UASHINGTON – Ndonëse ndodh jashtëzakonisht rrallë, sot administrata e presidentit amerikan Barak Obama ka kritikuar Izraelin lidhur me ndërtimet e reja që priten të fillojnë në zonën Palestineze.

Departamenti i Shtetit akuzoi Izraelin se po bën një veprimi provokues që vë në pikëpyetje deklaratat e liderëve izraelitë , që ata janë të angazhuar për paqe. Zëdhënësja Viktoria Nuland, tha se aktiviteti i tyre vë në rrezik paqen dhe i kërkoi Izraelit për të ndaluar të gjitha provokimet dhe të marr hapa për të rigjallëruar bisedimet e paqes.

"Ne jemi thellësisht të zhgënjyer se Izraeli këmbëngul për të vazhduar këtë model të veprimit provokues," u tha Nuland gazetarëve. "Këto janë njoftime të përsëritura për planet e reja të ndërtimit, dhe ne theksojmë se Izraeli po vepron në kundërshtim me kauzën e paqes. Liderët izraelitë vazhdimisht thonë se ata mbështesin një rrugë drejt një zgjidhje me dy shtete, por këto veprime vetëm vënë atë qëllim në rrezik. "Megjithatë, nuk është e qartë nëse fjalët të ashpra e do të ndiqen nga veprimet.

Komentet erdhën pasi kryeministri i Izraelit kundërshtoi kritikat ndërkombëtare të planeve për të ndërtuar mijëra shtëpi në Jerusalemin Lindor, duke thënë se ndërtimi do të lëvizë përpara. Ndërkohë, diplomatët e katër vendet evropiane, Britanisë, Francës, Portugalisë dhe Gjermanisë dënojnë veprimin e Izraelit.

"Ne i bëjmë sërish thirrje Izraelit që të pushojnë të gjitha llojet e veprimeve, kundërproduktive e të njëanshme dhe të marrin hapa konkret që të kthehen negociatat e drejtpërdrejta", tha ajo.

Kryeministri izraelit Benjamin Netanyahu ka njoftuar planet për të ndërtuar mijëra shtëpi në vendbanimet në Bregun Perëndimor dhe në lindje të Jerusalemit në përgjigje të vendimit të Kuvendit të Përgjithshëm të OKB-së muajin e kaluar për të përmirësuar statusin e palestinezëve, duke i dhënë Palestinën rolin e “shtetit vëzhgues”.

Mesazhi/A.Avdiu-Hoxha