Njeriun e ka krijuar All-llahu dhe Ai i ka dërguar atij edhe fenë. Sa është i përsosur krijimi i njeriut, aq i përsosur është edhe ligji i zbritur për të, pra, feja islame. Edhe ai që i përshtatet ligjit të All-llahut xh.sh. është i përsosur. Kur i hedhim një sy me vëmendje histo...risë mund të shohim shumë shembuj.
Feja islame thotë: Rruzulli tokësor është një shkollë, Kur’ani famëlartë është libri themelor në atë shkollë. Pejgamberi Muhammed është krye-rektor.
Teologët profesorë. Në shkollën e rruzullit toksorë, besimtarët prej djepi e deri në krevat apo në varr janë nxënës. Universi një laborator.
Tani, edhe ju po e shihni se feja nuk na ka lënë prapa. Përkundrazi, ajo është shkak përparimi. Si mundet ta lërë feja njeriun mbrapa, ndërkohë që ajo u urdhëron njerëzve që të mos ta braktisin studimin në tërë jetën tyre?!
Duhet ta dimë se historia ka filluar me pejgamberë. Bukuritë, morali, kultura, bujaria, zejet dhe profesionet, pra, tërë virtytet e bukura filluan me Pejgamberë a.s. Allahu e ka mësuar njerëzimin me anën e Pejgamberëve a.s. Imoraliteti dhe sendet anormale janë shfaqur tek njerëzit që nuk e kanë pranuar fenë. Bile nuk duhët të harrojm se Pejgamberët a.s kanë vizatuar skajin e përparimit. Profeti Muhammed a.s.m. ka shku në Miraxh, H.z İbrahimin nuk eka djegur zjarri, H.z İsau përkohsisht eka ngjallë të vdekurin e tj...
Gjërat e palejuara janë si mjalti me helm. Ato në fillim janë të shijshme. Më vonë helmi del në shesh dhe e helmon njeriun, si materialisht, ashtu edhe shpirtërisht. Po ju mund të thoni se shumë besimtarë bëjnë punë jo të mira. Duhet ta dimë se feja është tjetër, ndërsa fetari tjetër. Feja duhet të përjetohet komplet. Shumica kanë marrë nga feja vetëm një grimcë. Ata vetëm asaj ja shohin hairin. Por feja është ligj, nuk është traditë.
Çdo krijesë e All-llahut është e mirë dhe e bukur. Ndërmjet tyre nuk mund të gjesh asnjë të keqe. Të këqijat duhet t’i kërkojmë tek veprat e njerëzve. Alkooli nuk është i keq, përderisa nëpër laboratorë ka dobi nga alkooli. Alkooli bëhet i keq kur bashkohet me njeriun.
Helmi, derisa qëndron në shishe, nuk bën dëm. Nëpër barna ka edhe pak helm. Nëse helmi është në sasi të mëdha, ai na helmon. Nëse prej tij marrim masën e caktuar, ai na mjekon. Besimtari nuk duhet të armiqësohet me alkoolin, por duhet të armiqësohet me ata që pinë alkool. Sepse pirja e tij nuk ka kurrfarë dobie, përveç dëmit.
Ne duhet të përshtatemi me islamin, jo me shejtanin. Ne duhet të armiqësohemi jo me atë që luan bixhoz, por me bixhozin, se prej bixhozit askush s’ka dobi. Kurse ai që ka luajtur bixhoz, mund të pendohet e të përmirësohet. Xhamia mund të jetë në një rrugë me pijetoren. është shumë e nevojshme të rrëzohen pijetoret. Përkundrazi, nëse ato mbesin në këmbë, njerëzit që pinë alkool në to rrëzohen.
Shumica që akoma nuk jan musliman i kuptojnë dëmet që vijnë nga zakonet e këqija, si p.sh nga alkooli, nga bixhozi apo nga imoraliteti. Ata largohen nga injoranca e përtacia dhe kërkojnë rrugët e arritjes.
Sado që të përparojë shkenca, ajo nuk do të mundet kurrë që të krijojë ndonjë organ njerëzor. Organet tona janë mrekulli sepse ato ika krijuar Allahu xh.sh..
Vetëm Ai i ka vënë në funksionim dhe vetëm Ai mund t’i ringjallë.
Ai e ka krijuar secilin send dhe do të na ringjallë përsëri që të japim llogari përpara Tij për veprat që kemi bërë në këtë dynja.
All-llahu, që e ka krijuar njeriun, maqinës së trupit të njeriui ka dërguar Kur’anin si letër përdorimi. Kush e pranon udhëzim Islamin ai shpëton. Asnjë njeri nuk ka vlerë më shumë se tjetri. E vetmja gjë që mund të lartësojë njeriun nga njerëzit e tjerë principet e larta që zotëron. Këto principe të bukura gjenden tërësisht në fenë islame.
Shumë njerëz, duke qenë mosbesimtarë, kanë mundur të largohen nga alkooli, nga bixhozi, nga imoraliteti. Shumë njerëz, duke qenë mohues, kanë mundur të bëhen dijetarë, punëtorë dhe të pastër.
A nuk e shihni se sa shumë kanë përparuar disa të huaj me principet fesë islame? Ndërsa disa besimtarë po futen në batakun e traditave të ateistëve.
--------------------------------------------
Përgaditi dhe Punoi : Bujamin Salija
Thu 23 Mar 2023 - 2:31 nga 
