Hebrenjtë e Holandës duhet të emigrojnë në Izrael ose SHBA

Në librin e shkruar nga i mbijetuari i Holokaustit, Frits Bolkestein citohet të ketë thënë se hebrenjtë nuk kanë të ardhme në Holandë; deklaratë e ndjekur nga komentet kritike të anëtarëve të koalicionit, që thonë se emigracioni nuk është përgjigje.

Një politikan i shquar holandez ndezi debate të ashpra këtë javë në Holandë pasi deklaroi se hebrenjtë praktikantë “nuk kanë të ardhme këtu, dhe duhet të emigrojnë për në SHBA ose Izrael”.Deklarata e bërë nga Frits Bolkestein, ish-komisioner evropian dhe ish-kreu i partisë së djathtë në pushtet VVD, u publikua në librin e sapodalë në qarkullim, të shkruar nga Manfred Gerstenfeld, një holandez i cili i ka mbijetuar Holokaustit. Aktualisht Gerstenfeld është hulumtues i lartë në Qendrën e Jerusalemit për Çështjet Publike.Bolkstein mbështeti deklaratën e tij duke theksuar se rritja e incidenteve anti-semitike në Holandë në dekadat e kaluara kishte bërë atë që të kishte besim të kufizuar në aftësinë e qeverisë për të luftuar anti-semitizmin.Të menjëhershme ishin reagimet. Mes të tjerëve, lideri i partisë anti-islamike, Gert Wilders reagoi duke thënë se “nuk janë hebrenjtë ata që duhet të emigrojnë, por anti-semitët marokenë”.Holanda ka një komunitet hebrenjsh prej rreth 40 mijë personash. Sipas një raporti të policisë, gjatë vitit 2009 janë vënë re 209 incidente me objektiv hebrenjtë, numër ky që përbën rritje me 48 për qind krahasuar me vitin 2008./Start/