1.jpg)
Siria mund të konsiderohet si një "tokë e pushtuar," tha Ministri i Jashtëm saudit Princi Saud al-Faisal, gjatë një takimi me Sekretarin Amerikan të shtetit John Kerry.
Al-Faisal ka përshkruar ndërhyrjen e Iranit dhe Hizbullahut në Siri si të rrezikshme, duke thënë se forcave opozitare duhet t'i ofrohet ndihmë ushtarake për të mbrojtur veten e tyre.
Arabia Saudite "nuk mund të qëndrojë e heshtur" në lidhje me ndërhyrjen iraniane, ka shtuar al-Faisal, dhe bëri thirrje për një rezolutë për ndalimin e armëve që do të furnizonin rrjedhat e regjimit sirian.
Kerry ka udhëtuar sot për në Arabinë Saudite me shpresën e koordinimit të mbështetjes për luftëtarët e Sirisë, por megjithatë i shoqëruar nga frika se një luftë e zgjatur do të sillte edhe më shumë viktima dhe shkatërrim në vend.
Kerry do të kalojë disa orë në qytetin perëndimor Xhidde me udhëheqësin e mbretërisë Saudite.
Presidenti Barack Obama është i kujdesshëm në lidhje me përfshirjen e thellë të SHBA-ve në konfliktin sirian, por është zotuar të rrisë mbështetjen për çlirimtarët, pasi ka konkluduar se regjimi i Bashar al Assad ka sfiduar paralajmërimet rreth përdorimit të armëve kimike.
Thu 23 Mar 2023 - 2:31 nga 
