Anija
e tretë me ndihma suedeze Estelle dhe 20 mbështetës të paqes në bordin e
saj ndodhen drejt rrugës së tyre për në Gaza, qysh prej 20 qershorit.
Aktivistët për të drejtat e njeriut të anijes Estelle, e cila po lundron
për të sjellë pajisje ndihme për Gazën kanë cituar ” Nëse qeveria
izraelite ndërmerr një tjetër krim të tmerrshëm, në nuk mund ti ndalojmë
ato”.
Koordinatori
i medias për fushatën e anijes Estelle, Mikael Lofgren, informoi
Agjencinë Anadolu për anijen dhe iniciativën e tyre. Anija Estelle
është nisur për në Gaza nga qyteti verior i Suedisë Umea, më 20 qershor,
me 20 njerëz në bord duke përfshirë midis tyre edhe izraelitë. Estella
ka nw bord njerëz të profesioneve të ndryshme. Ata janë muzikantë,
gazetarë, akademikë, marinarë dhe parlamentarë. Ata janë nga Suedia,
Norvegjia, Kanadaja, Spanja, SHBA, Greqia dhe Izraeli.
Lofgren
u shpreh për Agjencinë Anodolu, se anija e cila mbart pajisje ndihme
për në Gaza ndërmori një ndalesë në Napoli të Italisë, javën e kaluar
dhe nuk do të bwjw ndonjë ndalesë tjetër gjersa të arrijë në Gaza. Sipas
deklaratave të aktivistëve në faqen e tyre te internetit, përpos
presioneve të Izraelit, autoritete italiane kanë mbetur të patundur në
qëndrimin e tyre. Ata cituan se anija ishte e mbrojtur gjatë gjithë
kohës. Longfren u shpreh për AA, se vitin e kaluar ata tentuan të
ndërmerrnin të njëjtin aktivitet, porse anija e quajtur Juliano u
bllokua në portet greke. “Kjo ka qene hera jonë e trete që çojmë ndihma
në Gaza, më herët ne ishim me anijen e parë me flotiljen e Lirisë dhe me
anijen turke të Mavi Marmara”-shtoi ai.
Estella
mbart 41 ton çimento, 300 topa futbolli, instrumente muzikorë, libra
për fëmijë si dhe pajisje teatri për solidaritet social. Aktivistët e të
drejtave theksuan ne faqen e tyre të internetit, se ato preferojnë të
sigurojnë për popullsinë Gazës, pajisje më të sofistikuara për prodhimin
e ujit dhe elektricitetit të tyre, si dhe riparimin e dëmeve të
shkaktuara nga lufta. Qëllimi i tyre është të mbledhin 500 000 Euro.
“Distanca nga Skandinavia në Gaza është mbi 5000 milje detare. Duke
fituar 100 Euro për çdo milje do të mund të siguronim një shumë të
mjaftueshme prej 500 000 Euro, për përballimin e shpenzimeve të mallrave
dhe ekuipazhit”-publikuan ato ne faqen e tyre zyrtare te internetit
“Anija për në Gaza”. Logfren vuri në dukje se anija është planifikuar që
të mbërrijë në Gaza më 20 tetor. I pyetur se si e vlerëson embargon
izraelite ndaj Gazës, ai u shpreh se:” Ne e quajmë këtë bllokadë apo
rrethim pasi ashtu është. Ne mendojmë se është ilegale, çnjerëzore dhe
shkatërrimtare për të gjitha palët e përfshira”.
Lidhur
me mungesën e ndjeshmërisë së mjaftueshme nga ana e vendeve
perëndimore lidhur me bllokadën ndaj Gazës, aktivisti suedez shprehu
pikëpamjen e tij duke thënë: “Ata nuk po kujdesen realisht për shkak të
mungesës së integritetit dhe respektit ndaj vetes. Aksioni ynë është një
kujtesë për qeveritë tona për të vepruar në përputhje më fjalimet e
tyre për të drejtat e njeriut dhe ligjeve ndërkombëtare”.
Lofgren
theksoi se anija Estella ështe një iniciativë ndërkombëtare dhe globale
duke nënvizuar se ata nuk kërkojnë mbështetjen e komunitetit hebraik në
Suedi pasi ata kanë mbështetje nga individë dhe organizata të shumta,
kështu që skanë nevoje ti pyesin në një farë mënyrë apo tjetër. Nga ana
tjetër ai u shpreh se peticioni i tyre në internet ka siguruar shumë
firma nga e gjithë bota, përfshirë edhe mbështetës nga Turqia. I pyetur
nëse ata kanë marrë ndonjë mesazh nga qeveria izraelit, Longfren tha se:
“ Kemi marrë mesazhe indirekte dhe disa vërejtje arrogante dhe cinike
lidhur me se sa e vogël është anija jonë dhe se sa i pakët është
ekuipazhi ynë. Duket se qeveria izraelite nuk e ka kuptuar ende se nuk
ka pushtet të madh në mashtrime”.
Ata
e prezantuan aktivitetin si nje “ Udhëtim natyral, aksion vëllazëror me
objektiv humanitarizmin”. Aktivistët suedezë u shprehën se nuk janë të
frikësuar për agresione të mundshme nga ana e Izraelit por të
ndërgjegjësuar për risqet ata u shprehën :”Ne kemi praktika jo të
dhunshme në bord me të gjithë pasagjerët. Gjatë lundrimit tonë ne kemi
qenë transparent me të gjithë autoritetet dhe publikun lidhur me veten
tone dhe atë çka ne transportojmë. Këto janë 2 gjërat që ne mund të
bëjmë. Pjesa tjetër varet nga autoritetet izraelite.”
Në
maj të vitit 2010 Flotilja e Lirisë përfundoi në një katastrofë, ku 9
qytetarë turq te anijes kryesuese Mavi Marmara, humbën jetën duke u
qëlluar për vdekje nga forcat e armatosura izraelite . /ardhmeriaonline/
Thu 23 Mar 2023 - 2:31 nga 
