Myslimanët gabojnë e jo Islami


Nga: Zakir Naik

Huti: Nëse Islami është feja më e mirë, pse atëherë shumë mysliman janë të pandershëm, të pamoralshëm dhe të përzier në shumë punë të fëlliqtë nëpërmjet rrugës së tradhtisë, drogës, përdhunimit?

Mediet flasin gënjeshtra për Islamin

Islami padyshim është religjioni më i mirë, mirëpo media që janë në duart e perëndimorëve e luftojnë atë. Perëndimorët hiç pa u ndalur publikojnë dezinformata kundër Islamit, si në mediet e shtypura ashtu edhe në ato elektronike. Përveç dezinformatave, ata keqinterpretojnë Islamin, qëllimisht heqin diçka dhe shtojnë diçka tjetër.

Nëse kudo nëpër botë eksplodon ndonjë bombë, të parët të cilët do të janë të akuzuar pa asnjë dëshmi janë myslimanët. Menjëherë në faqet e para të gazetave paraqiten këto gjëra me tituj të mëdha. Më vonë, kur të vërtetohet se për ato eksplodime fajtor janë jo myslimanët, ai lajm botohet e publikohet në ndonjë medium të vogël, të parëndësishëm dhe të pahetueshëm në shoqëri.

Nëse një mysliman 50 vjeçar, martohet me një vajzë 15 vjeçare, me pëlqimin e saj, ai lajm depërton në ballinat e gazetave botërore. Megjithatë, nëse një jo mysliman 50 vjeçar e dhunon një vajzë 6 vjeçare, ai lajm botohet në brendi të gazetës në kuadrin e lajmeve “ parashikimi i shkurtër i lajmeve”! Për çdo ditë në Amerikë ndodhin 2713 përdhunime, mirëpo asgjë prej saj nuk botohet nëpër gazeta, përderisa ajo gjë është shndërruar në stil i jetës amerikane.

Dele e zezë në çdo shoqëri

Jam i vetëdijshëm se ka mysliman të cilët janë të pandershëm, që tradhtojnë, vjedhin, gënjejnë etj. Megjithatë, problemi është aty se mediumet i etiketojnë të gjithë myslimanët me atë grup myslimanësh. Kështu, myslimanët shndërrohen në dele të zezë kudo që të shkojnë.

Si tërësi, myslimanët janë më të mirët

Edhe pse myslimanët kudo që të shkojnë, nga të tjerët shndërrohet si dele e zezë, si tërësi në nivel global, ato janë etniteti më i mirë. Ne jemi shoqëria më e madhe në botë e cila nuk pimë alkool. Shikuar në nivel të përgjithshëm, ne jemi shoqëria më e madhe në botë që ndajmë pjesë nga pasuria jonë më shumë se të gjitha shoqëritë tjera, për çështje humanitare. Globalisht nuk mund ta fitojë betejën me ne, myslimanët, asnjë shoqëri në çështjen e nderit, moralit, respektit, principialitetit, respektimit të drejtave njerëzore.

Mos gjyko automobilin duke u bazuar në vozitësin

Paramendoni duhet që të jepni vlerësime se sa është i mirë modeli më i ri i veturës “Mercedes”. Vozitësi i papërvojë, ulet në këtë veturë, dhe në hapin e parë sa e nisë veturën del prej rrugës. Kush është fajtor për daljen jashtë rrugës, vozitësi apo vetura? Me siguri fajtori do të jetë vozitësi. Për të analizuar performansat e automobilit nuk duhet shikuar vozitësi, por duhej analizuar: sa është i shpejtë, sa harxhon, çfarë shkalle të sigurisë ka etj. Madje nëse edhe hipotetikisht pajtohemi se myslimanët janë të këqij, nuk guxojmë që në bazë të saj të sjellim përfundime për Islamin si religjion. Nëse dëshironi që të sillni qëndrim rreth Islamit, fillimisht duhet që ta studioni atë nëpërmjet burimeve të saja themelore: Kur`anit dhe Sunnetit.

Vlerësoni Islamin në bazë të veprave të ndjekësve më të mirë të Pejgamberit Muhammed alejhi selam

Nëse dëshironi që praktikisht të vërtetojeni në performansat e automobilit, atëherë këtë gjë mund ta bëni përmes ndonjë eksperti, ose vozitësi me përvojë i cili di t`i testoje performansat e atij automobili. Njashtu, shembulli më i mirë, në bazë të cilit mund të sillni përfundim për Islamin, është i Dërguari i Allahut, Pejgamberi Muhammed alejhi selam. Përveç myslimanëve, ka edhe disa dashamirë të tjerë, njerëz të ndershëm nga jo myslimanët, që kanë thënë se Muhammedi alejhi selam është krijesa më e mirë e të gjitha kohërave. Majkl Hart e ka shkruar librin “ Njëqind personat më me ndikim në histori”. Në krye të listës e ka vendosur Pejgamberin e Islamit, Muhammedin alejhi selam. Ekzistojnë edhe shumë shembuj të tjerë, ku jo myslimanët i japin respekt të madh Muhammedit alejhi selam, siç është për shembull Tomas Karlajla, Le-Martina dhe të tjerët.

Përktheu dhe përshtati nga boshnjakishtja: Hamdi Nuhiju