekur ata të cilët po shkoni pas xhenazeve
të tyre, sikur ata të vdekurit nuk kanë qenë një ditë të gjallë
sikur ju, në zemrat e tyre kishte shpresa më shumë se sa shpresat e
juaja, lakmia e tyre ishte ma e madhe se lakmia e juve?

Përse bën zullum sulltani me mbretërin e tij, bën mendjemadhësi,
arrogancë duke menduar se ajo (mbretëria) do ti mbetet atij? Dunjaja
nuk i mbetet askujt, e sikur të ishte e dikujt nuk do arrinte te ti.
Sipërfaqen e tokës e kanë shkelur ata që kanë qenë më të fortë se
ti, kanë pasur forcë më të fuqishme dhe mbretëri më të madhe?

Ku është ajo (fuqi) ..i ka fshehur toka dhe i kanë harruar njerëzit
emrat e tyre.!

Mburret pasaniku me pasurinë e tij, i forti me fuçinë e tij, i riu
me rininë e tij, i shëndoshi me shëndetin e tij, mendon se ajo do të
mbetet me të…e pa realizuar!..

A ka në këtë gjithësi diqka qe nuk e arrin vdekja?!

Ndërtesave të mëdhaja do t’iu vie një ditë që do të shkatërrohen, do
të bëhen dhé, pemëve të larta do t’iu vi një ditë që do të thahen e
do të bëhen dru, luanit grabitqar do t’i vie një ditë që mishin e
tij do ta hanë qetë, dynjas do t’i vie një ditë që kodrat bëhen
pluhur, qielli do të çahet, yjet do të shkapërderdhen, shkatërrohet
çdo send me përjashtim të Allahut.

Diten kur një thirrës thërret: I kujt është sundimi sot?

Përgjigjet: Është i Allahut fuqiplotë, Zotit të vetëm.

I dërguari i Allahut ka urdhëruar që sa më shumë ta përkujtojmë
vdekjen.

Përkujtone vdekjen që të mbroheni nga lakmitë e shpirtit tuaj, nga
thyerja e zemrës suaj, përkujtone atë që të keni zemër të butë, dorë
bujare, të jeni më afër këshillave dhe besimit, përkujtone atë
(vdekjen) që të përgatitni për të, sepse dunjaja është sikurse një
hotel në të cilin ke zbritur ti, në çdo qast je i kërkuar për
udhëtim, nuk e din (kohen) kur thirresh, e nëse je i pregatitur: Me
torbë të mbyllur dhe me gjëra të lidhura, në atë vend (udhëtim)do të
arrish me të gjitha, e nëse janë rrobat tua të ndara, torba jote e
hapur, do të shkon atje pa asgjë, pregatitu për vdekje me pendimin
që e pastron llogarinë tënde me Zotin, ktheja njerëzve të drejtat e
tyre, dilju në ndihmë atyre që iu është bërë padrejtësi, në mënyrë
që llogaria jote të jetë e pastër me njerëz.

E mos thuaj jam i ri…mos thuaj jam dikushi…dhe mos thuaj jam i
pasur….

Sepse melaqja që i merr shpirtat nëse vjen me misionin e vet nuk
njeh të ri apo të vjetër, nuk njeh krenar e as poshtërues, të pasur
dhe as të varfër.

Ti nuk e din se kur ta troket (melaqja) derën tënde!!....