art_Bashar-al-Assad-420x0.jpg)
Siria ka mbledhur arsenalin e saj të armëve kimike në dy baza që po mbrohen nga ushtria kombëtare, deklaruan zyrtarë nga Ministria e Jashtme Ruse.
Ministri Rus Sergei Lavrov tha: ”Siria është duke bërë maksimumin për të mbrojtur sa më mirë armët e saj të shkatërrimit në masë".
”Ne kemi shprehur edhe më parë shqetësimin tonë për mundësinë e përdorimit të këtyre armëve dhe Damasku i ka marrë në konsideratë këto shqetësime”, tha ai për agjencinë "Ria Novosti".
Deri tani Siria ka mbajtur arsenalin e saj të armëve kimike në rajone të ndryshme të vendit, por mundësia e marrjes së këtyre armëve nga kryengritësit po bëhet shqetësimi kryesor i presidentit Bashar al-Assad, sidomos tani kur sinjalet për fitoren e kryengritësve janë duke u shtuar vazhdimisht.
Kryengritësit janë duke marur gjithnjë e më shumë pozicione strategjike, përmes së cilave po shtrijnë pushtetin në zonat kkyesore të vendit.
Konflikti në Siri po hyn në vitin e tij të dytë, ku nga ky konflikt u vranë mbi 40.000 njerëz, dhe u zhvendosën miliona të tjerë.
Mesazhi/A.Avdiu-Hoxha
Thu 23 Mar 2023 - 2:31 nga 
