Katërmbëdhjetë
persona të plagosur është bilanci i përleshjeve mes policisë dhe
protestuesve në Banghazi. Lirimi i 110 anëtarëve të një organizata të
ndaluar dhe njoftimi për
“Ditën e hidhërimit” për të enjten në
Libinë e pasur me naftë, flasin se lideri i këtij shteti nuk do ti
shpëtoj këtij revolucioni që filloi në Tunizi dhe vazhdoi me Egjiptin.
Të martën në mbrëmje në Benghazi pati një përleshje mes ithtarëve
të Gadafit dhe policisë në njërën anë dhe demonstruesve që kërkonin
lirimin e një avokati në anën tjetër. Sipas burimeve spitalore 14
persona janë plagosur njofton gazeta private Kurina.
Prej kur filloi revolucioni në Tunizi lideri libian Muamer El-Gadafi
ka dhënë deklarata të ndryshme, por deri tani nuk është treguar i
gatshëm për të zbatuar reformat që kërkohen edhe nga banorët e vendeve
tjera arabe, mirëpo
“Ditës së hidhërimit”si duket nuk do t’i shpëtoj as Libia.
AFP njofton se
“Dita e hidhërimit”, e cila do të mbahet me
17.02 2011 , është organizuar nga një grup në rrjetin social Facebook,
grupi i cili është kundër Gadafit të hënën kishte 4400 anëtarë ndërsa të
mërkurën ka arritur në shifrën 9600.
Ithtarët e Gadafit nëpër rrugët e Libisë thërrisnin slogane kundër
televizionit Al-Jezira duke e akuzuar të njëjtën si nxitëse të
demonstratave kundër regjimeve në vendet arabe.
(Breziiri) 
Thu 23 Mar 2023 - 2:31 nga 
