Mesazh deri tek kundërshtari i protestave të funditJavës së kaluar, pamë demonstrata në vende të shumta të botës muslimane, por edhe më gjerë, kundër filmit të shëmtuar “Pafajësia e muslimanëve”, ku qëllimi kryesorë është fyerja e Pejgamberit sal’allahu alejhi ue selem, duke e ofenduar dhe shpifur me skena të fëlliqura.
Megjithatë, gjatë demonstratave, dolën disa të ashtuquajtur “musliman”, duke shprehur ngushëllime për popullin amerikan, duke i akuzuar dhe dënuar “veprat e gabuara dhe të shëmtuara” të disa muslimanëve, duke thënë se demonstratat, ishin shumë të ashpra dhe plot dhunë.
I nderuar kundërshtarë, a keni menduar ndonjëherë se mos vallë, ky intervenim i juaj është si shkak i mungesës së emocioneve për ummetin, mungesë që ua ka pakësuar dhe ngatërruar gjërat?
Pejgamberi, sal’allahu alejhi ue selem në lidhje me besimtarët e këtij ummeti ka thënë:
”Besimtarët në shoqërinë e tyre të ndërsjelle, mëshirën dhe lidhjen në mes tyre, janë sikurse nje trup: Nëse një pjese e tij dhemb, edhe pjesa tjetër e trupit e ndjen dhimbjen.” (Transmeton Buhariu dhe Muslimi)
I nderuar kundërshtarë, ajo çfarë ndodhi javën e kaluar ishte vetëm një virus të cilin ummeti u mundua ta zhdukë, virus i cili shkaktoi vuajtje në të kaluarën, por edhe tash.
Kur Amerika përkrahi Izraelin në 50 vitet e fundit, duke e vazhduar kështu okupimin e Palestinës, duke vrarë musliman për çdo ditë, e cila u bë punë dhe vepër normale e përditshmërisë, e cila është virus i ummetit.
Kur Amerika dhe Perëndimi përkrahnin Saddam Huseinin, Ben Aliun, Mubarakin, Saliun, Sharonin dhe shumë diktatorë të tjerë që ishin vetëm kukulla dhe spiunë të zionistëve. Diktaturë dhe regjime që torturonin dhe vrisnin musliman. Ky ishte dhe është virus i ummetit.
Kur Amerika mbyti një milion fëmijë në Irak me “Sanksionimin dhe Bombat” e tyre, ky ishte virus i Ummetit.
Kur Amerika i pushtoi tokat e shenjta (të Gadishullit Arabik, Arabinë Saudite të sodit), kur i vendosi edhe bazat e tyre në këtë shtet. Ky ishte virus i ummetit.
Kur Amerika mbyti musliman të pafajshëm në Jemen dhe Sudan, me armët e kryqëzatave dhe bombat e tyre helmuese. Ky është edhe një virus i ummetit.
Kur Amerika e sulmoi Irakin me një komplot, që pretendonte se ka armë nukleare në Irak, duke shfrytëzuar kështu këtë gënjeshtër, vrau dhe masakroi civil të pafajshëm. Ky është virus i këtij ummeti.
Kur Amerika sulmoi Afganistanin, vrau fëmijë dhe gra, bombardoi shtëpitë e tyre, duke plaçkitur tokat e Afganistanit dhe duke prodhuar drogë që shitej në tregun e zi. Ky, është edhe një virus i këtij ummeti.
Kur Etiopia dhe Kenija, sulmuan Somalinë, duke masakruar dhe mbytur musliman nën urdhër të Amerikës. Ky ishte virus i ummetit.
Kur nderi i vëllezërve dhe motrave tona u shkel në mesin e Guantanamos dhe burgjet sekrete të CIA-së. Ky ishte virus i këtij ummeti.
Kur Afia Sidiki u kidnapua, torturua, u përdhunua dhe u dënua me 86 vite burg, nën mbikqyrjen e administratës Amerikane. Ky ishte virus i ummetit.
Kur...vërtetë lista është shumë e gjatë. Gjatë kohë, Amerika është duke masakruar ummetin sikur të masakron një dele dhe çdoherë kur një pikë gjaku e stërpik këmishën e saj të bardhë, ajo i bërtet ummetit: “Më stërpiku gjaku i deles terroriste, ekstremiste dhe fanatike!!”
Pra, më falni i nderuar kundërshtar nëse zemra juaj nuk ndjenë asgjë për vrasjen e milionëve musliman, por ju ndjeni dhimbje për vrasjen e një personi, e gjithë kjo është sikur të pritet vetëm një gisht, në mesin e gjithë trupit!
Pse goja yte nuk flet për krimet e vrasësit, por me gjithë kënaqësi flet haptazi vetëm për një të vrarë?
O i nderuar kundërshtarë, demonstratat u zhvilluan anë e mbanë botës nga muslimanët, jo vetëm që të shprehnin pakënaqësinë ndaj filmit, por të shprehet edhe dhimbja nga virusët e ummetit, që i shkaktuat në dekadat e fundit.
Dhe filmi ishte vetëm një “ofendim i dhembshëm” të plagave të ummetit. Prandaj, o ju të ashtuquajtur musliman, keni kujdes ndaj akuzimeve që ua bëni vëllezërve tuaj, përderisa kriminelët bëjnë “TOST” nga mishi i jonë dhe mbushin gotat me gjak të muslimanëve të pafajshëm. Edhe nëse muslimanët kanë gabuar në demonstratat e tyre, kjo nuk është arsye që të jemi memec dhe të bëhemi kinse nuk i shohim krimet e Amerikës ndaj Ummetit.
Mos e harroni këtë, Allahu i Lartësuar thotë në Kur’an:
“Të pyesin për luftën në muajin e shenjtë, thuaj: “Lufta në të është e madhe (mëkat i madh), por pengimi nga rruga e All-llahut, mosbesimi ndaj Tij, pengimi nga xhamia e shenjtë (Qabja) dhe dëbimi i banorëve të saj nga ajo, janë mëkate edhe më të mëdha tek All-llahu. E provokimi (kundër muslimanëve) është edhe më i madh se mbytja”. (El-Bekare, 217)/minbaransar
Përktheu: Ridvan MEMISHI
Përgatiti dhe përshtati: Teuhid.NET
Thu 23 Mar 2023 - 2:31 nga 
