Ministri i jashtëm sirian thotë se vendi i tij ka rënë dakord për të marrë pjesë në një konferencë ndërkombëtare në Gjenevë muajin e ardhshëm, që ka qëllim dhënien fund të konfliktit në Siri. Walid Muallem tha të dielën në Bagdad se qeveria e tij beson se e ashtuquajtura Gjeneva 2, konferencë e propozuar nga Rusia dhe SHBA, është një "mundësi e mirë për një zgjidhje politike për krizën në vend". Muallem kritikoi mbështetësit e çlirimtarëve sirianë, duke thënë se "vendet e rajonit që komplotojnë kundër Sirisë janë të njëjta me ato që mbështesin terrorizmin në Irak". Zyrtarët në koalicionin kryesor të opozitës siriane kanë treguar gjithashtu gadishmërinë e tyre për të marrë pjesë në konferencën e Gjenevës, por thanë se ata së pari donin garanci se Presidenti sirian Bashar al-Assad do të largohet përfundimisht. "Ne jemi të gatshëm për të hyrë në negociata që kanë për qëllim transferimin e pushtetit në drejtim të njerëzve, drejt një tranzicioni demokratik. Dhe kjo natyrisht do të thotë se Assad nuk mund të jetë një pjesë e Sirisë në të ardhmen," tha Louay Safi, një zëdhënës i opozitës. SHBA-të dhe Rusia zbuluan më herët gjatë këtij muaji një plan për të sjellë në bisedime qeverinë siriane dhe opozitën, dhe për të negociuar një fund për konfliktin 26-mujor të vendit, e që sipas vlerësimeve të OKB-së ka lënë të paktën 80.000 njerëz të vdekur. Një datë e saktë për konferencën nuk është vendosur ende për shkak se Rusia, një aleat kyç i Assad, tha se ka një mungesë e unitetit midis opozitës së Sirisë. Sergej Lavrov, ministri i Jashtëm rus, dhe John Kerry, sekretari amerikan i shtetit,do të takohen në Paris për bisedime të mëtejshme në lidhje me Sirinë. Ndërkohë, Koalicioni Kombëtar Sirian, i cili ka qenë në një takim në qytetin turk të Stambollit që prej të enjtes, ende nuk ka arritur një qëndrim zyrtar mbi iniciativën e paqes Gjeneva 2. /mesazhi/[justify]