Ezani nxit tensione midis serbëve dhe boshnjakëve në Banja Luka

Serbët të irituar nga ezani i hoxhës kanë nxitur tensione dhe reagime kundër boshnjakëve mysliman në lagjen Vrbanj të Banja Lukës. Kjo situatë ka shkaktuar reagime midis dy komuniteteve, duke ngritur gjakrat.
Serbët lokal kanë theksuar se ritualet fetare të imamit të xhamisë në orët e mëngjesit nuk i lënë të flenë gjumë dhe paraqesin pengesë të vazhdueshme për përditshmërinë e zakonshme të tyre. Por, gjithë kjo situatë ka shkuar në përmasat që imami i xhamisë të rrezikohet nga banorët serb lokal.

Në fushatën kundër kësaj situate të krijuar janë aktivizuar edhe media serbe të cilat kërkojnë ndalesën e thirrjes së ezanit apo forma të tjera për të mos penguar ata. Por, komuniteti fetar mysliman është i vendosur që të mos përfill këto reagime dhe kërkesa të komunitetit serb. Situata për të gjetur një zgjidhje ka mbërritur edhe në komisionin parlamentar për çështje fetare.

Përfaqësuesit lokal boshnjak kanë theksuar se ata asnjëherë nuk janë ankuar për zhurmat e shkaktuara nga ritualet fetare ortodokse me zhurmat e kambanave. Një vit më parë një problem i njejtë ishte regjistruar në fshatin Çelinc, 15 km nga Banja Luka, ku serbët lokal disa herë kishin sulmuar xhaminë. (INA)