nata e pare e marteses - hyrje

Në Emër të Zotit, Mëshiruesit,
Mëshirëbërësit!















Copyright
Shtypshkronja Thesari


Biblioteka:
“Hamza” - f. Dobërdoll

Përkthyes:
Afet Beadini

Recensues:
Kamber Kamberi

Lektor:
Mr.Elez Ismaili

Korrektor:
Hamit Shabani

Përgatitja kompjuterike:
Skender Qazimi

Ballina:
Berzat Sadiku

Boton:
SH.B. “ THESARI”- GOSTIVAR

Për botuesin:
Afet Beadini

Përfaqësues për Shqipëri:
Alb-books - Tiranë
Naim B

Botimi: III
Shtypi:Shtypshkronja –Thesari f.Dobërdoll


Copyright SH.B. “THESARI”




Titulli i origjinalit
Prva bračna noč i intimni bračni život u šerijatskom pravu.

Mr.Muharrem Shtulanoviq





NATA E PARË E MARTESËS
DHE JETA INTIME NË MARTESË SIPAS TË DREJTËS SË SHERIATIT.







GOSTIVAR
2008




















FJALA E PËRKTHYESIT
Falënderimi dhe lavdërimi i takon Allahut xh.sh., Krijuesit të çdo sendi, Bamirësit të pakufi, Mëshiruesit të përgjithshëm, që na bëri muslimanë dhe pjesëtarë të ummetit të Pejgamberit të fundit, Muhammedit a.s., të cilin e dërgoi si mëshirues, përgëzues dhe mësues të brezave të ardhshëm. Mëshira dhe shpëtimi i Zotit qoftë mbi Muhammedin a.s. dhe familjen e tij, mbi shokët e tij dhe mbi të gjithë ata që ndoqën dhe ndjekin rrugën e tij, deri në Ditën e gjykimit.
Lexues të nderuar, në kohën tonë, ashtu siç na lajmëroi i Dërguari i Zotit, si parashenjë e Kijametit është se do të mbretërojë një liri e plotë seksuale e cila do t’i tejkalojë të gjithë kufijtë. Madje sot pothuaj se të gjitha mediumet na thërrasin në amoralitet, ku me të madhe trupi i femrës (por edhe i burrit) shfrytëzohet si çdo material tjetër harxhues. Edhe ne jemi dëshmitarë të marrëdhënieve seksuale publike, në rrugë, para kamerave e masë-mediumeve tjera, pa asnjëfarë turpi.
Lexues të nderuar, në duart tuaja keni një libër shumë të vlefshëm, të cilin autori i saj, Mr.Muharrem Shtulanoviq, e ka titullur “ nata e parë e martesës” duke dashur që në këtë mënyrë ta informojmë rininë tonë islame me rregullat themelore të martesës, pra për këtë segment të rëndësishëm të jetës, që të dinë se si të sillen në pajtueshmëri me rregullat islame, duke i bërë hapat e para të bashkëshortësisë në një mënyrë të lejuar, duke themeluar një bashkëshortësi bazat e së cilës janë të përhershme, të forta, me bereqet, sipas rregullave që iu shpallën Muhammedit a.s. Këto rregulla tek ne janë lënë pas dore për shumë shkaqe. Një nga këto shkaqe me siguri është, turpi për të folur për këtë temë në një mënyrë të hapur. Në sunnetin e të Dërguarit a.s. theksohen këto marrëdhënie, në mes tjerash edhe si diçka e natyrshme dhe e lavdëruar sipas Sheriatit, e cila vehet në rang të sadakasë, dhe si një vepër e dashur te All-llahu pas të cilës i pason shpërblimi dhe sevapi, edhe pse ky akt është një vepër e llojit më të mirë të kënaqësive të kësaj bote, natyrisht, nëse këto marrëdhënie realizohen në një mënyrë të lejuar, brenda bashkëshortëve, duke u larguar nga marrëdhëniet intime të ndaluara jashtë martese. Në një rastë Muhamedi a.s tha: “…dhe marrëdhënia intime (bashkëshortore) është sadaka”. Njerëzit i thanë: “O i Dërguari i All-llahut, a edhe kur ndonjëri prej nesh kryen marrëdhënie epshore ka shpërblim? Tha: “Më thuani, nëse epshin e tij e përdor në haram, a nuk ka për të mëkat? Po ashtu nëse e përdor në hallall a duhet të ketë shpërblim”. (Muslimi) .
Kjo broshurë ju ofron rregulla të Sheriatit për natën e parë të martesës dhe rregulla të marrëdhënieve intime në Islam, ashtu që rinia jonë të mësojë dhe të dijë se si duhet të jetë sjellja e tij në këto akte intime, si t’i lutet All-llahut xh.sh për bereqet në jetën bashkëshortore.
Prandaj, i lutemi Allahut xh.sh. që ta shpërblejë autorin e tij me shpërblimet më të mëdha dhe ta bëjë të dobishme këtë që ai ka shkruar. Po ashtu i lutemi Atij që këtë vepër të thjeshtë e modeste ta bëjë një mjet për arritjen e mëshirës dhe kënaqësisë së Tij dhe lidhjen me të dashurin tonë Muhammedin a.s., që është udhëheqësi ynë në çdo sferë të jetës. Me përulje të përgjërohemi, Mëshirplotë, që të na bashkosh me ata që e ndjekin rrugën e të Dërguarit a.s. dhe të cilët, nga dashuria e tyre ndaj Teje, i mësojnë të tjerët dhe i njoftojnë me të Vërtetën, Përsosmërinë dhe Mëshirën Tënde.
Afet Beadini
Dobërdoll,




HYRJE

Katër autorët e përmbledhjeve të haditheve “Sunen’’ ( Ebu Davudi, Tirmidhiu, Nesaiu dhe Ibni Maxhe ) shënojnë se Muhammedi a.s. e ka lexuar hutben e ashtuquajtur “ Hutbetun-nikah ’’ ( Hutben e martesës ), prandaj edhe ne do ta fillojmë këtë punim, i cili flet në mënyrë të veçantë rreth marrëdhënieve të martesës dhe veprave të tjera, që kanë të bëjnë në me të:

Falënderimi, me të vërtetë i takon vetëm All-llahut! Vetëm prej Tij kërkojmë ndihmë dhe falje. Kërkojmë mbrojtje prej Tij, të na mbrojë prej të keqes dhe veprave tona të shëmtuara. Atë që All-llahu e udhëzon, nuk do të devijojë, ndërsa atë që e lë në devijim, askush nuk mund ta udhëzojë. Dëshmoj se nuk ka Zot tjetër përveç All-llahut, i cili është Një dhe nuk ka tjetër pos Tij! Dhe dëshmoj se Muhammedi është rob dhe i Dërguari i Tij.“ O ju që besuat, kini frikë All-llahun me një sinqeritet të vërtetë dhe mos vdisni, pos vetëm duke qenë myslimanë (besimtarë).” ( Ali Imran: 102 ).
“ O ju njerëz! Kini frikë Zotin tuaj që ju ka krijuar prej një vetje (njeriu) dhe nga ajo krijoi palën (shoqen) e saj, e prej atyre dyve u shtuan shumë burra e gra. Dhe kini frikë All-llahun që me emrin e Tij përbetoheni,ruajeni farefisin (akraballëkun) se All-llahu është mbikëqyrës mbi ju. “ (En Nisa :1).
“O ju besimtarë, përmbajuni mësimeve të All-llahut dhe thuani fjalë të drejta. Ai (All-llahu) iu mundëson të bëni vepra të mira, ju shlyen juve mëkatet tuaja, e kush respekton All-llahun dhe të Dërguarin e Tij, ai ka arritur një sukses të madh.’’ (El-ahzabë : 70-71).

Islami ofron marrëdhënie të shkëlqyeshme në mes bashkëshortëve, nëpërmjet doktrinës kryesore tradicionale të burimeve të fesë, duke e rregulluar atë në bazë të Kur’anit dhe të Sunnetit të Pejgamberit a.s.; duke i shpjeguar masat parimore të cilat vlejnë për t’u përmbajtur gjatë zgjedhjes së bashkëshortes, të drejtat dhe obligimet e tyre në mes veti, veprimet gjatë lidhjes së kontratës së kurorës, obligimet dhe përgjegjësitë e prindërit apo përgjegjësit i cili është i thirrur që ta fejojë vajzën, rregullat dhe adabet e fejesës dhe natës së parë të martesës, rregullat e jetës intime, themelet në të cilat ngrihet jeta bashkëshortore në të cilën jeta e bashkëshortëve themelohet, me mëshirë dhe në mbështetje të njëri-tjetrit; mënyra e mënjanimit të problemeve dhe mosmarrëveshjeve në bashkëjetesë në disa mënyra tipike të nivelit edukativ, me urtësi dhe me këshilla të mira, pastaj duke u larguar nga shtrati (nga marrëdhëniet intime) një kohë të caktuar, pastaj nëpërmes rrahjes jo brutale e cila nuk lejohet fytyrës, dhe më në fund bashkëshortëve u preferohet ndarja, ashtu siç ka urdhëruar All-llahu xh.sh. ku rregullohen edhe marrëdhëniet pas shkurorëzimit, siç janë periudha e pritjes (iddet ) së gruas, rregullat për kthimin e gruas së lëshuar përsëri, mirëmbajtja në periudhën e pritjes (idetit), ushqimi i fëmijës me qumësht nëne, të drejtat e tyre etj. Kështu pra, marrëdhëniet në martesë, në të cilën bëjnë pjesë edhe marrëdhëniet intime të bashkëshortëve, në Fenë Islame nuk janë tabu temë, por janë marrëdhënie plotësisht të natyrshme, të cilat i rregullon E drejta e Sheriatit islam.
Kur’ani Famëlartë, shpallja e All-llahut i cili lexohet në namaz, në lutje dhe në dhikër, pa të cilin lexim nuk është i vlefshëm namazi, i thekson marrëdhëniet intime të bashkëshortëve dhe thotë:…“Ajo është gjendje e neveritur, andaj largohuni prej grave gjatë menstruacionit dhe mos iu afroni atyre (për marrëdhënie) derisa të pastrohen. E kur të pastrohen, atëherë afrohuni atyre ashtu siç u ka lejuar All-llahu.
Gratë tuaja janë vendmbjellje e juaj, afrohuni vendmbjelljes suaj si të dëshironi…..’’
( El-Bekare :222-223)
Po ashtu edhe në sunnetin e të Dërguarit a.s. theksohen këto marrëdhënie, në mes tjerash edhe si diçka e natyrshme dhe e lavdëruar sipas Sheriatit, e cila vehet në rang të sadakasë, dhe si një vepër e dashur te All-llahu pas të cilës i pason shpërblimi dhe sevapi, edhe pse ky akt është një vepër e llojit më të mirë të kënaqësive të kësaj bote, natyrisht, nëse këto marrëdhënie realizohen në një mënyrë të lejuar, brenda bashkëshortëve, duke u larguar nga marrëdhëniet intime të ndaluara jashtë martese.
“ …dhe marrëdhënia intime (bashkëshortore) është sadaka”. Njerëzit i thanë: “O i Dërguari i All-llahut, a edhe kur ndonjëri prej nesh kryen marrëdhënie epshore ka shpërblim? Tha: “Më thuani, nëse epshin e tij e përdor në haram, a nuk ka për të mëkat? Po ashtu nëse e përdor në hallall a duhet të ketë shpërblim”. (Muslimi)
Në kohën tonë, ashtu siç na lajmëroi i Dërguari i Zotit, si parashenjë e Kijametit është se do të mbretërojë një liri e plotë seksuale e cila do t’i tejkalojë të gjithë kufijtë. Madje sot pothuaj se të gjitha mediumet na thërrasin në amoralitet, ku me të madhe trupi i femrës (por edhe i burrit) shfrytëzohet si çdo material tjetër harxhues. Edhe ne jemi dëshmitarë të marrëdhënieve seksuale publike, në rrugë, para kamerave e masë-mediumeve tjera, pa asnjëfarë turpi. Prandaj në këtë mënyrë dëshirojmë që ta informojmë rininë tonë islame që janë të martuar, apo ata që dëshirojnë të martohen, me rregullat themelore të të drejtës së fesë, pra për këtë segment të rëndësishëm të jetës, që të dinë se si ë të sillen në pajtueshmëri me rregullat islame, duke i bërë hapat e para të bashkëshortësisë në një mënyrë të lejuar, duke themeluar një bashkëshortësi bazat e së cilës janë të përhershme, të forta, me bereqet, sipas rregullave që iu shpallën Muhammedit a.s.
Kjo broshurë ju ofron rregulla të Sheriatit për natën e parë të martesës dhe rregulla të marrëdhënieve intime në Islam, ashtu që rinia jonë të mësojë dhe të dijë se pas marrëdhënieve intime është i obliguar që ta lajë tërë trupin (të marrë gusull ), se si duhet të jetë sjellja e tij në këto akte intime, si t’i lutet All-llahut xh.sh për bereqet në jetën bashkëshortore.
Rregullat e jurisprudencës islame, ku bëjnë pjesë edhe rregullat e natës së parë të martesës dhe marrëdhëniet intime, në një numër të madh të rasteve është një lëmi e panjohur për rininë tonë, e aq më pak i dinë adabet dhe sunnetet në lidhje me atë.
Këto rregulla tek ne janë lënë pas dore për shumë shkaqe. Një nga këto shkaqe me siguri është, turpi për të folur për këtë temë në një mënyrë të hapur, ndërsa shkaku tjetër është mosekzistimi i punimeve në këtë temë në gjuhën shqipe, gjithsesi edhe moskuptimi i librave dhe përmbledhjeve të haditheve që flasin për këtë temë, teksti burrimor i të cilave është në gjuhën arabe.
Për këtë shkak, dëshirojmë që në pika të shkurtra të përmendim ato gjëra që na i mësoi i Dërguari a.s si shembull për ne gjatë jetës në këtë botë, kështu që ata që dëshirojnë t’i përmbahen praktikës fetare të kenë një orientim, duke e ndjekur rrugën e të Dërguarit a.s.


VENDIMI (HUKMI) I MARTESËS

Martesa është një praktikë konstante e të Dërguarit a.s. në të cilën realizohet një interes i përgjithshëm i bashkëshortëve, e cila ndikon në ruajtjen nga amoraliteti, në ruajtjen e shoqërisë nga prishja e moralit dhe në ruajtjen e familjes, dhe në këtë mënyrë marrin pjesë në një proces të natyrshëm të kësaj bote i cili do të ekzistojë deri në Ditën e Gjykimit.
Në Islam nuk lejohen marrëdhëniet intime, seksuale jashtë martesës. Kjo vepër është e ndaluar rreptësishtë. All-llahu xh.sh thotë:
” Dhe mos iu afroni imoralitetit (zinasë), sepse vërtet ajo është vepër e shëmtuar dhe është një rrugë shumë e keqe. (El Isra’ : 32). Dënimi për këtë vepër, për personin që nuk është i martuar është, rrahje me 100 shkopinj, ndërsa personat e martuar sanksionohen me gurëzim në mënyrë publike para masës. Për atë, në shoqërinë islame e cila i është përmbajtur praktikës Islame, imoraliteti (prostitucioni) pothuaj se ka qenë gjë e panjohur. Mirëpo, këtu duhet të përmendim se në Islam, gjithashtu nuk ka asketizëm, në kuptim që për shkak të adhurimit të heqim dorë nga marrëdhëniet dhe epshet seksuale. Ato patjetër duhet dhe është e lejuar të manifestohen dhe të harmonizohen vetëm në një martesë valide. I Dërguari a.s. i qortoi disa as’habë të cilët dëshironin të ngushtojnë natyrën e tyre, në të cilën i krijoi All-llahu xh.sh. me nevojë për t’u ushqyer, fjetur dhe për martesë. Kur i thanë të Dërguarit se ata dëshirojnë që të heqin dorë nga këto vepra vetëm për shkak të ibadetit pa ndërprerë ditë e natë, ai i qortoi duke u thënë:
’’Vall-llahi me të vërtetë unë i frikësohem më tepër Zotit dhe jam më i devotshëm prej jush, por unë ndonjëherë agjërojë, ndonjëherë jo , natën falem dhe flejë edhe martohem. Ai që i largohet rrugës sime, s’është i yni’’!.
Muhammedi a.s i këshilloi të rinjtë duke u thënë:
"O ju të rinj! Kush ka mundësi për martesë, le të martohet; ajo të ndal nga shikimi i ndaluar (harami) dhe siguron mbrojtje për organet gjinore. Ai që s’ka mundësi, le të agjërojë; agjërimi është frenues i epshit”.
Martesa në Sheriatin islam mund të ketë tretman të obligimit të domosdoshëm (farz) të jetë e ndaluar (haram) të jetë e papëlqyer (mekruh) të ketë tretman të Sunnetit, të ketë tretman të një vepre të mirë dhe të pëlqyer (mendub) dhe më në fund të jetë vetëm e lejuar.


MARTESA E CILA ËSHTË FARZ

Martesa do të ishte farz për personin i cili dëshiron të martohet dhe i cili nuk ka dilemë se për shkak të mosmartesës mund të bie në zina, dhe që e di se agjërimi nuk mund ta mbrojë atë aq sa duhet prej epshit seksual, përveç tjerash ka mundësi materiale që ta mirëmbajë gruan në një mënyrë të lejuar.
Martesa po ashtu do të ishte farz edhe për femrën e cila nuk posedon aftësi që të mirëmbahet vetë, dhe e cila frikohet të mos bëhet viktimë e njerëzve me moral të prishur.

MARTESA E CILA ËSHTË SUNNET

Nëse personi me një nxitje seksuale mesatare dëshiron martesë, nuk frikohet nga ajo se për shkak të mos martesës nuk do të mund të kontrollohet, dhe i cili përveç tjerash mund ta mirëmbajë familjen, dhe dëshiron që të themelojë një familje që me të ruajë moralin. Në këtë rast martesa e këtij personi do të ishte sunnet.

MARTESA E CILA ËSHTË MENDUB

Nëse një person nuk ka dëshirë për martesë, por dëshiron që të ketë fëmijë dhe ka mundësi që t’i kryejë detyrat në bashkëshortësi, do të ishte e pëlqyer (mendub) që ky person të martohet.

MARTESA E CILA ËSHTË HARAM

Martesa do të ishte haram për personin i cili duke qenë i martuar me katër gra në të njëjtën kohë martohet edhe me të pestën, ose e bashkon gruan me motrën, hallën ose tezen e saj, apo martohet përkohësisht, sipas niqahit mut’a te shiitët etj.

MARTESA E URREJTUR (MEKRUH)

Nëse ndonjë person nuk ka dëshirë për martesë, nga shkaku se martesa do ta kishte larguar nga adhurimi vullnetar të cilit i është dorëzuar, ose në qoftë se frikohet se nuk do të ketë mundësi materiale që të mirëmbajë gruan nga fitimi i lejuar, në këtë rast martesa e tillë do të ishte e urrejtur (mekruh).


MARTESA E LEJUAR (MUBAH)

Martesa e lejuar është për një person që dëshiron të martohet edhe nëse nuk dyshon se mund të bjerë në zina. Po ashtu martesa është e lejuar edhe për personin që nuk posedon asnjëfarë kënaqësie seksuale, siç është plaku ose mashkulli impotent, por me kusht që në këtë rast të mos dëmtohet femra, përndryshe kjo martesë do të ishte haram.
vazhdon