Ja çfarë mendimi ka ende xhahili (injoranti) "shqiptar" i shek.XXI për shqiptarët musliman:

- O arabët ... !

(Ka për qëllim shqiptarët musliman, ty dhe mua)!

- E fëlliqtë ... !

(Na thotë kështu neve që marrim avdes dhe që jemi vazhdimisht në qasje me ujë të pastër)!

- Serbia juve ... !

(Këtu "i moralshmi" na shan të gjithëve, dhe atë duke u ndihmuar me armikun e tij, sa çudi)!

- Si nuk ju vjen turp, i thoni vetit shqiptarë dhe shkruani e folni arabisht ... !

(Ka për qëllim gjuhën fetare që e flasim apo shkruajmë, ky i gjori, i prapambeturi, "super i dituri" nuk din me bë dallimin në mes të gjuhës arabe dhe asaj fetare)!

- Asnjë pikë gjak shqiptari nuk e keni në trup, as nga baba e as nga nëna ... !

(Harron se dhjetra hoxhallarë e derdhën gjakun e tyre në luftën tonë, e ky ikte në Bllacë, u mshefte ndër fustan të gruas, e muslimanët e vërtet në front, e ky sot shet patriotizëm në internet e çajtore)!

- Na fëlliqët si komb ... !
(Ne që urdhërojmë në moral, drejtësi e paqe, pastërti, harmoni e unitet, ''ne e fëlliqëm" sipas tij)!

- Më vjen turp të them se jam shqiptar ... !

(Ky mendon se shqiptarizmin e kemi ndytë ne, po le të na tregoj ky frajeri i shek.XXI se ku është mbajtë lidhja e Prizrenit)!

- Juve turku ju ka bë musliman me dhunë ... !

(Ky ende nuk e ka kuptu definicionin e fjalës "dhunë", ky ende sheh ëndrra, ky ia ka kthy shpinën historisë së vërtetë)!
- Turp të keni ... !

(Ta shohim mbi kë bie turpi)!


Vazhdon polemika, ta shohim kush po fiton, urrejtja apo argumenti!

Po çfarë "arabësh" ne bre, po ku e din ti se si flitet arabisht, sa fjalë, shkronja e fjali i din arabisht, një gjuhë që ka mbi 12 milion fjalë, gjuhë, në të cilën foli edhe Zoti yt, ka dallim gjuha arabe prej gjuhës fetare, nëse ne përdorim fjalë të tilla (si p.sh: Selam Alejkum, etj), e kemi qëllimin te gjuha fetare, kjo është diçka e veçantë që vie nga Zoti jonë, Ai na ka mësu si të flasim, si të mendojmë, si të besojmë, si të veprojmë dhe si të jetojmë fetarisht, çka ka lidhje me neve gjuha arabe ose arabët? Asgjë! Ka plot arab që janë jomusliman dhe ke plot amerikan që janë musliman, Islami i bashkon njerëzit në një vend.
Unë shqiptarin katolik e kam vëlla nga kombi, ndërsa turkun, boshnjakun ose arabin musliman e kam vëlla nga feja, me atë më lidh kombi, më këtë feja, me atë i ndaj interesat kombëtare, me këtë tjetrin ato fetare, s'bëj përçarje sikur ti.

E ti shumë patriot, a se din ti se edhe Allahu (e Atij i takon sepse të Tij janë çka ka në qiej e në tokë, ti s'ke asgjë tënden) në Kur'an flet për krijimin dhe llojllojshmërinë e shoqërive, racave, kombeve, gjuhëve dhe zakoneve?!

Po lexo pak o vëlla, analfabetizmit i ka dal afati, lexo pak.

S'ka këtu dhunë, Islami ec me argumente e jo me qefe, s'është fontan dëshirash, është shpallje nga Allahu, sismtem dhe program jete, po qe po ta bëjmë pak qefin, ja, ne muslimanët "e kemi pranuar Islamin me dhunë"... !
Tash kush po na detyron me shku në xhami, sot isha në xhami, nuk dëgjova kë t'u fol turqisht, as nuk i pash osmanët në rreshtat e atyre që u rreshtuan për namaz në xhami, unë po të pyes, çka më shtyu me shku në xhami, po mendon se na është "trashëgu frika prej tyre edhe në këto ditë a"...?!

Kthejllu pak, trazohu nga gjumi, pije pak ujë e hapi veshët se ezani ty po të thërret.

Ti mundesh dikujt me i marrë diçka me dhunë, asesi me i dhanë, si na e dhanë ata Islamin me dhunë?

Po mirë, shkuan osmanët, shkuan turqët, shkuan ata e këta, e sot, po nesër, tash dhunë s'ka, pse ka ende Islam?

Ka Islam, sepse ka ende zemra të shëndosha, kuptoje këtë, ani me dhunë, me qenë ashtu, bullgarët e maqedonët do t'ishin bë deri tash hafizë (memorizues Kur'ani) e ulema (dijetarë), por ja ata s'janë, pse s'janë?

Sepse e refuzuan mesazhin e Allahut, jo mesazhin e osmanëve, i Allahut është, shikoje burimin e mesazhit, a ke sy, lexo pak?

Ezani sot thërret edhe në New York, më trego, cila ushtri sipas teje po lufton atje me shpata, atje ekziston vetem një shpatë si në gjithë botën, cila është ajo?!

Shpata e fjalës së Allahut, Krijues dhe Bujar.

"Thirr në rrugën e Zotit tënd me mençuri dhe këshillë të bukur dhe diskuto me ata (kundërshtarët) në mënyrën më të mirë!" (Kur'an, kaptina nr.16, ajeti nr.125).

Autor: Labinot Kunushevci