Salom: T’i kërkojmë falje Turqisë? E pakonceptueshme, 2.Hakerët mbështetës të WikiLeaksit, i sulmojnë kompanitë

Zv/kryeministri dhe ministri izraelit i Shtetit, Silvan Salom, hodhi poshtë të gjitha aludimet se Izraeli mund t’i kërkojë falje Turqisë lidhur me sulmin mbi anijen “Mavi Marmara”, duke theksuar se kjo është e “pakonceptueshme”.

“Është e pakonceptueshme që të kërkojmë falje nga Turqia” theksoi Salom. Edhe ministri izraelit i Punëve të Jashtme, Avigdor Lieberman, është shprehur në këtë drejtim.Gjatë një interviste për radion izraelite, Şalom theksoi se një lëvizje e tillë do të inkurajonte edhe shtetet e tjera të vepronin si Ankaraja.Salom theksoi se “anija ‘Mavi Marmara’ erdhi me qëllim për të përzënë Izraelin, kështu që nëse ka kërkesë për falje, këtë duhet ta bëjë Ankaraja.Nga ana tjetër, Silvan Salom nënvizoi gjithashtu se marrëdhëniet e Izraelit me Turqinë janë tepër të rëndësishme.Ndërsa, konsulenti politik i kryeministrit izraelit Benjamin Netanjahu, Ron Bremer, deklaroi për radion izraelite se “po kërkojmë një zgjidhje të pranueshme për të dyja palët”./Start/

Hakerët sot e kanë thyer faqen në Internet të kompanisë për kartela kredituese, MasterCard, në shenjë hakmarrjeje të qartë, për shkak se kjo kompani i bllokoi donacionet për faqen e WikiLeaksit.MasterCard tha se kishte pasur “trafik të rëndë”, por zëdhënësi James Issokson, tha se kompania nuk mund të konfirmoj se në këtë sulm ishte i involvuar WikiLeaksi.Issokson tha se MasterCard po përpiqej ta ripërtrinte shërbimin, por nuk ishte i sigurt se sa kohë do të duhej për këtë gjë.Ai theksoi se problemet teknike në faqen e Internetit të kompanisë, nuk kanë ndikim në konsumatorët, që i përdorin kartelat kreditore.MasterCard është e fundit në radhën e kompanive të Internetit, me seli në Shtetet e Bashkuara, përfshirë Visa, Amazon.com, PasyPal Inc. Dhe EveryDNS, që i kanë shkëputur lidhjet me WikiLeaksin, gjatë ditëve të fundit, për shkak të presionit intensiv të qeverisë së Shteteve të Bashkuara.Shërbimi bankar i Postës së Zvicrës, PostFinance, sot poashtu ka konfirmuar se faqet e saj në Internet kishin probleme, prej se ishte mbyllur xhirollogaria bankare e themeluesit të WikiLeaksit, Xhulian Asanxh.Mbështetësit e zotit Asanxh, besohet se e kishin marrë në shënjestër edhe faqen në Internet të Prokurorisë së Suedisë, gjatë natës, duke e bllokuar qasjen në këtë faqe.Aktualisht, Xhulian Asanxh, është i arrestuar në Londër dhe ballafaqohet me ekstradim në Suedi, lidhur me akuza për krime seksuale, të cilat ai i hedhë poshtë. /rel/