Përfaqësuesit e komunitetit musliman në Greqi kanë paralajmëruar se të drejtat e tyre fetare në këtë vend prej kohësh janë lënë pas dore
Njëri nga udhëheqësit muslimanë thotë se qëndrimet e kryeministrit grek Antonis Samaras për emigrantët janë "raciste".
“Ne jetojmë në një vend kryeministri i të cilit është racist”, tha presidenti i Unionit musliman të Greqisë, Naim El Gandur, në konferencën që u mbajt javën e kaluar në Athinë. “Gjatë fushatës presidenciale, ai kishte thënë se emigrantët e kanë okupuar Greqinë.”
Kryeministri Samaras ka premtuar se do t’i forcoj masat kundër emigrantëve që nuk kanë dokumente, duke e quajtur praninë e tyre "invazion të paarmatosur."
Në Greqi jetojnë rreth 500.000 muslimanë. Shumica prej tyre nuk kanë dokumente të nevojshme.
Zyrtarët muslimanë në konferencën e mbajtur diskutuan edhe për filmin e diskutueshëm “Pafajësia e muslimanëve" që ngjalli protesta në gjithë botën muslimane.
El Gandur tha se ky filmi nuk e respekton popullsinë muslimane në botë, e cila tashmë ka arritur në 1.8 miliardë.
Thu 23 Mar 2023 - 2:31 nga 
