![[ Rrëfimi nga Gaza:] “Të gjithë do vdesim baba” Gaza_napadi_unistenje_al_jazeera-264x176](https://2img.net/h/breziiri.com/wp-content/uploads/2014/07/gaza_napadi_unistenje_al_jazeera-264x176.jpg)
Për Alu Al-Jarwshaa, gruan dhe dy fëmijët e tij pjesa më e rëndë e ditës është kur fillon të bjer nata. Të tubuar bashkërisht në errësirë, prindërit mundohen t’i ngushëllojnë fëmijët të cilët gjithmonë i pyesin për zërin e bombardimeve që dëgjohen jashtë.
Familja vendoset nga një pjesë e banesës në një tjetër për të gjetur një vend të sigurt. Familjet tjera që janë afër flenë nën krevate për t’u mbrojtur.
“Nata është e nxehtë, nuk e dimë kush do jetë në lajme nësër. Mund të jemi të gjithë ne”, thotë babai 31 vjeçarë për Aljazeera, derisa djali i tij më i madh Mohammed, i cili ka tre vjet, e mban për këmbe.
Ora është një pas mesnate dhe askush nuk fle – nuk flenë edhe dy djemtë e Jarwshinit që kanë nga një vjet e gjysmë. Kjo ndodh në pesë netët e kaluara që kur kanë filluar sulmet e ushtrisë izraelite.
“Baba, të gjithë do të vdesim”, thotë njëri nga fëmijët me lot në sy.
Në orët e mëngjesit gjithçka lëkundet nga tre shpërthime që dëgjohen në afërsi.
“Kemi vetëm besimin në Zotin i cili na mbron”, thotë Jarwsha.
Për shkak të reduktimit të rrymës elektrike e cila zgjat nga ora 12 deri në orën 16, familja nuk ka qasje në informata dhe nuk e dinë se ku ndodhin sulmet ajrore. Kjo ndikon edhe në agjërimin e ramazanit, dhe shumica prej tyre hanë çka gjejnë në ato momente shpesh në errësirë.
Familjet në Gaza çdo natë e kalojnë me frikën se ato mund të jenë objektivi i ardhshëm i sulmeve ajrore.
Shkruan: Mohammed Omer, Aljazeerabalkans.
Përshtati: Breziiri
![[ Rrëfimi nga Gaza:] “Të gjithë do vdesim baba” Empty](https://2img.net/i/fa/empty.gif)
Thu 23 Mar 2023 - 2:31 nga 
